Արմինֆո. Չի կարելի հետխորհրդային տարածքի երկրներին դնել կեղծ ընտրության առջև` կամ Արևմուտքի հետ, կամ` Ռուսաստանի: Այդ մասին հայտարարել է Ռուսաստանի արտգործնախարար Սերգեյ Լավրովը, պատասխանելով այն հարցին, թե արդյոք ապագայում կարող են իրենց շահերը համադրել և համագործակցություն զարգացնել այնպիսի ինտեգրացիոն կառույցներ, ինչպես ԵԱՏՄ և ԵՄ:
Նա նշել է, որ Հայաստանն իր օրինակով ցույց է տալիս, որ, գործնականում, բնավ անիմաստ չէ զարգացնել հարաբերությունները բոլոր ուղղություններով: Լավրովի համոզմամբ, Հայաստանը պնդել է ԵՄ հետ հարաբերությունները, որոնք, որպես ձեռք բերված փաստաթղթերի բաղադրիչ, ներառում են այլ ինտեգրացիոն գործընթացներում Հայաստանի ստանձնած իրավունքների և պարտավորությունների ճանաչում, և դա ճիշտ ուղղությամբ կատարված քայլ է:
Նրա ասելով, որպեսզի ոչ Հայաստանի, ոչ Ադրբեջանի, ոչ «Արևելյան գործընկերություն՚ կոչվող ԵՄ ծրագրի որևէ այլ մասնակցի իրավունքները չոտնահարվեն, շատ կարևոր է, որպեսզի ԵՄ հրաժարվի «կամ` կամ արատավոր տրամաբանությունից՚, որն արդեն հանգեցրել է 2014 թվականի Ուկրաինայի իրադարձություններին: ՌԴ արտգործնախարարը հայտարարել է, որ դեռ 2015 թվականին ԵԱՏՄ-ն ԵՄ-ին առաջարկել է շփումներ հաստատել: «Այն ժամանակ բացարձակապես գաղափարականացված, քաղաքականացված պատճառներով ԵՄ-ն հնարավոր չգտավ ԵԱՏՄ-ն ճանաչել որպես լիիրավ գործընկեր: Այդ կանխակալությունը հայտնի աստիճանով պահպանվում է առ այսօր: Սակայն Բրյուսելում հայտնվեցին ողջախոհ մարդիկ: Եվ Եվրոպական տնտեսական հանձնաժողովը, Եվրոպական արտաքին քաղաքականության ծառայությունը իրենց փորձագետների մակարդակով շփումներ են անցկացրել Եվրասիական տնտեսական հանձնաժողովի փորձագետների հետ՚, - ասել է Լավրովը:
Նրա ասելով, այժ հետաքրքրություն է դրսևորվում այն բանի հանդեպ, որպեսզի այդ փորձագիտական շփումները դարձվեն մշտական, որպես առաջին քայլ` դրանք սևեռվեն կանոնակարգող հարցերի համաձայնեցմանը: «Կարծում եմ, որ դա հենց առաջին քայլն է, քանի որ հենց կյանքը մեր եվրոպացի գործընկերներին կստիպի աշխատել ԵԱՏՄ-ի, Եվրասիական տնտեսական հանձնաժողովի կոլեգիայի հետ, որն, ի դեպ, ինչպես և ՀԱՊԿ-ը, ներկա փուլում գլխավորում է Հայաստանի քաղաքացի: Քանի որ ԵԱՏՄ մասնակից երկրներն էական քանակությամբ իրավասություններ են ներկայացնում վերազգային մակարդակով, անկասկած, նույնիսկ գործնական առևտրի, առևտրի ոլորտի գործնական քայլերի, ներդրումների բազմաթիվ հարցեր ստիպված պետք է լուծվեն արդեն Եվրասիական տնտեսական հանձնաժողովի հետ՚, - նշել է Ռուսաստանի արտգործնախարարը:
Նա ընդսմին լավատեսություն է հայտնել ԵԱՏՄ և ԵՄ միջև ապագա հարաբերությունների առնչությամբ: «Թեև այդ ապագան շուտ չի գա, սակայն կյանքը կստիպի աստիճանաբար գնալ միմյանց ընդառաջ: Համոզված եմ, որ ԵՏՀ կոլեգիան գլխավորող Տ.Սարգսյանը, որը Հայաստանի ներկայացուցիչ է, կօգնի ընթանալ այդ ուղղությամբ՚, - ամփոփել է Լավրովը: