Արմինֆո. Հայաստանը ճանաչվել է Ռուսաստանի բիզնես-թրեվել ինդուստրիայի տարվա լավագույն ուղղություն:
Ինչպես տեղեկացնում է Ռուսաստանում Հայաստանի դեսպանատան մամլո ծառայությունը, 2017 թվականի դեկտեմբերի 7-ին Մոսկվայում տեղի ունեցավ գործարար տուրիզմի ոլորտում արձանագրված ակնառու ձեռքբերումների համար մրցանակի` BBT (Buying Business Travel) Russia & CIS Award) հանձնման արարողությունը:
Հայաստանը հեղինակավոր միջազգային մրցույթին ներկայացվել էր նախագծի «OK Armenia> նախագծով, Ռուսաստանում Հայաստանի դեսպանության աջակցությամբ:
Ըստ ժյուրիի քվեարկության արդյունքների, Հայաստանը ճանաչվել է 2017 թվականի «Լավագույն արտասահմանյան MICE ուղղություն»: Այս անվանակարգում Հայաստանից բացի ներկայացված էին`Վրաստանի, Իտալիայի, Ֆրանսիայի և Միացյալ Արաբական Էմիրությունների ներկայացուցիչները:
Buying Business Travel ամսագիրն ավելի քան 20 տարի մասնագիտական մրցույթներ է անցկացնում TMC, MICE-գործակալների, ավիաընկերություններ, հյուրանոցների, վճարային համակարգերի, ինտերնետ ծառայությունների և շուկայի այլ մասնակիցների շրջանում: Այդ տարիների ընթացքում, BBT մրցանակն իրեն ցուցաբերել է որպես տարբերակման ամենահեղինակավոր մրցանակ, յուրատեսակ «Օսկար» հանդիսանալով բիզնես զբոսաշրջության ոլորտում:
2017 թվականի առաջին ինն ամիսներին Հայաստան է այցելել 2.5 մլն մարդ, ինչը 21% -ով ավելի է նախորդ տարվա ցուցանիշից: Հայաստան ընդհանուր առմամբ այցելում են Ռուսաստանից, Վրաստանից և Իրանից ժամանող զբոսաշրջիկներ: Վերջերս աճ է արձանագրվել նաև Թուրքմենստանից, Ուզբեկստանից, Իրաքից, Կանադայից, Իսպանիայից այցելությունների առումով: