Դավիթ Պետրոսյան. Մենք ԵՊՀ ղեկավարությունից պահանջում ենք ներողություն խնդրել անհիմն զրպարտության համար

Արմինֆո.«Հանուն գիտության զարգացման» երիտասարդական շարժումը, որոնք բողոքում են «Զինապարտության և զինծառայողների կարգավիճակի մասին» օրենքի դեմ, ԵՊՀ ղեկավարությունից պահանջում ենք ներողություն խնդրել անհիմն զրպարտության համար:

Նշենք, որ այսօր ԵՊՀ ռեկտոր Արամ Սիմոնյանը հայտարարել էր, որ ուսանողների գործողությունները համակարգվում են օտարերկրյա կազմակերպությունների կողմից, ինչի ապացույցն է հացադուլի վերսկսումը Լեհաստանում Սորոսի հիմնադրամի կոնֆերանսից անմիջապես վերադառնալուց հետո:

« Լեհաստանում Սորոսի հիմնադրամի կոնֆերանսին իմ մասնակցությունն ի սկզբանե համաձայնեցված էր համալսարանի ղեկավարության հետ և ստորագրվել ռեկտորի կողմից: Այդ կոնֆերանսը ոչ մի կապ չուներ բողոքի ակցիայի հետ, որը մենք անցացնում էինք», - այս մասին դեկտեմբերի 18-ին ԱրմԻնֆո-ի թղթակցի հետ զրույցում հայտարարել է, «Հանուն գիտության զարգացման» երիտասարդական շարժման ղեկավար Դավիթ Պետրոսյանը:

Պետրոսյանը նշել է, որ ինքը մասնակցել է ընտրություններին առնչվող կոնֆերանսին: Ուսանողը նշել է, որ ԵՊՀ ողջ ղեկավարությունը, ինչպես նաև ռեկտորը, ստորագրել և վավերացնել են անհրաժեշտ բոլոր փաստաթղթերը , նրանք գիտեին, թե ինչ կոնֆերանս է անցկացվում է Լեհաստանում, և ինչ նպատակով: «Այդ մեղադրանքը ոչ մի կապ չունի մեր բողոքների հետ, մեզ ոչ ոք չի ղեկավարում, և մենք պահանջում ենք, որպեսզի բուհի ղեկավարությունը, որը մեզ զրպարտել է, հրապարակավ խնդրի ներում»,- հայտարարել է Պետրոսյանը:

Ինչ վերաբերում է պաշտպանության նախարարի առաջին տեղակալ Արտակ Զաքարյանի մեղադրանքներին, կապված ուսանողների «քմահաճ վարքի և կառուցողական բանակցությունները շարոնակելուց հգրաժարվելու հետ» Պետրոսյանը հայտարարել է, որ երկու առաջարկություններից, որոնք ներկայացված են նախաձեռնության անդամների կողմից, մեկ առաջարկը, որը վերաբերում է բարձրագույն կրթությունը բանակ տեղափոխելուն, ամբողջությամբ մերժվել է: Ինչ վերաբերում է կառավարության և ուղանողների միջև բանակցությունների երկրորդին մասին, տաղանդավոր երիտասարդներին համար բանակից տարկետման չափանիշների սահմանման հետ կապված, Պետրոսյանը նշել է, որ այդ հարցով պետք է զբաղվի իշխանությունը:  «Այդ հարցի շուրջ բանակցությունները անիմաստ են, մեր հիմնական նպատակն այդ հարցերի համակարգումը չէ: Այն ինչ մենք առաջարկում ենք, ամբողջովին մերժվել է, հետևաբար,   այդ բանակցությունները մենք համարում ենք անօգուտ և վերսկսվեց մեր պայքարը», - պարզաբանել է ուսանողը:

Նշենք, որ բողոքող ուղանողներն այսօր հայտարարեցին անժամկետ հացադուլը վերսկսելու մասին, այնքան ժամանակ, մինչև չկատարվեն իրենց պահանջները: Այս առումով ԵՊՀ ռեկտոր Արամ Սիմոնյանը «Ազատություն» ռադիոկայանի հետ զրույցում հայտարարեց, որ ուսանողների կողմից հացադուլի վերսկսումն Արևմուտքի պատվերն է: «Նրանք մեկ օր առաջ վերադարձան Լեհաստանից, Սորոսի հայտնի կոնֆերանսից, հետևաբար, ամենայն հավանականությամբ, նրանք այնտեղ ստացել են որոշակի ցուցումներ, և առավոտյան մտաւ լսարան և հայտարարեցին հացադուլ: Մենք նրանց չենք խանգարի», - ասաց Սիմոնյանը:

Ըստ Սիմոնյանի, ուսանողներն սխալ ուղի են ընտրել: «Այն ինչ նրանք տարածում են, և այն, ինչ մտադիր են անել, չի բխում մեր ժողովրդի և գիտության զարգացման շահերից», - ասել է Սիմոնյանը: Նա շեշտել է, որ ուսանողները փորձում են քաղաքականացնել այս շարժումը: «Իմ անձնական կարծիքն այն է, որ նրանք ուղղորդվում են, և այդ հացադուլում ինքնաբուխ ոչինչ չկա», - ասել է ռեկտորը, հավելելով, որ ինքը վստահ է, որ ուսանողները ցանկանում են ապակայունացնել քաղաքական իրավիճակը: