Արմինֆո. Այսօր մեր երկրում տեղի են ունենում գործընթացներ, որոնք այլասերվածության բացահայտ քարոզչություն են և վտանգում են ազգային անվտանգությունն ու հայ ավանդական ընտանիքը: Այս մասին «Ավանդական արժեքները որպես հայ պետականության հիմք. եկեղեցու դերը ազգային անվտանգության, քաղաքական կայունության և հասարակական համաձայնության ապահովման հարցումե քննարկման ժամանակ հայտարարել է միջազգային հումանիտար զարգացման ՀԿ նախագահ Արման Ղուկասյանը:
Նրա խոսքով, նոյեմբերի 15-18-ը Երևանում կայանալիք ԼԳԲՏ քրիստոնեաների ֆորումը դրա վառ ապացույցն է: Ղուկասյանը նշել է, որ ֆորումի հեղինակն ու դոնորը ամերիկյանը «Arcusե հիմնադրամն է, որը հիմնվել է 2000 թվականին ԱՄՆ-ում, Միչիգան նահանգում: Այն գրասենյակներ ունի Նյու Յորքում և Քեմբրիջում: Հիմնադիր-նախագահ է հանդիսանում Ջոն Սթրայքերը, որի ունեցվածքը կազմում է 2,9 մլրդ դոլար: Արման Ղուկասյանի խոսքով` հենց այս կազմակերպության աջակցությամբ է, որ ֆորումը անցկացվել է տարբեր երկրներում (Հայաստանում տեղի կունենա թվով 11-րդ համաժողովը):
«Ակնհայտ փորձ է արվում խեղաթյուրել մեր կրոնը և կապել այն ինչ-որ երևույթների հետ: Խնդիրը ոչ միայն ԼԳԲՏ երևույթի մեջ է, այլ սա բացահայտ ոտնձգություն է մեր կրոնի նկատմամբե,- ասել է բանախոսը:
Նա նշել է, որ հիմնադրամը վարում է ագրեսիվ կամպանիա, որն ուղղված է կրոնական էթիկայի և բարոյականության վերացմանը սեռական հարաբերություններում, ընտանիքներում ու ամուսնական հարաբերություններում: Եվ ուշագրավ է, որ «Arcusե հիմնադրամը խոշոր գրանտային միջոցներ է տրամադրում ոչ միայն ԼԳԲՏ քարոզչությանը, այլև մարդանման կապիկների պաշտպանությանը: Այդպես, միայն 2017 թվականին հիմնադրամը 28,7 մլն դոլարի գրանտ է հատկացրել , որից 10,8 մլն դոլարն ուղղվել է մարդանման կապիկների պաշտպանությանը, իսկ 17,9 մլն դոլարը` ԼԳԲՏ քարոզչությանը:
Բանախոսն ասել է, որ ֆորումի կազմակերպիչների մեջ կարելի է տեսնել նաև Սորոսի հիմնադրամի հետքը: Եվ հորդորել է ՀՀ համապատասխան մարմիններին ուշադիր զննել ու ուսումնասիրել արևմտյան գրանտերով և ֆինանսավորմամբ գործող հայաստանյան կազմակերպություններին, որոնք հանդիսանում են Հայաստանում նման միջոցառումների անցկաման համահեղինակները: Միևնույն ժամանակ Ղուկասյանը նկատել է, որ քաղաքական դաշտի ներկայացուցիչները որևէ կերպ չեն անդրադառնում այս խայտառակ միջոցառմանը, կարծես Հայաստանում նման ֆորումի անցկացումը նորմալ երևույթ է.
«Սա սպառնալիք է Հայաստանի ազգային անվտանգությանը, ինչպես նաև սա փորձ է ազդեցություն ունենալ Հայաստանում ներքին գործընթացների վրա: Սա լուրջ մարտահրավեր է, որը պետք է կանխել` հստակ գնահատական տալով երևույթին ու գիտակցելով, թե ովքեր են դրա հասցեատերերըե,- հավելել է նա:
Մեկ այլ բանախոս Ծովինար Կոստանյանը նշել է, որ վերջին զարգացումներն ավելի քան հրատապ են դարձրել այս թեման, ինչի համար էլ հրավիրել են բոլորին քննարկմանը, հույս ունենալով, որ ոչ միայն կբարձրաձայնեն խնդիրները, այլ կփորձեն միասնական ուժերով գտնել լուծումներ, որովհետև ակնհայտ է, որ այսօր վտանգված է ազգային անվտանգության հիմքերը:
«Վերջին ամիսներին մենք ականատես ենք եկեղեցու և Ամենայն Հայոց Կաթողիկոսի տեղի ունեցող տարբեր հարձակումների բառիս ուղիղ և անուղակի իմաստով, հայկական ավանդական ընտանիքի և ավանդական արժեքների դեմ ուղղված ոտնձգությունների` սկսակ Շուռնուխի դեպքերից մինչև նոյեմբերի 15-ից 18-ը նախատեսված այսպես կոչված ԼԳԲՏ քրիստոնյանների ֆորումըե,- ասել է բանախոսը:
Կոստանյանը ասել է, որ ժամանակն է մեկտեղելու բոլոր ազգային ուժերին, գաղափարակիցներին, որովհետև տեղի ունեցող գործընթացները ոչ միայն մտահոգիչ են, այլև դարձել են վտանգավոր Հայաստանի ազգային արժանապատվության, երկրի սուվերենության պահպանման, և առհասարակ` հայկական ավանդական արժեքների պահպանման համար:
«Լույսե տեղեկատվական վերլուծական կենտրոնի ղեկավար Հայկ Այվազյանն էլ նշել է, որ Հայաստանում երկու ինստիտուտ է մնացել, ուր Արևմուտքը դեռ չի կարողացել ներթափանցել` եկեղեցին և հայ ընտանիքը: Ըստ նրա, հարվածի տակ է հայ ավանդական ընտանիքը, քանի որ այլասերվածության քարոզչության թիրախը հենց դա է: «Եթե դիմադրություն մեր ժողովրդի կողմից պատշաճ չեղավ, ապա այս ինստիտուտները վտանգված են: Հատկապես, որ մի քնի տարի է, ինչ օրենսդրական փոփոխություններ են նախապատրաստվում, որոնց թիրախը հենց մեր ավանդական արժեքներն ենե,- շեշտել է նա:
Միջոցառմանը ներկա եին հեղինակավոր փորձագետներ, հասարակական կազմակերպությունների ներկայացուցիչներ և ուսանողներ:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ