Արմինֆո. Հանրապետության տարածքում սեպտեմբերի 11-ին, 15-ի երեկոյան ժամերին հյուսիսային շրջաններում սպասվում է անձրև և ամպրոպ, առանձին հատվածներում հնարավոր է նաև կարկուտ: 12-14-ը, 16-ին սպասվում է առանց տեղումների եղանակ: Քամին՝ հարավ-արևմտյան` 5-10 մ/վ, ամպրոպի ժամանակ սպասվում է քամու ուժգնացում՝ 15-20 մ/վ: Ինչպես ԱրմԻնֆո-ին հաղորդեցին ԱԻՆ մամուլի ծառայությունից, օդի ջերմաստիճանը սեպտեմբերի 13-15-ն աստիճանաբար կբարձրանա 3-4 աստիճանով:
Երևան քաղաքում սեպտեմբերի 11-ին, 15-ին քաղաքի առանձին հատվածներում հնարավոր է անձրև և ամպրոպ, 12-14-ը և 16-ին սպասվում է առանց տեղումների եղանակ: