Արմինֆո.ՀՀ կառավարության առաջին նիստը, որը պետք է ընթանա նորընտիր վարչապետ Սերժ Սարգսյանի նախագահությամբ ապրիլի 19-ին, հակառակ սահմանված պրակտիային, տեղի կունենա օրվա երկրորդ կեսին: Այդ մասին հայտնել են կառավարության մամուլի ծառայությունից:
ՀՀ կառավարության նիստն ավանդաբար սկսվում է 11:00-ին: Այսինքն՝ այդպես էր մինչև նախորդ նիստը, ավելի ստույգ՝ նոր Սահմանադրության ուժի մեջ մտնելը, երբ վարչապետ Կարեն Կարեպատյանը պաշտոնակատար դարձավ, իսկ կառավարության նիստերը, համաձայն օրենքի, սկսեցին անցկացվել դռնփակ՝ «Նախարարների կաբինետի անդամների անկաշկանդ աշխատանքն ապահովելու և առողջ բանավեճի հնարավորություն տալու նպատակով, ինչին ավելի վաղ խանգարում էին ԶԼՄ-ների ներկայացուցիչները»:
Ապրիլի 9-ին տեղի ունեցավ ՀՀ նոր նախագահ Արմեն Սարգսյանի պաշտոնակալման արարողությունը, նույն օրը կառավարությունը հրաժարական տվեց, ապրիլի 17-ին խորհրդարանը հավանություն տվեց Սերժ Սարգսյանի թեկնածությանը, և այժմ Հայաստանն ունի ոչ միայն նոր վարչապետ, այլ նաև առաջին փոխվարչապետ, երկու փոխվարչապետներ, ինչպես նաև երկու վերանշանակված նախարար: Սակայն, դա չի նվազեցրել անորոշությունը երկրի քաղաքական կյանքում և լրատվամիջոցներ աշխատանքում:
Գործադիր մարմնի մամուլի ծառայությունը ներկայումս պատրաստ չէ հայտարարել, թե որ ժամին տեղի կունենա նիստը: Պաշտոնական տեղեկատվությունը սահմանափակվում է միայն լրագրողների համար ճեպազրույցների մասին իրազեկմամբ, որոնք տեղի կունենան 18.15-ին: Դրանք, որպես կանոն, տեղի են ունենում նիստից անմիջապես հետո: Կարելի է եզրակացնել, որ վարչապետ Սերժ Սարգսյանի ղեկավարությամբ նիստը տեղի կունենա օրվա երկրորդ կեսին՝ 17.00-ի մոտ:
Այսօր առավոտյան «Քայլ արա՝ մերժիր Սերժին» բողոքի ակցիայի մասնակիցները շրջափակել էին կառավարության 3-րդ շենքը: Նախօրեին հանրահավաքի ժամանակ պատգամավոր Նիկոլ Փաշինյանը հայտարարել էր, որ ապրիլի 19-ին տեղի կունենա կառավարության առաջին նիստը՝ նոր վարչապետ Սերժ Սարգսյանի նախագահությամբ: Ընդդիմադիրը կոչ էր արել 8:00-ին հավաքվել կառավարության շենքի մոտ և խափանել կառավարության աշխատանքը՝ թույլ չտալով ոչ ոքի մուտք գործել շենք: Ոստիկանությունը հանդես է եկել հերթական նախազգուշացմամբ, որում, մասնավորապես, ասված է.«Նիկոլ Փաշինյանի կողմից կազմակերպվող հավաքի վայրերում Ոստիկանությունը իրականացնում է հասարակական կարգի խախտումները կասեցնող գործողություններ: Ոստիկանությունը խնդրում է Ձեզ հավաքի վայրից պահպանել ողջամիտ հեռավորություն՝ Ոստիկանության ծառայական պարտականությունների կատարմանը չխոչընդոտելու համար»:
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
