Արմինֆո.ՀՀԿ մի շարք պատգամավորներ պաշտոնապես հայտարարել են, որ իրենք պատրաստ են վարչապետի պաշտոնի համար քվեարկել ժողովրդի թեկնածուի օգտին: Այս մասին Հանրապետության հրապարակում ընթացող ընդոիմության հանրահավաքում հայտարարել է ընդդիմադիր պատգամավոր Նիկոլ Փաշինյանը:
Փաշինյանի կարծիքով, Կարեն Կարապետյանը հույս է հայտնել, որ ապրիլի 24-ից հետո, ապրիլի 25-ին, մարդիկ դուրս չեն գնա փողոցային ցույցերի: «Բայց այսօր պարզ դարձավ, որ Կարապետյանին մնում է միայն անհապաղ ճանաչել ոչ բռնի, թավշյա հեղափոխության հաղթանակը: Կարեն Կարապետյանը չպետք է արտահայտի իր վարչապետական հավակնությունները, քանի որ նա չի լինի պետության ղեկին»: Հետևաբար, մենք պահանջում ենք Հանրապետական կուսակցության անհապաղ և լիակատար կապիտուլյացիան» - հայտարարել է նա:
Ինչպես նշել է ընդդիմության առաջնորդը, Կարեն Կարապետյանի հրաժարականի հարցը, որը բազմիցս քննարկվել է, և որը վարչապետի պաշտոնակատարը պաշտոնապես հերքեց, պետք է դիտարկվի ՀՀ օրենսդրության համատեքստում: Այն պահից, երբ Սերժ Սարգսյանը հրաժարական տվեց, ըստ Փաշինյանի, Հայաստանի կառավարությունն ամբողջ կազմով հրաժարական է տվել: «Կարեն Կարապետյանն իրեն հայտարարեց վարչապետ, սակայն մեր փաստաբանները այսօր ուսումնասիրել են Հայաստանի օրենսդրությունը և եկել է եզրակացության, որ վարչապետի հրաժարականի պայմաններում վարչապետի պաշտոնակատար չի կարող լինել: Ստացվում է, որ Կարեն Կարապետյանը կարող է լինել միայն առաջին փոխվարչապետ», - ասել է ընդդիմադիրը:
Այնուամենայնիվ, ինչպես նշել է Փաշինյանը, այսօր Կարապետյանն իր մոտ է հրավիրել ուժայիններին և առաջարկել է երկրում մտցնել արտակարգ դրություն: «Ես զարմանում եմ նրա տրամաբանության վրա, միթե եթե այդպիսի հնարավորություն լիներ, ապա Սերժ Սարգսյանն առաջինը չէր դիմի դրան», - հարցադրել է շարժման առաջնորդը:
Ինչպես նշել է Փաշինյանը, Կարապետյանի կողմնակիցները տեղեկատվություն են տարածում, որ նա, իբր, ստացել է Մոսկվայի աջակցությունը: «Ես կոչ եմ անում չտարածել նման սադրանք, քանի որ այսօր ես հանդիպեցի Մոսկվայի պաշտոնյաների հետ, և նրանք վերահաստատեցին, որ չեն պատրաստվում միջամտել Հայաստանի ներքին գործերին», - ասել է նա: Միևնույն ժամանակ ընդդիմադիր պատգամավորը կոչ է արել գործարարներին, Կարեն Կարապետյանի կողմնակիցներին, նաև չխոչընդոտել Հայաստանի ներքին քաղաքականությանը:
Ինչ վերաբերում է ՀՀԿ-ի ներսում տիրող իրավիճակին և վարչապետի պաշտոնակատարի նկատմամբ կուսակցության անդամների վերաբերմունքին, Կարապետյանը չունի լիակատար աջակցություն: Անգամ մի շարք հանրապետականներ այսօր պաշտոնապես հայտարարել են, որ խորհրդարանում պատրաստ են աջակցել ժողովրդի կողմից նշանակված վարչապետի թեկնածության քվեարկությանը: «Ինչպես մի քանի օր առաջ ես հայտարարեցի, որ Սերժ Սարգսյանն այլևս ունի լծակներ Հայաստանում, այսօր նույն բանը կարող եմ ասել Կարեն Կարապետյանի մասին», - ասել է Նիկոլ Փաշինյանը, ընդգծելով, որ ոչ մի ուժային կառույց կատարի նրա հրամանները, մեկ պարզ պատճառով, որ գործող պաշտոնակատարը չունի իրավական լիազորութոյւններ:
Վերջում Նիկոլ Փաշինյանը հայտարարել է, որ քաղաքացիական անհնազանդության ակցիաները վաղը կշարունակվեն ժամը 12.00-ից և կրկին կփակվեն փողոցներ, կամուրջներ: «Եվս մի քանի օր, և մենք կփակենք պատմության այս էջը», - վստահեցրել է նա:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ