Արմինֆո.Արցախի նախագահի խորհրդական Տիգրան Աբրահամյանը վտանգավոր միտումներ է տեսնում ղարաբաղա-ադրբեջանական զորքերի շփման գծում, որոնք հղի են հակամարտության գոտում իրավիճակի նոր էսկալացիայով:
ԱրմԻնֆո-ի թղթակցի հետ զրույցում Աբրահամյանը փաստել է, որ վերջին ժամանակներս Ադրբեջանն ակտիվորեն կենդանի ուժ և ռազմական տեխնիկա է կուտակում Արցախի հետ շփման գծի տարբեր հատվածներում: Նրա խոսքով, հատկապես ակտիվություն են ցուցաբերում Ադրբեջանի ԶՈւ հատուկ ստորաբաժանումները և դիպուկահարների ջոկատները , որոնք ձգտում են ամեն կերպ սրել իրավիճան առաջնագծում: «Հակառակորդը նման ակտիվություն չէր դրսևորել 2016 թ. ապրիլից, և ես վտանգավոր միտումներ եմ տեսնում այստեղ, որոնք հղի են անկանխատեսելի հետևանքներով՝ ընդհուպ իրավիճակի լուրջ սրացումը: Հատկանշական է, որ գործընթացներն սկսվել են ընթացիկ տարվա ապրիլի 12-ից և միանգամից մի քանի ուղղությամբ: Բացի ակտիվորեն կենդանի ուժ և տեխնիկա կուտակելուց, հակառակորդն ակտիվացրել է նաև իր քարոզչամեքենան: Հաճախակիացել են ադրբեջանական ԶԼՄ-ներում ապատեղեկատվության տարածման դեպքերը, բազմաթիվ կեղծ հաշիվներ կան սոցիալական ցանցերում, որոնք կատարում են իրենց «սև գործը», այսինքն՝ հայ հայ հասարակության վրա ճնշման ակտիվ գործունեություն է ծավալվում»,- նշել է Արցախի նախագահի խորհրդականը:
Աբրահամյանի խոսքով, այդ ամենը վկայում է այն մասին, որ Ադրբեջանի ղեկավարությունը չի հրաժարվել ղարաբաղյան հակամարտության լուծման ուժային տարբերակից: Այս առնչությամբ նա նշել է իրավիճակին ԵԱՀԿ Մինսկի խմբի համանախագահող երկրների պատշաճ արձագանքի կարևորությունը: «Քանի որ իրավիճակի սրման լուրջ վտանգ կա, համանախագահող երկրները պետք է ակտիվություն ցուցաբերեն և հանդես գան կոշտ հայտարարությամբ»,- ասել է նա:
Այն հարցին, թե արդյոք Ադրբեջանին զսպող դեր չի խաղում տարածաշրջանում ԵԱՀԿ Մինսկի խմբի համանախագահների ներկայության փաստը, որոնք Երևան են ժամանել՝ նոր իշխանության հետ ծանոթանակու և փոխգործակցության հետագա ուղղությունը որոշելու նպատակով՝ Աբրահամյանը նշել է, որ այդ փաստը վաղուց չի շփոթեցնում Բաքվին: Նրա խոսքով, այդ մասին է վկայում նաև այն, որ ԵԱՀԿ վերջին դիտարկման ժամանակ Ադրբեջանը դիտարկման խմբին դուրս չի բերել իր առաջավոր դիրքեր:
Ճշգրտող հարցին, թե Բաքուն ակտիվություն է ցուցաբերում ղարաբաղա-ադրբեջանական շփման գծում, թե՞ այն դրսևորվում է նաև հայ-ադրբեջանական սահմանին՝ Աբրահամյանը նշել է, որ Ադրբեջանի զինված ուժերն այսօր ակտիվություն են ցուցաբերում նաև պետական սահմանին, ինչը հատկապես զգալի է Նախիջևանի ուղղությամբ: «Այդ մասին է վկայում նաև ադրբեջանական ԶԼՄ-ների կողմից ապատեղակատվության տարածումը: Նախիջևանյան ուղղությունը երրորդ ճակատ կդառնա իրավիճակի սրման դեպքում: Եվ, կարծում եմ, այդ ուղղությամբ ինչ-որ փուլում բավական ակտիվ գործողություններ կիրականացվեն»,- եզրափակել է ԼՂՀ նախագահի խորհրդականը:
Նշենք, որ Արցախի ՊԲ հաղորդագրության համաձայն, տեսատեղեկատվական քարոզչությանը զուգահեռ, վերջին օրերին արցախա-ադրբեջանական հակամարտ զորքերի շփման գծի տարբեր հատվածներում նկատվում են նաև հակառակորդի զինտեխնիկայի և մարդկային ուժի ակտիվ տեղաշարժեր ու կուտակումներ:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Փորձագետ. Քաղաքների կայուն զարգացման համար անհրաժեշտ է ընդլայնել որոշումների կայացմանը բնակիչների մասնակցության մեխանիզմները
Քաղաքական գործիչ․ Հայաստանի երրորդ նախագահի հայտարարությունն ընդդիմությանը կարող է զրկել Փաշինյանին իշխանությունից զրկելու միակ քաղաքական հիմքից
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
