ՀՀԿ-ն սկսել է դիտարկել վարչապետի ընտրության ժամանակ մանեւրելու համար պահեստային տարբերակներ՝ կախված իրավիճակի հետագա զարգացումից. չի բացառվում Գագիկ Ծառուկյանի թեկնածությանը սատարելը

Արմինֆո. ՀՀԿ-ն սկսել է դիտարկել պահեստային տարբերակներ վարչապետի ընտրության ժամանակ մանեւրելու համար ՝ կախված իրավիճակի հետագա զարգացումից:

ՀՀԿ-ն ի սկզբանե հակված էր վարչապետի պաշտոնի համար սեփական թեկնածուի առաջադրմանը, որպիսին վարչապետի պաշտոնակատար Կարեն Կարապետյանն էր: Ինչպես հաղորդել է ՀՀԿ-ում ԱրմԻնֆո-ի աղբյուրը, այժմ կուսակցությունը շարունակում է հավատարիմ մնալ   այդ գծին: Սակայն հանրապետականներն սկսել են դիտարկել նաեւ «պլան Բ»՝ կախված իրավիճակի հետագա զարգացումից: «Մենք ուշադիր կհետեւենք իրավիճակին մինչեւ մայիսի 1-ը՝ քվեարկության օրը, եւ միանգամայն հնարավոր է, որ մեր վերջնական դիրքորոշման մասին հայտարարենք ամենավերջին պահին: Իսկ եթե Փաշինյանին, այնուամենայնիվ, հաջողվի իրացնել իր ծրագիրը  եւ մայիսի 1-ին մարզերի բնակչությանը բերել մայրաքաղաք, կաթվածահար անել հասարակական կյանքը, հնարավոր է, մենք իրագործենք  «պլան Բ», այսինքն, ընտրություններում պաշտպանենք «Ծառուկյան» դաշինքի առաջնորդ Գագիկ Ծառուկյանի թեկնածությունը», - պարզաաբանել է աղբյուրը: Ընդ որում, նա հասկացրել է, որ այդ սցենարը արդեն քննարկվել է իր՝ Ծառուկյանի հետ: Նա նաեւ կտրականապես հերքել է հնարաորւթյունն իսկ, որ ընտրության ժամանակ ՀՀԿ-ն պաշտպանի Նիկոլ Փաշինյանի թեկնածությունը:

Միեւնույն ժամանակ, վերջին օրերին «Ծառուկյան» դաշինքի եւ ՀՀԿ ներկայացուցիչներն իրենց հարցազրույցներում սկսել են հող նախապատրաստել իրավիճակի նման զարգացման համար: Այսպես, «Ծառուկյան» դաշինքում ընդգրկված «Ալյանս» կուսակցության առաջնորդ Տիգրան Ուրիխանյանը հայտարարել է, որ վարչապետի ընտրության ժամանակ կքվեարկի միայն Գագիկ Ծառուկյանի օգտին: Դաշինքի խմբակցության քարտուղար Վահե Էնֆիաջյանը հայտարարել է, որ նախարարների կաբինետի ղեկավարի պաշտոնի լավագույն թեկնածուն Գագիկ Ծառուկյանն է: Ինքը՝ Ծառուկյանը, առայժմ դիրքորոշում չի հայտնել: Սակայն աայսօր նա մտադիր է հանդես գալ հայտարարությամբ:

Ուշագրավ է, որ այսօր 1in.am պորտալլում հրապարակված հարցազրույցում ՀՀԿ պատգամավոր Կարեն Կարապետյանը, ով «Տաշիր գրուպ» կոնցեռնի սեփականատեր Սամվել Կարապետյանի եղբայրն է, հայտարարել է, որ  ստեղծված իրավիճակում ՀՀԿ-ն չպետք է հանդես գա վարչապետի պաշտոնի սեփական թեկնածուով, այլ պետք է պաշտպանի ժողովրդի ընտրյալին, որպիսիք են Նիկոլ Փաշինյանն ու Գագիկ Ծառուկյանը: Ուշագրավ է, որ այս օրերին հասարակության շրջանում Ծառուկյանի անունն ընդհանրապես չի շրջանառվում որպես վարչապետի պաշտոնի թեկնաածու: Այդ համատեքստում բավականին տարօրինակ է Կարապետյանի կողմից նրա անվան հիշատակումը: Կարապետյանը նաեւ հայտարարել է, որ լավ ծանոթ լինելով վարչաապետի պաշտոնակատար Կարեն Կարապետյանին, ինքը, գործնականում, վստահ է, որ ստեղծված պայմաններում նա չի հավակնի վարչապետի աթոռին՝ երբ ողջ ժողովուրդը դեմ է դրան: Պատգամավորը նաեւ կոշտ քննադատության է ենթարկել հարազատ կուսակցությանը, հայտարարելով, որ նա է մեղավոր հանրաապետությունում արմատավորված կոռուպցիայի, ահագնացող աղքատության, արտագաղթի  եւ այլ բացասական երեւույթների համար:

Ուշագրավ է, որ դրանից անմիջապես հետո ՀՀԿ-ն հանես է եկել հայտարարությամբ, որում  ընդգծել է, որ հարցազրույցում պատգամավորն արտահայտել է անձնական կարծիք, որը չի արտացոլում կուսակցության մոտեցումները: