Արմինֆո.2018 թվականի առաջին կեսին Հայաստանում միգրացիայի բացասական հաշվեկշիռը կազմել է 6146 մարդ: Հոկտեմբերի 9-ի մամուլի ասուլիսում, ամփոփելով 100-օրյա աշխատանքի արդյունքները, այս մասին հայտարարել է ՀՀ տարածքային կառավարման և զարգացման նախարարության միգրացիոն ծառայության ղեկավար Արմեն Ղազարյանը:
Միևնույն ժամանակ, Ղազարյանը նշել է, որ այս ցուցանիշը ներկայացնում է սահմանային անցումների ընդհանուր թվաքանակը: «Եթե միևնույն անձը մի քանի անգամ հատում է սահմանը, նա նույնպես ընդգրկված է այդ ցուցանիշում, սակայն մենք ունենք նաև նույնականացված տվյալներ: Այդ տվյալներով, բացասական հաշվեկշիռը կազմել է 5,204 մարդ, ինչը նշանակալի տեղաշարժ է, քանի որ 2017-ի նույն ժամանակահատվածում բացասական հաշվեկշիռը կազմել էր 30 853 մարդ», - ընդգծել է միգրացիոն ծառայության ղեկավարը:
Անդրադառնալով Հայաստանում փախստականներին վերաբերող խնդիրներին, Ղազարյանը նշել է, որ գրեթե բոլոր փախստականները մի քանի հիմնական խնդիրներ ունեն, մասնավորապես` բնակարանային խնդիրը, լեզվի արգելքը և կրթության մատչելիությունը, ինչպես նաև հասարակությանը ինտեգրման հետ կապված խնդիրները: Ղազարյանը նշել է, որ ներկայումս Հայաստանում ապրում է Ադրբեջանից փախած 895 ընտանիք, և կառավարությունը պարտավոր է լուծել նրանց բնակարանային պայմանները: Միգրացիոն ծառայության ղեկավարը նաև անդրադարձել է Սիրիայից եկած փախստականների հարցերին: Նա ընդգծել է, որ սիրիահայ փախստականների մեծ մասը, երբ Սիրիայից տեղափոխվեցին Հայաստան, արդեն ունեին Հայաստանի քաղաքացիություն, բայց նրանց մեծ մասը նույնպես բախվեց բնակարանային խնդրին: «Այդ փախստականներից շատերը, չնայած նրանք Հայաստանի քաղաքացիներ են, ապրում են ժամանակավոր կացարաններում, ինչպես փախստականները», - ասում է Ղազարյանը:
Միգրացիոն ծառայության ղեկավարը նաև նշել է, որ կառավարությունը մշակել է նոր ծրագիր, ըստ որի, 9 ամսվա ընթացքում պետությունը կվճարի նրանց բնակարանային ծախսերը, եթե նրանք ճանաչվել են փախստականներ և դեռ չեն հասցրել ոտքի կանգնել:
Ղազարյանը հայտարարել է, որ շատ փախստականներ ապրում են ժամանակավոր կացարաններում, ընդ որում`ծայրաստիճան անբարենպաստ պայմաններում: Նա նշել է, որ Աբովյանում կառուցվում է նոր կացարան, որը կդառնա ավելի ժամանակակից, ավելի հարմարավետ և ավելի ընդարձակ: «Հայաստանի կառավարությունն արդեն տարածք է հատկացրել, որպեսզի կառուցենք այդ կացարանը: Մենք շինարարությունն սկսեցինք ICMPD կենտրոնի հետ միասին, որը մեծ ներդրում է կատարել այդ կառույցին: Բացի այդ, կացարանի շինարարության շրջանակներում մեր ամերիկացի գործընկերները, ինչպես նաև ՄԱԿ-ի Փախստականների հարցերով գերագույն հանձնակատարի գրասենյակը խոստացել են տրամադրել աջակցություն: Մենք հուսով ենք, որ մեր մյուս արտասահմանյան գործընկերները նույնպես կօգնեն մեզ այս հարցում», - ասել է Հայաստանի միգրացիոն ծառայության ղեկավարը:
Ղազարյանը նաև հայտարարել է, որ ԵՄ-ում քաղաքական ապաստան խնդրող ՀՀ քաղաքացիների թիվը զգալիորեն նվազել է: «Անցյալ տարի ԵՄ-ում ապաստան խնդրողների թիվը կազմել է 3270 մարդ, և այս տարի դրանց թիվը հասել է 2490-ի», - ասել է Ղազարյանը:
Միգրացիոն ծառայության ղեկավարը նաև ընդգծել է, որ այս պահին Հայաստանում Միգրացիայի միջազգային կազմակերպությունն աջակցություն է ցուցաբերում բոլոր այն անձանց, ովքեր կամավոր վերադարձել են հանրապետություն: «Այդ կազմակերպությունն օգնում է մարդկանց մի շարք ոլորտներում, այդ թվում`բնակարանային խնդիրների, եթե այդպիսիք կան, բիզնեսի կազմակերպման ոլորտում և այլն: Ինչևէ, մենք ունենք դրական միգրացիայի դինամիկա», - եզրափակել է Արմեն Ղազարյանը:
Քաղաքագետ․ Ձայների իրական վերահաշվարկը Փաշինյանին կզրկի ցանկացած տեսակի սահմանադրական մեծամասնությունից
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Արդարադատության նախկին նախարարն ընդդիմությանը կոչ է արել նոր խոստումների փոխարեն ազնվորեն և հիմնավորված պատասխանել Հայաստանի քաղաքացիներին հուզող մի շարք հարցերի
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
