Արմինֆո. Ալմաթիում կայացել է ՀԱՊԿ երկրների ԱԳՆԽ նիստ: Ինչպես հաղորդել է «Կազինֆորմ՚ ՄԼԳ, նիստը նախագահել է Ղազախստանի արտգործնախարար Կայրատ Աբդռախմանովը: Օրակարգում եղել է 12 հարց: Արտգործնախարարները քննարկել են կազմակերպության շրջանակում արտաքին քաղաքականության համակարգմանն անռչվող հարցեր, ինչպես նաև միջազգային և տարածաշրջանային անվտանգության խնդիրները:
Ղազախստանի արտգործնախարարի ասելով, ՀԱՊԿ ԱԳՆԽ նիստի ընթացքում հիմնական ուշադրությունը սևեռվել է նախորդ տարվա նոյեմբերին Մինսկում կազմակերպության հոբելյանական գագաթնաժողովում Ղազախստանի նախագահի ներկայացրած առաջնահերթ ուղղությունների իրագործմանը: Դրանց թվում են ռազմական և ռազմատեխնիկական համագործակցության զարգացումը, ՀԱՊԿ մասնակցությունը ահաբեկչությանը գլոբալ դիմակայության միջազգային համակարգի ձևավորմանը, կիբերանվտանգության ոլորտի սպառնալիքներին դիմակայելու նկատմամբ համատեղ մոտեցումների և թմրանյութերի ապօրինի շրջանառության դեմ պայքարի որոշակի միջոցների մշակումը: «Ղազախստանը հանդես է գալիս միջազգային կազմակերպությունների հետ ՀԱՊԿ համագործակցության զարգացման, ամրապնդման օգտին՚, - հայտարարել է երկրի արտգործնախարարը, հավելելով, որ Ղազախստանը սերտորեն աշխատում է այդ կազմակերպությունների աշխատանքի օրակարգերի մերձեցման ուղղությամբ և ուսումնասիրում է ՀԱՊԿ խաղաղապահ ներուժի հնարավորությունները` ելնելով ՄԱԿ շահերից: «Ստորագրվել և իրագործվում է խաղաղապահ գործունեության զարգացմանն ուղղված ՄԱԿ քարտուղարության և ՀԱՊԿ համատեղ գործողությունների ճանապարհային քարտեզը, և այդ թեմաներն այսօր մանրակրկիտ քննարկեցինք՚, - ասել է Կայրատ Աբդռախմանովը: Այդ համագործակցությունը երկրնեիրն թույլ է տալիս արդյունավետ պայքարել ահաբեկչության դեմ: Ղազախստանի արտգործնախարարն ընդգծել է, որ իր երկրի նախաձեռնությամբ մշակվում է համապաատսխան համատեղ հայտարարության նախագիծ, որը նույնպես կներկայացվի ՀԱՊԿ անդամ պետությունների ղեկավարների մակարդակով, որոնց հանդիպումը տեղի կունենա առաջիկա աշնանը:
ԱԳՆԽ նիստի մասնակիցները ստորագրել են «Միջին եւ կարճ հեռահարության հրթիռների վերացման մասին պայմանագրի շուրջ ստեղծված իրավիճակի մասին» հայտարարությունը, հավանություն են տվել 2018 թվականին երկրորդ կիսամյակի և 2019 թվականի առաջին կիսամյակի արտաքին քաղաքականության, անվտանգության և պաշտպանության հարցերի շուրջ ՀԱՊԿ անդամ պետությունների ներկայացուցիչների խորհրդատվությունների ծրագիրը, ընդունվել է 2018 թվականի համատեղ հայտարարությունների վերաբերյալ ԱԳՆԽ որոշում:
Ամփոփելով նիստի արդյունքները` ՀԱՊԿ գլխավոր քարտուղար Յորի Խաչատուրովը նշել է, որ ընդունվել են մի շարք որոշումներ, որոնք նպատակաուղղված են արտաքին քաղականությանն առնչվող ՀԱՊԿ անդամ պետությունների ջանքերի համախմբմանը` միջազգային հարաբերություններում առկա բացասական միտումների, կայունությանն ու անվտանգությանն սպառնացող մարտահրավերների չեզոքացման նպատակով կանխարգելիչ դիվանագիտական միջոցառումների իրագործման նպատակով:
Նա նաև ընդգծել է, որ վերջին տարիներին էապես աշխուժացել է խաղաղապահ ոլորտում ՀԱՊԿ համագործակցությունը ՄԱԿ քարտուղարության հետ: «ՀԱՊԿ ԱԳՆԽ նիստում քննարկվել են ՄԱԿ պրոֆիլային կառույցների հետ հետագա աշխատանքի հարցեր` ՄԱԿ գլոբալ հակաճգնաժամային գործունեությունում ՀԱՊԿ խաղաղապահ ներուժի կիրառման համար իրավական և կազմակերպական-տեխնիկական պայմաններ ձևավորելու նպատակով՚, - հայտարարել է ՀԱՊԿ գլխավոր քարտուղարը: