Բաց նամակ քաղաքապետարանին

Արմինֆո.Ուրբաթ գիշեր է, տաք ամառային օրից հետո, երբ Երևանը վառվում է իր կենդանի գիշերային կյանքով։ Փոքր կամ միջին բիզնեսի սեփականատերի տեսանկյունից սննդի և ըմպելիքների
արդյունաբերության ոլորտում, սա բարձր և ակտիվ սեզոնի սկիզբն է։

Ձմեռային սեզոնի հաճախորդների պատահական հոսքի ամիսներից հետո, ամառը իր հետ բերում է նոր ժամանած տուրիստներ ու արձակուրդները վայելող ուսանողներ, և բարերն ու փաբերը սկսում են ծաղկել։ Շատ բարերի սեփականատերերի համար այս սեզոնի ընտացքոմ ձեռք
բերած շահույթը օգնում է փակել տարվա մնացած ամիսների ընթացիկ ծախսերն ու շահույթի բացակայությունը։

Հեղափոխության հետ եկավ նոր շունչ, հույսի պահ, որ բիզնեսի սեփականատերերի համար պայմանները կբարելավվեն․ Նիկոլ Փաշինյանի խոսքերով, նոր Հայաստան է լինելու, որտեղ
փոքր ու միջին բիզնեսը կկարողանա բարգավաճել և զարգանալ՝ ցնծության կայծ տարածելով ժողովրդի սրտերում։ Խուսափող օլիգարխներին պատկանող խոշոր բրենդների և ձեռնարկությունների նկատմամբ ճնշումների խոստումները մարդկանց մեջ հույս էր
ներշնչում, որ փոքր ձեռներեցները կկարողանան առիթ ունենալ, եթե ոչ մրցակցելու, ապա առնվազն գոյատևելու համար։

Ուրբաթ, հունիսի 29-ին, գիշերային ժամանցի վայրերը ենթարկվեցին կազմակերպված հարձակման։ Այն անհիմն էր, լավ կազմակերպված էր, և հստակ զգացվում էր որ դա ուժային խաղ էր, որը ավելի շատ կապ ուներ քաղաքականության և ուժ ցուցաբերելու հետ, քան բիզնեսների կողմից կատարած որևէ խախտում գրանցելու հետ։ Սա դեպք էր, որը
հանգեցրեց քաոսի, շփոթության և վրդովմունքի։ Դա նաև հարձակում էր երիտասարդնրի վրա, նույն լիեբերալիզմով երիտասարդների, որոնք դուրս էին եկել փողոց ամիսներ առաջ․ հարձակում նույն հեղափոխական երիտասարդության վրա։

Երբ խոսքը վերաբերում է Երևանին, բոլորը ճանաչում են բոլորին։ Ավելին, բոլորը, ովքեր աշխատում են սննդի և ըմպելիքների արդյունաբերության մեջ (բարմեններից և մատուցողներից մինչև բիզնեսի սեփականատերեր, հաշվապահներ և մատակարարներ), գիտեն բոլորին։ Տարբեր վայրերում աշխատակիցների և հաճախորդների միջև հարաբերությունները բարեկամական են, եթե ոչ եղբայրական։ Սա է պատճառը, որ
քաղաքում տեղի ունեցած գիշերային այս «արշավանքի» մասին նորությունները տարածվում էին հրդեհի արագությամբ։

Նորությունը տագնապային էր, բայց գիշերվա ընթացքում առաջացած պատկերը դարձավ ավելի ցավոտ։ Բարեմենները ասում էին «նրանք մեզ փակեցին․․․»։ Միգուցե 15 րոպե անց, մեկ այլ աշխատող, ուրիշ հայտնի երիտասարդական թեժ վայրից, կատարյալ տարակուսանքով ասաց․ «Դուք լսե՞լ եք, թե ինչ է կատարվում։ Նրանք գնում են ամենուր։

Մեզ էլ են փակել տվել»։ Մեկ առ մեկ հեռախոսների զանգերի ու հաղորդագրությունների դզզոցներն ու ձայններն էին հնչում։ Մեկը մյուսի ետևից փաբերն ու ակումբները այցելում էին ոստիկանության աշխատակիցներ։ Պատճա՞ռը։ Նրանք ասացին, որ երաժշտությունը պետք է անջաատել ու կեսգիշերից հետո փակել բարը։

Չնայած այն բանի, որ ճիշտ է, կեսգիշերին փակման մասին օրենք կա, որը ազդում է քաղաքի բնակելի վայրերում գտնվող բարերին, ամեն դեպքում կա լիցենզիա, որի համար բիզնեսի սեփականատերերը կաորող են դիմել, ինչը տալիս է 24 ժամ գործելու իրավունք։

Քաղաքապետարանի կողմից հաստատվելուց, բիզնեսի սեփականատիրոջ կողմից որոշակի վճարումներ կատարելուց (ընդ որում չնչին գումարի մասին չի խոսքը) հետո, ժամանցային վայրերը ստանում են վկայագիր, ըստ որի իրենք իրավունք ունեն աշխատելու կեսգիշերից հետո։

Տարեսկզբին բարերի և ակումբների սեփականատերերը դիմում են
համապատասխան մարմիններ, հաստատում, վճարում, թղթաբանությունը հանձնում իրենց հաշվապահերին և ստանում են կեսգիշերից հետո գործելու իրավունքի վկայագիր։

Խնդիրը հետևյալն է․ Մենք, բարերի, փաբերի և ակումբների սեփականատերերս, ստացել ենք հավանություն, վճարել ենք վկայագրի համար, և գրանցվել ենք, որպես օբյեկտ, որը ունի 24 ժամ գործելու իրավունքը, սակայն մենք մի քանի շաբաթ, նույնիսկ ամիսներ սպասում ենք, որ թաղապետարանը մեզ թույլտվության թուղքը տա։

Ոստիկանությանը մեղադրելու չէ, ոչ էլ օբյեկտների սեփականատերերին։ Մենք չենք խախտում որևէ օրենք, մենք իրավունք ունենք այդ ժամին իրականացնել մեր բիզնեսը։ Քաղաքապետարանն ու թաղապետարանն են
մեղավոր։ Քաղաքապետարանը գումարը հավաքեց, հավանություն տվեց, բայց չկարողացավ տրամադրել այդ վերջնական և անհրաժեշտ թույլտվության փաստաթուղթը։

Սկսած փոքր հանգիստ փաբերից մինչև լայնածավալ գիշերային ակումբներ, ոստիկանությունը մեկ առ մեկ փակեցին մեզ։ Յոթ ոստիկաններ՝ կրելով կամերաներ, մտան մի բար առանց արտոնագրի։ Արդյո՞ք ոստիկանությունը իրավունք ուներ առանց արտոնագրի մուտք գործել տվյալ վայր։ Ոչ։ Գիշերվա վերջին ժամերին ոստիկաններից լսվեց
«Լսիր, մենք այսօր 20 տեղ ենք եղել, և բոլորն ունեն նույն պատմությունը․․․» արտահայտությունը։

Հաճախորդներից հնչած զրույցներն էլ քաոսային էին։ Նրանցից շատերը անցել էին մեկ տեղից մյուսը, մի վայրից, որը փակվել էր, մի ուրիշ վայր, որը շուտով նույնպես կփակվեր։

Թեև Նիկոլի և նոր կառավարության մասին կատակներ էին հնչում, մթնոլորտը, որը ստեղծվեց հունիսի 29-30-ի գիշերը եղավ ցնցումային, վախով և վրդովմունքով լի։ «Ի՞նչ է տեղի ունենում», «Սա շարունակակա՞ն հարց է լինելու», «Անշուշտ դա վնասակար է թե զբոսաշրջության, թե փոքր և միջին ձեռնարկատերերի համար», «Ո՞վ է մեղավոր», «Պետք է
կրկին բողոքնե՞ր սկսել», «Ուրբաթ գիշեր է և բոլոր տեղերը փակ են»։ Հաճախորդների տեսանկյունից, կարծես թե իշխանությունը պարտադրում էր պարետային ժամ։

Բազմաթիվ հարցեր էին քննարկվել։ Ինչպե՞ս կարող է դա տեղի ունենալ։ Ինչու՞ տեղի ունեցավ։ Որո՞նք էին իրավական հիմքերը, և ինչու՞ էին այս վայրերը թիրախավորված։

Ոմանք մտքեր արտահայտեցին, որ Նիկոլ Փաշինյանի ճնշման խոսքերը փոքր ու միջին բիզնեսսներին ավելի շատ է ազդելու քան մեծ ձեռնարկություններին։ Մյուսները նշեցին, որ հարձակումները չափազանց նպատակային էին։ Ոմանք մտածում էին, որ դա թերևս Տարոն
Մարգարյանի կողմից իշխանական խաղ էր, քանի որ նա է պատասխանատու քաղաքաետարանում ընթացող իրադարձությունների համար։ 

Առաջին հերթին, ի՞նչու էին նրանք այդքան դանդաղ այս տարի տրամադրում արտոնագրային թերթիկները։ Ի վերջո, միջադեպը ավելի շուտ ահաբեկչություն էր հիշեցնում, քան որևէ այլ բան։ Ոչ մի օրենք չի խախտվել, սակայն այս բիզնեսները կորցրեցին ամառային
ուրբաթի գիշերային շահույթը, ինչպես նաև տուժեց տվյալ վայրի համբավը։ Կրկնենք, բիզնեսի սեփականատերերի համար, ինչպիսիք ենք ինքներս, ամեն օր կարևորվում է, հատկապես ուրբաթ օրը։ Երևի սա Տարոն Մարգարյանից ինչ-որ տարօրինակ արձագանք է եղել, իր հրաժարական տալու բամբասանքների տարածումից հետո։ Կարծես ասի «Ես այստեղ եմ, դեռ ուժ ունեմ»։ Ամեն ինչ շահարկումների ենթակա է։

Մենք այս բիզնեսի սեփականատերերն ենք։ Մեր իրավունքները խախտվել են։ Մենք դեռ սպասում ենք բացատրություններին։ Դեռ նստած ենք մեր տեղերի եզրին՝ փորձելով հասկանալ, թե ինչ քայլեր պետք է ձեռնարկվեն։ Համենայն դեպս, քաղաքապետարանը մինչև երկուշաբթի օրը չի բացվելու։ Մենք սպասում ենք և փորձում ենք հավաքել մեր մտքերը, նման
խուճապի, ցնցումների ու շփոթության իրավիճակում։ Քաղաքական անկայունության ժամանակներում, փոքր ձկներն են, որ ամենածանր հարվածներն են ստանում։

Հարգանքներով,

The Venue Pub
Ace of Spades
Barcode
Adzoukh
26 Irish Pub
Mane Cocktail Bar
Simona Cocktail Bar
Process
The Basement
The Kond House
Paparazzi Club
Daboo Bar
Hemingways
Eden Cafe Pub
The Beatles Pub
Calumet