Արմինֆո. Կառավարող ՀՀԿ մամուլի քարտուղար, ԱԺ փոխխոսնակ Էդուարդ Շարմազանովը նշել է Սերժ Սարգսյանի Ֆրանսիա այցի և ԵԽԽՎ-ում նրա ելույթի հիմնական ուղերձները:
Ինչպես նշել է Շարմազանովը մամուլի ասուլիսում, Ֆրանսիայի նախագահ Մակրոնի հետ Սերժ Սարգսյանի հանդիպումը առաջինն էր, սակայն հանդիպման առաջին իսկ րոպեներից նրանց միջև հաստատվել է լիակատար փոխըմբռնում: Շարմազանովն ընդգծել է, որ Ֆրանսիան Հայաստանի կարևոր և հուսալի գործընկեր է, և այդ երկրի հետ հարաբերություններն առաջնային են Երևանի համար: Փոխխոսնակը նաև ընդգգծել է, որ Սարգսյանի Ֆրանսիա այցի ընթացքում հերթական անգամ ակնհայտ դարձավ, որ ՀՀ վարում է հայեցակարգային առումով ճիշտ արտաքին քաղաքականություն: «Սերժ Սարգսյանն իր այցի ընթացքում նշել է, որ Հայաստանին, լինելով ՀԱՊԿ անդամ և Ռուսաստանի դաշնակից, հաջողվել է ստորագրել ԵՄ հետ գործընկերության շուրջ համաձայնագիր՚, - նշել է փոխխոսնակն, ընդգծելով այն փաստը, որ սեպտեմբերին Հայաստանում կանցկացվի Ֆրանկոֆոնիայի գագաթնաժողով, և Հայաստանն այդ ժամանակ կդառնա համաշխարհային քաղաքական կենտրոններից մեկը: Ինչպես նշել է Շարմազանովը, Հայաստանն այսուհետև էլ կզարգացնի ժողովրդավարությունը երկրում, և ֆրանսիական կողմը, իր հերթին, խոստաց ել է աջակցություն այդ ոլորտում:
Փոխխոսնակը հայտարարել է, որ վերջին ժամանակների կարևոր քաղաքական իրադարձություններից էր Սերժ Սարգսյանի երեկվա ելույթը ԵԽԽՎ-ում: Ինչպես նշել է Էդուարդ Շարմազանովը, Հայաստանի ղեկավարը ԵԽԽՎ ամբիոնից հնչեցրել է Հայաստանի առջև կանգնած ամենակարևոր հարցերը: Նախագահը հայտարարել է, որ Հայաստանը Եվրոպայի մաս է և լիովին ընդունում է եվրոպական արժեքները, այդ թվում` մարդու իրավունքների պաշտպանությունը, ժողովրդավարությունն ու կոռուպցիայի դեմ պայքարը: «Սերժ Սարգսյանն երեկ նշել է, որ Հայաստանի կարևորագույն խնդիրներից մեկն այսօր կոռուպցիայի դեմ պայքարն է: Մենք վերջին տարում հնարավորինն ենք արել այդ երևույթն արմատախիլ անելու համար, և որոշակի արդյունքի ենք հասել այդ բնագավառում, թեև, պետք է նշեմ, որ արդյունքն առայժմ բավարար չէ: Սակայն կոռուպցիա կա ոչ միայն ՀՀ-ում, այն գոյություն ունի, նույնիսկ, այնպիսի հեղինակավոր կառույցներում, ինչպես` ԵԽԽՎ-ն: Ոչ ոք ապահովագրված չէ այդ երևույթից: Մենք ամեն ջանք կգործադրենք այդ զազրելի երևույթն արմատախիլ անելու և Հայաստանը բարգավաճ դարձնելու նպատակով՚, - հայտարարել է պատգամավորը:
«Իհարկե, ԵԽԽՎ-ում Սերժ Սարգսյանի ելույթում հիմնական շեշտադրումը եղել է ղարաբաղյան խնդրին: Սերժ Սարգսյանը նշել է, որ ԼՂՀ ժողովրդի պայքարը պայքար է հանուն մարդու իրավունքների, հանուն ինքնորոշման իրավունքի: Նման պայքարը չի կարող չպսակվել հաջողությամբ: ԼՂՀ բնակիչների խաղաղ պահանջներին Ադրբեջանական ԽՍՀ իշխանությունները պատասխանել են Սումգայիթի ջարդով: Հայոց պետության ղեկավարը նաև ընդգծել է, որ չի կարելի կշեռքի մեկ նժարին դնել այնպիսի հանցագործությունը, ինչպես Սումգայիթի ջարդը, և ԼՂՀ բնակիչների խաղաղ պահանջը: Արցախի հարցը պայքար է հանուն ազատության, այլ ոչ թե` տարածքային՚, - նախագահի խոսքերն է վկայակոչել ՀՀԿ մամուլի քարտուղարը:
Պատգամավորը նաև հայտարարել է, որ, անդրադառնալով երկրի արտաքին քաղաքականությանը, Հայաստանի նախագահը շոշափել է հայ-թուրքական արձանագրությունների հարցը և այն պատճառները, որոնց առնչույթյամբ դրանք չեն ստորագրվել: «Հայաստանի Հանրապետությունը վաղուց ողջ աշխարհին ցույց է տվել, որ պատրաստ է համագործակցել տարածաշրջանի բոլոր երկրների հետ` առանց որևէ նախապայմանի: Մենք պատրաստ ենք գնալ միակողմանի զիջումների, իհարկե, մենք գիտակցում ենք մեր ներուժն ու Թուրքիայի ներուժը, սակայն դա նրան իրավունք չի տալիս մեզ հետ խոսել նախապայմանների լեզվով: Ցանկանում եմ նաև նշել, որ Թուրքիան միակ երկիրն է, որը պաշտպանել է 2016 թվականի ապրիլի ադրբեջանական ագրեսիան, ինչն արդեն շատ բանի մասին է խոսում՚, - եզրափակել է փոխխոսնակը:
Նշենք, որ այս շաբաթ կայացել է Հայաստանի ղեկավարի այցը Ֆրանսիա, որի ընթացքում Սերժ Սարգսյանը հանդիպել է Ֆրանսիայի նախագահի, Եվրախորհրդի գլխավոր քարտուղարի, Ֆրանսիայի Ազգային ժողովի անդամների և այլոց հնետ: Հայաստանի ղեկավարը նաև ելույթ է ունեցել ԵԽԽՎ ամբիոնից:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
Քաղաքագետ. Կառավարությունը երաշխավորում է տասնյակ միլիոնավոր դրամների աշխատավարձեր Սահմանադրական դատարանի ինը դատավորների համար, մինչդեռ միևնույն ժամանակ, Սյունիքում մոտ 869 ընտանիք կորցրել է իրենց ընտանեկան նպաստը
Հայ փորձագետներն ու Թուրքիայի առաջատար վերլուծական կենտրոնների ներկայացուցիչները քննարկել են երկրների միջև համագործակցության ընդլայնման հեռանկարները
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
