Խորհրդարանական խմբակցությունները ոչ մի կերպ չեն կարողանում փոխհամաձայնության հանգել ԱԺ վաղաժամկետ ընտրությունների անցկացման շուրջ

Արմինֆո. Դեկտեմբերին վաղաժամկետ ընտրությունների անցկացման շուրջ միանձնյա որոշումն` առանց մյուս քաղաքական ուժերի համաձայնության, վերջնագիր է: Խոսքը վերաբերում է մեր երկրի ապագային, և նման կարճ ժամկետում ընտրություններ անցկացնելը, պարզապես, վտանգավոր է: 

Այսօր ԱԺ ճեպազրույցում այդպիսի կարծիք է հայտնել ՀՀԿ խմբակցության ղեկավար Վահրամ Բաղդասարյանը: Նա հաղորդել է, որ հոկտեմբերի 1-ին հանդիպել էր վարչապետ Նիկոլ Փաշինյանի հետ, և նրանք համաձայնության էին հանգել, որ վաղաժամկետ խորհրդարանական ընտրությունները պետք է կայանան 2019 թվականի մայիսին կամ հունիսին: Նրա ասելով, նույն  օրը կայաց ել էր պետաիրավական հարցերի հանձնաժողովի նիստ, որի ընթացքում քննարկվել էր ԱԺ կանոնակարգի մասին օրենքում փոփոխությունների մասին օրինագիծը: ՀՀԿ խմբակցության ղեկավարի հավաստմամբ, հանձնաժողովի նիստին մասնակցել էին նաև «Ելքի՚ պատգամավորները, որոնք, սակայն, Փաշինյանին չէին տեղեկացրել այդ օրինագծի մասին, և հաջորդ օրը Նիկոլ Փաշինյանը զանգահարել էր Բաղդասարյանին ու խնդրել օրինագիծը չդնել քվեարկության, ինչից հետո նրանք հանդիպել էին, և վարչապետը հայտարարիել էր, որ ընտրությունները դեկտեմբեիրն անցկացնելու մասին միանձնյա որոշում է կայացրել, ինչից հետո հրվիրվել էր ԱԺ արտահերթ նիստ, որի ընթացքում օրինագիծն ընդունվել է: «Չէ որ, պայմանավորվածության համաձայն, մենք այդ օրինագիծը քվեարկության չպետք է դնեինք` քանի դեռ Փաշինյանի հետ մեր հանդիպումը չէր կայացել՚, - նշել է ՀՀԿ խմբնակցության ղեկավարը: Նրա ասելով, իրենց խմբակցության պատգամավորները կարծում են, որ քաղաքական ուժերին հարկավոր է ժամանակ տալ, որպեսզի նրանք կարողանան պատշաճ նախապատրաստվել առաջիկա ընտրություններին: «Մենք մտադիր չենք բանակցություններ վարել դեկտեմբերին ընտրությունների անցկացման շուրջ, մենք դա համարում ենք չարդարացված: Բանակցությունները նշանակում է փոխգործակցություն, իսկ «Ելք՚ խմբակցության դիրքորոշումը վերջնագիր է հիեցնում՚, - ընդգծել է Բաղդասարյանը:

Նա նաև նշել է, որ խբակցությունում վարչապետի պաշտոնի համար սեփական թեկնածու առաջադրելու շուրջ քննարկում չի եղել` Փաշինյանի հրաժարականից հետո: ՀՀԿ խմբակցության ասելով, եթե «Ելք՚ խմբակցության ներկայացուցիչները «մենք խոսում ենք միայն դեկտեմբերին ընտրությունների մասին՚ արտահայտության համատեքստը փոխեն «մենք պատրաստ ենք բանակվություններ վարել՚ արտահայտությամբ, ապա իրենք պատրաստ են փոխգործակցության: Անդրադառնալով դեկտեմբերին ընտրությունների նկատմամբ Սերժ Սարգսյանի դիրքորոշմանը` Բաղդասարյանը հայտարարել է, թե խմբակցությունում յուրաքանչյուրն ունի սեփական դիրքրոոշումը, սակայն դեկտեմբերին ընտրությունների հարց իրենք չեն քննարկել:

«Ելք՚ խմբակցության ղեկավար Լենա Նազարյանն, իր հերթին, հայտարարել է, թե խորհրդարանական ուժերի միջև բանակցությունները պետք է շարունակվեն, ինչի համար բաց են բոլոր դռները: Նա, միևնույն ժամանակ, նշել է, թե «Ելքի՚ ներկայացուցիչները հույս ունեն, որ մյուս խմբակցությունների իրենց գործընկերները վարչապետի պաշտոնի համար թեկնածու չեն առաջադրի` Փաշինյանի հրաժարականից հետո: «Մենք խորհրդարանական 3 խմբակցությունների ներկայացուցիչներին կոչ ենք անում Նիկոլ Փաշինյանի հրաժարականից հետո  իրենց թեկնածուներին չառաջադրել և ընդունել հասարակայնության դիրքորոշումը՚, - ասել է նա, հավելելով, որ, հակառակ դեպքում, կարող է կրկնվել հոկտեմբերի 2-ի իրավիճակը: Նա նաև համոզմունք է հայտնել, որ ԱԺ ներկայիս կազմը ժողովրդի տեսակետը չի արտահայտում և պարբերաբար փորձում է անդրկուլիսյան խաղեր վարել կառավարության դեմ: «Ազգային ժողովում ձևավորվել է «ստվերային իշխանություն՚, որը «ստվերային՚ օրինագծեր է բերում խորհրդարան, դրան պետք է վերջ տալ՚, - ընդգծել է Նազարյանը:

ՀՅԴ խմբակցության պատգամավոր Սպարտակ Սեյրանյանն, իր հերթին, հայտարարել է, որ կուսակցությունը կողմ է վաղաժամկետ խորհրդարանական ընտրությունների անցկացմանը: «Երբ ՀՅԴ-ն քվեարկում էր կառավարության ծրագրի օգտին, ակնհայտ էր, որ և հոկտեմբերը, և նոյեմբերը և դեկտեմբերը լիովին տեղավորվում են վաղաժամկետ ընտրությունների անցկացման շրջանակում: Խոսել այն մասին, թե մենք ցանկանում ենք ընտրություններն անցկացնել հենց մայիսին, շահարկում է՚, - ընդգծել է պատգամավորը:

Սեյրանյանի ասելով, իրենց խմբակցությունն արդեն հստակ հասկացրել է, որ վաղաժամկետ ընտրութնունները պետք է կայանան Ընտրական օրենսգրքի բարեփոխումից հետո: Հակառակ դեպքում, մենք չենք կարող հասնել ստեղծված իրավիճակի կարգավորման՚, - ընդգծել է Սեյրանյանը: Վերջում նա նշել է, որ ՀՅԴ-ն կարող է համաձայնել վաղաժամկետ ընտրությունների, եթե բոլոր քաղաքական ուժերը հանգեն փոխհամաձայնության, որ ԱԺ ընտրությունները պետք է կայանան հենց դեկտեմբերին :

Հավելենք, որ «Ծառուկյան՚ դաշինքի խմբակցության ներկայացուցիչներն այդպես էլ չեն ներկայացել ճեպազրույցի, սակայն, այսօր պետք է տեղի ունենա Գագիկ Ծառուկյանի և Նիկոլ Փաշինյանի հանդիպում: