Արմինֆո. Շատ երկրներ Ադրբեջանին զենք վաճառելու հետ կապված ունեին արգելքներ, բայց Ռուսաստանը խախտեց այդ արգելքը: ԱրմԻնֆո-ի թղթակցի հետ զրույցում այս մասին հայտարարել է ՀՀ ԱԺ արտաքին հարաբերությունների հարցերի հանձնաժողովի նախկին նախագահ, միջազգային փորձագետ Հովհաննես Իգիթյանը, մեկնաբանելով ԱՄՆ նախագահի ազգային անվտանգության գծով խորհրդական Ջոն Բոլթոնի հայտարարությունն այն մասին, որ չի բացառվում, որ Դոնալդ Թրամփը կօգտագործի իր լիազորությունները և կչեղարկի «Ազատության աջակցության ակտի» 907-րդ ուղղումը, որով ԱՄՆ կառավարությանն արգելվում է ռազմական օգնություն տրամադրել Ադրբեջանին՝ կապված Հայաստանի շրջափակման հետ:
Հիշեցնենք, որ այդ փաստաթուղթն ընդունվել է 1992 թվականին: Երկար տարիներ ադրբեջանական դիվանագիտությունը ձգտում է 907-րդ ուղղումն ուժը կորցրած ճանաչել, բայց մինչ օրս առանց հաջողության: «Փաստն այն է, որ Ադրբեջանը խնդիրներ ունի ժողովրդավարական արժեքների հետ, այդ պատճառով էլ սահմանվել է այդ ուղղումը», - ընդգծել է փորձագետը:
Իգիթյանը նշել է, որ շատ երկրներ Ադրբեջանին զենքի վաճառքի հետ կապված սահմանափակումներ ունեին, բայց Ռուսաստանը խախտեց այդ արգելքը: «Ինչպես նշեցի, չնայած Ռուսաստանի կողմից բազմաթիվ հայտարարություններին, որ սա պարզապես բիզնես է, ուզում եմ նշել, որ դա այդպես չէ: Իրականում սա քաղաքականություն է և տարածաշրջանում ուժերի հավասարակշռության խախտում: Չէ որ ակնհայտ է որ ռուսական իշխանությունները լավ գիտեին, որ Ադրբեջանն այդ զենքը կօգտագործի Հայաստանին և Արցախին դեմ», - ընդգծել է նա:
Փորձագետը նաև ընդգծել է, որ պակաս կարևոր չէ նաև այն փաստը, որ Բոլթոնը նշել է, որ այս հարցը դեռևս չկա ԱՄՆ-ի օրակարգում: «Կարևոր է, որ ներկայումս այդ ուղղումն ուժի մեջ է», - նշել է Իգիթյանը:
Իգիթյանն անդրադարձել է նաև Բոլթոնի այն հայտարարությանը, թե Միացյալ Նահանգները կարող են ուժեղացնել պատժամիջոցներն Իրանի դեմ: «Իհարկե, բոլորիս համար էլ ակնհայտ է, որ Ջոն Բոլթոնի ուղևորությունը դեպի Ռուսաստան, իսկ ավելի ուշ, նաև մեր տարածաշրջան, հիմնականում վերաբերում է իրանական խնդիրներին, բայց ես չեմ կարծում, որ այս ամենը կազդի Հայաստանի և Իրանի հարաբերությունների վրա: Ի վերջո, մենք ունենք Իրանի հետ բարեկամական հարաբերությունների պահպանման մեծ փորձ, որը պատժամիջոցների տակ է», - ասել է Իգիթյանը:
Փորձագետն ընդգծել է, որ մենք չենք այնպիսի ապրանքներ, որոնք կարող են հակասել պատժամիջոցների պայմաններին, և այդ հարցը վերաբերում է ավելի շատ Ռուսաստանին, քան Հայաստանին: «Այս հարցն ավելի շատ վերաբերում է Ռուսաստանին, սպառազինությունների և միջուկային ծրագրերի առումով, և դա որևէ կերպ չի ազդի Հայաստանի վրա: Ավելին, չեմ կարծում, որ այս իրավիճակը մեծապես կազդի Իրանի ներքին տնտեսության վրա, քանի որ պատժամիջոցները հիմնականում տեղական են լինելու», , - ընդգծել է արտաքին հարաբերությունների հարցերով խորհրդարանական հանձնաժողովի նախկին նախագահը:
Ինչ վերաբերում է Սիրիայում Հայաստանի մարդասիրական առաքելության վերաբերյալ Բոլթոնի հայտարարությանը, Իգիթյանը գտնում է, որ այս հայտարարության մեջ, իհարկե, զգալիորեն նկատելի է զգուշացումը ՀՀ-ի համար: «Ինչպես գիտենք, Սիրիայի հարցը չափազանց քաղաքականացված է, և մենք պետք է շատ զգույշ լինենք այս ոլորտում: Կարծում եմ, որ մենք չպետք է աջակցենք այս հարցում որևէ կողմի դիրքորոշմանը, սակայն, հաշվի առնելով, որ Սիրիայում մեր ներկայությունը բացառապես մարդասիրական է, ապա այդ զգուշացումը մեզ համար վտանգավոր չէ», - ընդգծել է Իգիթյանը:
Միևնույն ժամանակ, փորձագետը շեշտել է, որ Հայաստանը պետք է խաղաղապահ առաքելություն ունենա Սիրիայում, քանի որ խոսքը վերաբերում է այնտեղի մեր մեծ հայ համայնքին: «Մենք պետք է ակտիվորեն մասնակցենք խաղաղապահ առաքելություններին և մեր հայրենակիցներին Հայաստանի օգնությունը պետք է լինի իմաստալից և երրորդ երկրների ցանկություններից դուրս», - ասել է փորձագետը:
Պատասխանելով ԱրմԻնֆո-ի թղթակցի հարցին, թե ինչպես է ինքը գնահատում Ջոն Բոլթոնի այցն ընդհանրապես, փորձագետն ասել է. «Իհարկե, այս այցը հիմնականում նպատակաուղղված էր տարածաշրջանում անվտանգության հարցերին: Մեզ համար սա շատ լավ հնարավորություն է հայ-ամերիկյան հարաբերությունների զարգացման առումով: Վերջերս նրանք «կեղտոտվել» են, իսկ դա պայմանավորված է նրանով, որ նախորդ կառավարության ներկայացուցիչները չափազանց զգույշ էին Միացյալ Նահանգների հետ հարաբերությունների զարգացման հարցում: Փաստն այն է, որ նրանք վախենում էին Ռուսաստանի բացասական արձագանքից: Սակայն, քանի որ մենք անկախ երկիր ենք, մենք պետք է իրավունք ունենանք զարգացնել մեր հարաբերությունները`համաձայն ազգային շահերին», - ասել է փորձագետը:
Նա նշել է, որ Հայաստանի և Միացյալ Նահանգների հարաբերությունները բխում են մեր երկու երկրների շահերից, և առավել ևս, որ ԱՄՆ-ի հայ համայնքը աշխարհում երկրորդ խոշորագույնն է, և դա չի կարելի անտեսել: «Մենք լավ հարաբերություններ ունեինք Միացյալ Նահանգների հետ, և դրանք պետք է վերականգնվեն, քանի որ դա վերաբերում է մեր անմիջական շահերին: Այս պահին մենք մեծ հնարավորություն ունենք նոր խթան հաղորդելու այդ հարաբերություններին», - եզրափակել է Հովհաննես Իգիթյանը: