Արմինֆո. Երևանի մարզահամերգային համալիրում մեկնարկած ՖՄԿ 35-րդ նախարարական համաժողովի ժամանակ ԱԳ նախարար Զոհրաբ Մնացականյանն իր բացման խոսքում առաջարկել է մեկ րոպե լռությամբ հարգել Շառլ Ազնավուրի հիշատակը:
«Հարգելի՛ տիկին Գլխավոր քարտուղար, Հարգելի՛ գործընկերներ, այսօր ինձ համար մեծ պատիվ է ողջունել ձեզ այստեղ՝ այն նույն վայրում, որտեղ 2015թ. Երևանն առաջին անգամ հյուրընկալեց Ֆրանկոֆոնիայի նախարարական համաժողովը: Այս առնչությամբ ցանկանում եմ շնորհակալություն հայտնել իմ գործընկերոջը՝ Հայաստանի նախկին ԱԳ նախարար Էդվարդ Նալբանդյանին, ում ջանքերով Հայաստանը ստանձնեց նախարարական համաժողովի նախագահությունը, որի շրջանակներում կայացվեց Ֆրանկոֆոնիայի 17-րդ համաժողովը Երևանում անցկացնելու որոշումը:
Ուրախ եմ գտնվել այստեղ մեր համաժողովի կապակցությամբ, միևնույն ժամանակ տխրությամբ փաստելով մեծ ֆրանսիացու, մեծ հայի, աշխարհի մեծն քաղաքացու, աշխարհից էլ մեծ Շառլ Ազնավուրի բացակայությունը։ Մի քանի օր առաջ ունեցած այս ցավալի կորուստը, կարծես թե, զրկեց ֆրանկոֆոնիան իր մեծագույն Դեսպաններից մեկից: Խնդրում եմ բոլորիդ, հարգելի՛ գործընկերներ, տիկնա՛յք և պարոնա՛յք, մեկ րոպե լռությամբ հարգենք մեծն արտիստի հիշատակը, մի անձնավորության, ով իր կերպարով մարմանավորում էր Ֆրանկոֆոն արժեքների հիմք հանդիսացող մշակութային բազմազանությունը, հանդուրժողականությունը և մարդասիրությունը՚, - նշել է արտգործնախարարը:
Այնուհետև Մնացականյանն ընդգծել է, որ Հայաստանի համար հիրավի մեծ պատիվ է, որ ֆրանկոֆոն պետությունների և կառավարությունների ղեկավարներն իրեն են վստահել Ֆրանկոֆոնիայի 35-րդ Նախարարական համաժողովի, ինչպես նաև Ֆրանկոֆոնիայի 17-րդ գագաթաժողովի կազմակերպումը։ «Սա միևնույն ժամանակ մեծ պատասխանատվություն է, և Հայաստանը լիովին գիտակցում է իր վրա դրված պատասխանատվությունը՝ հանձնառու լինելով դրանց կազմակերպմանն ամենաբարձր մակարդակով: Անկասկած, Ֆրանկոֆոնիան կարևոր լծակ է մեր երկրում ֆրանսերեն լեզվի էլ ավելի տարածման համար, սակայն Ֆրանկոֆոնիան մեզ համար չի սահմանափակվում միայն լեզվական ընկալմամբ: Ֆրանկոֆոնիան մեզ բոլորիս համար արժեքների, հանդուրժողականության և բազմազանության հարթակ է, որտեղ մենք փորձում ենք արձագանքել մեր առջև ծառացած հիմնական մարտահրավերներին՝ այսօր աշխարհում մեր կողմից պաշտպանվող արժեքներին համահունչ: Հաշվի առնելով կազմակերպության աշխարհագրական սփռվածությունը, որը ներառում է բոլոր մայրցամաքները՝ Ֆրանկոֆոնիան կարևոր հարթակ է տնտեսական, կրթական և մշակութային բնագավառներում համագործակցության և փոխանակումների համար։ Այն հնարավորություն է տալիս մեզ էլ ավելի ճանաչելու միմյանց, հարգելու կարևոր նպատակ հանդիսացող «Ապրել միասին»-ը՝ ներդաշնակության, փոխադարձ հարգանքի և փոխըմբռնման ներքո: Կազմակերպությունում առկա համագործակցությունն ուղղված է այդ արժեքների տարածմանը, որը և հանդիսանում է միջազգային հարաբերություններում խաղաղության և կայունության գրավականը: Մեր երկրների կանայք և տղամարդիկ մշտապես եղել են և պետք է լինեն Ֆրանկոֆոնիայի նպատակների առանցքը։ «Ապրել միասին» ասելով նկատի չունենք միայն մեր կառավարություններին, «Ապրել միասին»-ը վերաբերում է մեր ժողովուրդներին: Սա է ֆրանկոֆոնիայի նպատակների կիզակետը, որտեղ մենք տեսնում ենք հսկայական ներուժ այս կազմակերպության համար:
Կազմակերպությունում Հայաստանի առաջիկա նախագահության ընթացքում և հետագայում բոլորս միասին աշխատելու ենք Ֆրանկոֆոնիայի այս արեքներն առաջ տանելու ուղղությամբ: Ամփոփելով խոսքս, ցանկանում եմ ընգծել, որ մեր երկիրն այժմ մի ժամանակահատված է ապրում, երբ վերահաստատվել է մեր ժողովրդի հանձնառությունն ազատության, ժողովրդավարության, մարդու իրավունքների արժեքներին. դրանք ֆրանկոֆոնիայի արժեքներն են, որոնք հանդիսանում են նաև Թավշյա հեղափոխության խորհրդանիշը։ Հույս եմ հայտնում, որ ձեզանից յուրաքանչյուրը յուրովի կբացահայտի մեր նոր, բայց նաև մի քանի հազարամյա Հայաստանը, իր 2800-ամյա մայրաքաղաքով և ֆրանկոֆոն տարածության հարուստ մշակութային բազմազանության մեջ իր բացառիկ մշակութային ժառանգությամբ՚, - ասել է Հայաստանի արտգործնախարարը:
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Ադրբեջանագետ. Մինչ Ադրբեջանն իր սերնդին պատրաստում է պատերազմի, Ալիևի օգնականը կոչ է անում Հայաստանին պատրաստել հայ հասարակությանը «խաղաղության»
Թուրքագետ. Ադրբեջանը երբեք, ոչ մի պարագայում չի դադարի հայ ժողովրդի վրա ճնշում գործադրելուց
Քաղաքագետ. Մենք պետք է հեռանանք «երբ» հարցից և այն փոխարինենք ավելի կարևոր հարցերով
Միջազգային իրավունքի մասնագետ. Ադրբեջանը մտադիր է դատական գործընթաց սկսել Հայաստանի դեմ՝ դատապարտելով հայ բանտարկյալներին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
