Արմինֆո. «Լույս» հիմնադրամի կրթական ծրագրի գործադիր տնօրեն Ժաքլին Կարաասլանյանը Հիմնադրամի ֆեյսբուքյան էջում հրապարակված բաց նամակում հայտնել է, որ մայիսի 10-ին «Լույս»-ի աշխատակազմին ծանուցում է ներկայացվել հիմնադրամի աշխատանքի դադարեցման մասին։
«Ցանկանում եմ վստահեցնել «Լույսի»՝ ուսումը շարունակող կրթաթոշակառուներին և 2018-2019 ուստարվա համար արդեն դիմած, կրթաթոշակի ծրագրի պայմաններին բավարարող երիտասարդներին, որ նրանց այս տարի ևս կշնորհվի կրթաթոշակ։ Այս մասին պաշտոնական հաղորդագրություն կտարածվի շուտով»,- ասված է բաց նամակում:
Հիշեցնենք, որ «Մերժիր Սերժին՚ շարժումն սկսվելուց հետո վերը նշված հիմնադրամի միջոցներով Եվրոպայի լավագույն բուհերում սովորող ուսանողները հանդես էին եկել հայտարարությամբ` պահանջելով Սերժ Սարգսյանի հրաժարականը Հայաստանի վարչապետի պաշտոնից: