Արմինֆո. Սերժ Սարգսյանի նախագահության 10 տարիները նշանավորվել են մի շարք խոստումներով, որոնք այդպես էլ չեն կատարվել: ԱրմԻնֆո-ի թղթակցի հետ զրույցում այդ մասին հայտարարել է ԱԺ ընդդիմադիր «Ելք՚ դաշինքի պատգամավոր Գևորգ Գորգիսյանը:
«Սարգսյանը մեզ խոստացել էր տնտեսական աճ, նոր ատոմակայան, Հայաստան-Իրան երկաթուղի, Եվրամիության հետ ասոցացման համաձայնագիր, այդ ամենի նույնիսկ մի մասը չի կատարվել: Եթե երկրում առկա իրավիճակը համեմատենք 2008 թվականի իրավիճակի հետ, կարելի է ասել, որ դեպի լավը ոչ մի զգալի փոփոխություն չի եղել: Իսկ ահա բացասական փոփոխությունները շատ են. արտաքին պարտքի, ինֆլյացիայի, արտագաղթի աճ՚, - հայտարարել է Գորգիսյանը: Սարգսյանի ամենամեծ անհաջողությունը պատգամավորը համարել է 2016 թվականի ապրիլյան պատերազմը: «Մենք ունեցանք վիթխարի կորուստներ, առաջին հերթին` մարդկային, որոնցից կարող էինք խուսափել: Հենց Սերժ Սարգսյանի կառավարման տարիներին է հայկական կողմը տարածքային կորուստ ունեցել՚, - ընդգծել է Գորգիսյանը: Այդուհանդերձ, ընդդիմադիրը նշել է նաև Սերժ Սարգսյանի նախագահության մեկ ձեռքբերում` Հայաստանի և ԵՄ միջև համապարփակ և ընդլայնված գործընկերության շուրջ համաձայնագրի ստորագրումը:
Մինչդեռ կառավարող ՀՀԿ խմբակցության ղեկավար Վահրամ Բաղդասարյանը շատ բարձր է գնահատել իր կուսակցության ղեկավարի տասնամյա գործունեությունը: Նա նշել է, որ Սերժ Սարգսյանի կառավարումը համընկել է միջազգային տնտեսական ճգնաժամի հետ: Եվ նախագահն անմիջապես սկսել է ճգնաժամի դեմ պայքարի քաղաքականություն: Ու եթե Սարգսյանի նախագահության տարիներին Հայաստանի զարգացումն ու ձեռքբերումները համեմատենք մյուս հետխորհրդային երկրների հետ, ապա մեր առավելություններն ակնհայտ են՚, - հայտարարել է պատգամավորը: Բաղդասարյանն ընդգծել է, որ Սարգսյանի նախագահության ճանապարհին քիչ բարդություններ չեն եղել. իշխանափոխության փորձեր, հանրահավաքներ, ապրիլյան պատերազմ: «Եվ բոլոր այդ դժվարությունների ֆոնին գլխավոր խնդիրը երկրի անվտանգության ապահովումն էր, ինչը Սերժ Սարգսյանին հաջողվել է՚, - ընդգծել է Բաղդասարյանը: Նա Սարգսյանի քաղաքական հեռատեսության օրինակ է համարել ԵՄ հետ համապարփակ և ընդլայնված գործընկերության շուրջ համաձայնագրի ստորագրումն ու Հայաստանի անդամակցումը ԵԱՏՄ-ին: Նա ձեռքբերում է համարել նաև կառավարման նախագահական համակարգից երկրի անցումը խորհրդարանական համակարգի, ինչը, նրա համոզմամբ, ամենազգալի նվաճումն է: Հանրապետականը չի կիսել նաև ապրիլյան պատերազմի վերաբերյալ ընդդիմադիր գործընկերների գնահատականները: Նրա կարծիքով, Սերժ Սարգսյանի ճկուն քաղաքականության շնորհիվ հայկական կողմը կարողացավ արժանապատվորեն դիմակայել թշնամու ագրեսիվ գործողություններին: «Մենք ունենք անկանխատեսելի հարևան, որը չի ենթնարկվում խաղի միջազգային կանոններին, և նման բարդ պայմաններում մենք բանակցություններն արդյունավետ ենք վարում: Նախագահ Սարգսյանի հայտարարությունները ոչ մի անգամ չեն տարբերվել մեր քայլերից` ի տարբերություն Ադրբեջանի ղեկավար Ալիևի գործողությունների՚, - եզրափակել է Բաղդասարյանը:
«Ծառուկյան՚ դաշինքի պատգմավոր, գիտության, կրթության, մշակույթի հարցերի և երիտասարդության գործերի հանձնաժողովի ղեկավար Վարդան Բոստանջյանն, իր հերթին, ԱրմԻնֆո-ի թղթակցի հետ զրույցյում հայտարարել է, որ անցած 10 տարիներին եղել են ինչպես օբյեկտիվ, այնպես էլ սուբյեկտիվ դժվարություններ: «Մենք չենք կարողացել հաղթահարել այն բոլոր խնդիրները, որոնք տվյալ պահին կան Հայաստանում, ինչպիսիք են կոռուպցիան և մենաշնորհները: Բացի այդ, առանձնապես ձեռքբերումներ չկան նաև տնտեսական առումով, սակայն, ամեն դեպքում, Սարգսյանին հաջողվել է կայունություն ապահովել երկրում՚, - ընդգծել է Բոստանջյանը:
Պատգամավորը նշել է, որ Հայաստանի անվտանգության հարցը շատ սուր է դրված` չլուծված արցախյան հակամարտության ֆոնին: «Սերժ Սարգսյանին հաջողվել է ապահովել երկրի անվտանգությունը: Նրան նաև հաջողվել է ղարաբաղյան բանակցությունները դուրս բերել նոր մակարդակի և պաշտպանել Արցախի շահերը, չնայած այն հանգամանքին, որ բանակցություններին մասնակցում են գերտերություններ, որոնցից յուրաքանչյուրն ունի սեփական շահերը, իսկ դա բարդացնում է հակամարտության լուծումը՚, - ընդգծել է պատգամավորը:
Հիշեցնենք, որ ապրիլի 9-ին լրացել է Սերժ Սարգսյանի նախագահական լիազորությունների ժամկետը, սակայն ապրիլի 17-ին նրա թեկնածությունն առաջադրվելու է երկրի վարչապետի պաշտոնի համար
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
