Միկրոձեռներեցության զարգացման բարեգործական հիմնադրամի նախկին ղեկավարն արդարություն է պահանջում. նա նշել է «Կամուրջ» ՈւՎԿ-ում կոռուպցիոն սխեմաներին մասնակից անձանց անունները

Արմինֆո.2000 թվականին հիմնադրված՝Միկրոձեռներեցության զարգացման բարեգործական հիմնադրամի նախկին ղեկավար Գագիկ Վարդանյան հուլիսի 19-ին մամուլի ասուլիսի ժամանակ բարձրացրել է«Կամուրջ» ՈւՎԿ-ում կոռուպցիոն սխեմաների հարցը:

«Կարծում եմ, որ բոլոր հիմքերն ունեմ հայտարարելու, որ այդ գործընթացին մասնակից են եղել ՀՀ նախկին նախագահ Սերժ Սարգսյանը, նախկին վարչապետ Տիգրան Սարգսյանը և ԿԲ գործող նախագահ Արթուր Ջավադյանը: Ես հիմա եմ այդ մասին պատմում, քանի որ Հայաստանում կոռումպացված համակարգի փլուզման գործընթաց է տեղի ունենում: Այն, ինչ սկսել է Նիկոլ Փաշինյանը, մեծ հույսեր է ներշնչում մեզ՝ այդ գործում տուժածներիս»,- ընդգծել է նա:

Գ. Վարդանյանը նշել է, որ ժամանակին հիմնադրամի ակտիվները գերազանցել են 30 մլն դոլարը, որի 16 մասնաճյուղ շուրջ 270 աշխատակից է ունեցել: Աջակցություն է ցուցաբերվել շուրջ 20 հազար անապահով ընտանիքի: Ավելին, Հիմնադրամը, լինելով բարեգործական կազմակերպություն, չհետապնդելով շահույթ ստանալու նպատակներ, ընդգրկվել է 300 խոշոր հարկատուների ցանկում: «Տարեկան 750 միլիոն դրամ եկամուտ ունեցող կազմակերպությունը այսօր աշխատում է վնասով»,- ասել է Վարդանյանը:

Նրա խոսքերով, երբ կազմակերպությունը իր գործունեության 10 տարիների ընթացքում հասել է աննախադեպ արդյունքների, մասնավորապես՝ միջազգային ճանաչման, հայտնվել է նախկին իշխանությունների ուշադրության կենտրոնում: 2009 թվականին, ՀՀ Ֆինանսների նախարարության հրամանով, ինչպես նշել է Հիմնադրամի նախկին ղեկավարը, սկսվել են անհիմն ստուգումներ՝ «Հիմնադրամի գործունեության հետ որևէ առնչություն չունեցող պատճառներով»: «Հիմնադրամի ստեղծման օրից մինչ օրս մենք որևէ բյուջետային միջոց չենք օգտագործել: Հարկեր վճարելուց բացի, պետության հետ փոխգործակցություն չենք ունեցել»,- պարզաբանել է նա:

Ֆինանսների նախարարության գլխավոր խորհրդոտու Հայկ Դավթյանի կողմից, ինչպես նշել է Վարդանյանը, փորձեր են արվել՝ համոզելու ցրել Հիմնադրամի խորհրդի անդամներին՝ «իրենց» մարդկանց նշանակելու նպատակով: «Իսկ ինձ ասացին, որ կշարունակեմ հանգիստ աշխատել»,- ընդգծել է նա: Գ. Վարդանյանը ներկայացված պայմաններին չի համաձայնել, ինչին հաջորդել է Ֆինանսների նախարարության ակտը Հիմնադրամի նկատմամբ 1.5 մլրդ դրամի տուգանք կիրառելու վերաբերյալ: «Ես բողոքարկեցի ակտը և դիմեցի վարչական դատարան՝ ներկայացնելով մի շարք փաստաթղթեր, մասնավորապես՝ ՀՀ ԿԲ նախագահի անունից, որում նշված է, որ մեր Հիմնադրամը լիցենզավորման կարիք չունի: Սակայն, վարչական դատարանի որոշմամբ, ակտն ուժի մեջ մնաց»,- պատմել է նա: Այնուհետև, նախկին նախագահի խոսքով, Ֆինանսների նախարարության միջնորդությամբ, գործում ներգրավվել է Հատուկ քննչական ծառայությունը, որը մեղադրանք է առաջադրել, որով Վարդանյանին սպառնացել է 4-8 տարի ազատազրկում:

Նույն ընթացքում հրավեր է ստացվել  Արթուր Ջավադյանից /ՀՀ ԿԲ ղեկավար-խմբ./՝ զրուցելու Խորհրդի անդամներին փոխելու հարցի շուրջ, որում, վերոհիշյալ անձանցից բացի, ներգրավված էին գլխավոր դատախազ Աղվան Հովսեփյանը և Վճռաբեկ դատարանի նախագահ Արման Մկրտումյանը: Դրանցի հետո, Վարդանյանի խոսքով, հրավիրվել են Խորհրդի անդամները, որոնց փաստի առաջ են կանգնեցրել. Եթե չլքեն իրենց պաշտոնը, նրանց նկատմամբ համանման մեղադրանք կառաջադրվի: «Բնականաբար, նրանք հեռացան, և ձևավորվեց նոր Խորհուր»,- ընդգծել է նա՝ նշելով, որ նոր թիմում ընդգրկվել են Վարդան Արամյանը /ֆինանսների նախկին նախարար/,ով նշանակվել է այդ Հիմնադրամի նախագահ, իսկ խորհրդի անդամներ են դարձել ՀՀ շախմատի ֆեդերացիայի նախագահի առաջին տեղակալ Սմբատ Լպուտյանը, ՀՀ շախմատի ֆեդերացիայի նախագահի տեղակալ Գագիկ Գևորգյանը: «Երբ արդեն խորհուրդը բաղկացած էր «իրենց» մարդկանցից, իմ նկատմամբ քրեական գործը կարճվեց»,- ընդգծել է նա:

Սակայն, տնօրենի պարտականությունները խստորեն սահմանափակվել են: «Ինձ նույնիսկ թույլ չտվեցին կնքի պահել ինձ մոտ: Փոխվեց հիմնադրամի կանոնադրությունը, որի միջոցները օգտագործվեցին նաև այլ նպատակներով»,- պարզաբանել է նա: Մասնավորապես, շուրջ 300 մլն դրամ ուղղակի նվիրվեց «Լույս» հիմնադրաին և այլն: Դրանից հետո, Վարդանյանի խոսքով,առաջարկվել է տնօրենի պաշտոնը փոխարինել Խորհրդի անդամի պաշտոնով: «Բնականաբար, օբյեկտիվ պատճառներով, ես հրաժարվել եմ: Դրան հաջորդել է իմ հեռացումը՝ «աշխատանքի էական պայմանների փոփոխության» հիման վրա:

Ստեղծված իրավիճակից ելնելով՝ 2017 թ. մարտին Գ. Վարդանյանը դիմել է առաջին ատյանի դատարան, սակայն մերժում է ստացել: «Նախատեսում եմ դիմել վերաքննիչ դատարան, իրավապահ մարմիններին, մասնավորապես՝ ԱԱԾ-ին, որպեսզի արդարությունը հաղթի»,- ասել է նա: