Արմինֆո. «Ավրորաե մրցանակի ընտրող հանձնաժողովի հանդիպումը տեղի կունենա դեկտեմբերի 4-ին Բեռլինում՝ ուսումնասիրելու 2018թ. «Ավրորաե մրցանակի առաջադրումները:
Հանձնաժողովի կազմում ընդգրկված են հումանիտար եւ մարդու իրավունքների ոլորտների ակտիվիստներ, պետությունների նախկին ղեկավարներ: Այն գլխավորում է օսկարակիր դերասան, հումանիտար գործիչ Ջորջ Քլունին:
Ընտրող հանձնաժողովի անդամներն են Նոբելյան դափնեկիրներ Օսկար Արյասը, Շիրին Էբադին եւ Լեյմա Գբովեն, Իռլանդիայի նախկին նախագահ Մերի Ռոբինսոնը, մարդու իրավունքների ակտիվիստ Հինա Ջիլանին, Ավստրալիայի նախկին արտգործնախարար եւ Միջազգային ճգնաժամային խմբի նախագահ ու գործադիր տնօրեն Գարեթ Էվանսը, Մեքսիկայի նախկին նախագահ Էռնեստո Սեդիլյոն, «Բժիշկներ առանց սահմաններիե կազմակերպության համահիմնադիր եւ Ֆրանսիայի նախկին արտգործնախարար Բեռնարդ Քուշները, Լոնդոնի կայսերական քոլեջի Գլոբալ առողջապահական նորարարությունների ինստիտուտի տնօրեն Լորդ Արա Դարզին, Նյու Յորքի Կարնեգի կորպորացիայի նախագահ Վարդան Գրեգորյանը։
Երրորդ ամենամյա «Ավրորաե մարդասիրական մրցանակի համար կատարվել է 750 առաջադրում, որոնցից 509-ը՝ չկրկնվող թեկնածություններ: Հայտերն ուղարկվել են 12 լեզվով՝ 115 երկրից, այդ թվում՝ ԱՄՆ-ից, Ռուսաստանից, Եգիպտոսից, Հայաստանից, Հնդկաստանից, Գերմանիայից, Միացյալ Թագավորությունից, Պակիստանից, Ուկրաինայից եւ Քենյայից:
Անկախ փորձագետների հանձնախումբը, որը գործում է «Ավրորաե մրցանակի քարտուղարության կազմում, հավատարիմ մնալով «Ավրորաե մրցանակի ընտրական չափանիշներին, արդեն ուսումնասիրել է մրցանակին առաջադրված բոլոր թեկնածությունները եւ Ընտրող հանձնաժողովի ուշադրությանն է ներկայացրել թեկնածուների սեղմ ցանկը:
Հանձնախմբի կազմում ընդգրկված են հումանիտար ոլորտի մասնագետներ եւ մարդասիրական, մարդու իրավունքների եւ քաղաքացիական հասարակության կազմակերպությունների ղեկավարներ: 2018թ. «Ավրորաե մրցանակի Փորձագետների հանձնախմբում ընդգրկված են. Մարիա Էլենա Ագուերո՝ «Մադրիդյան ակումբիե գլխավոր քարտուղար, Այան Հիրսի Ալի՝ ակտիվիստ, գրող, AHA հիմնադրամի հիմնադիր, Կոմֆորտ Էրո՝ Միջազգային ճգնաժամային խմբի Աֆրիկայի ծրագրի տնօրեն, Մեգո Թերզյան՝ Ֆրանսիայի «Բժիշկներ առանց սահմաններիե կազմակերպության նախագահ, Կոնստանտին Խաբենսկի՝ «Խաբենսկիե բարեգործական հիմնադրամի հիմնադիր, Չուլպան Խամատովա՝ «Նվիրիր կյանքե հիմնադրամի համահիմնադիր, Ջեմիլա Մահմուդ՝ Կարմիր խաչի միջազգային կոմիտեի գլխավոր փոխքարտուղար, Պեդրո Մուրադյան՝ ՄԱԿ-ի Մարդու իրավունքների բարձր հանձնակատարի գրասենյակի փորձագետ, Լեզլի-Աննա Նայթ՝ The Elders խմբի նախկին տնօրեն, Արյեհ Նեյեր՝ Բաց հասարակության հիմնադրամի պատվավոր նախագահ, Սաշա Չանոֆ՝ RefugePoint կազմակերպության համահիմնադիր եւ գործադիր տնօրեն,
Նենսի Սոդերբերգ՝ ՄԱԿ-ում ԱՄՆ նախկին դեսպան, Մոնիկա Վիլա՝ Թոմսոն Ռոյթերս հիմնադրամի տնօրեն, Սառա Լեյ Ուիսթոն՝ Human Rights Watch կազմակերպության Մերձավոր Արեւելքի եւ Հյուսիսային Աֆրիկայի բաժանմունքի տնօրեն, Ջոն Փրենդերգաստ՝ Enough նախագծի տնօրեն, Թոմ Քաթինա՝բժիշկ, 2017թ. «Ավրորաե մրցանակի դափնեկիր, Նիկոլաս Քումջյանը՝ Կամբոջայի դատարանների Արտակարգ պալատների միջազգային դատախազ,
Ջոնաթան Ֆանտոն՝ Արվեստների եւ գիտությունների ամերիկյան ակադեմիայի նախագահ:
2018թ. «Ավրորաե մրցանակի հավակնորդների անունները հայտնի կդառնան 2018թ. ապրիլի 24-ին՝ Հայոց ցեղասպանության նահատակների հիշատակի օրը: «Ավրորաե մրցանակը, որն ստեղծվել է Հայոց ցեղասպանությունը վերապրածների անունից՝ ի երախտագիտություն նրանց փրկողների, երրորդ անգամ կշնորհվի 2018թ. հունիսի 10-ին Հայաստանում կայանալիք հանդիսավոր արարողության ժամանակ: Մրցանակի դափնեկրին կշնորհվի 100,000 դոլարի պարգեւ եւ հնարավորություն՝ 1 միլիոն դոլարի դրամաշնորհը հատկացնելու իրեն ոգեշնչած կազմակերպություններին:
2017թ. «Ավրորաե մրցանակը շնորհվեց կաթոլիկ միսիոներ, բժիշկ Թոմ Քաթինային՝ Նյու Յորք նահանգի Ամստերդամ քաղաքից։ Նա հազարավոր մարդկանց կյանք է փրկել՝ լինելով մշտական ներկայություն ունեցող միակ վիրաբույժը Սուդանի Նուբա լեռների պատերազմական գոտում, որտեղ մարդասիրական օգնությունը սահմանափակ է: «Ավրորաե մրցանակի առաջին դափնեկիրը Մարգարիտ Բարանկիցեն է՝ Բուրունդիի «Մեզոն Շալոմե խնամքի տան եւ REMA հիվանդանոցի հիմնադիրը: 2016թ. «Ավրորանե շնորհվեց նրան՝ Բուրունդիում քաղաքացիական պատերազմի տարիներին որբերին ու փախստականներին խնամելու եւ հազարավոր մարդկանց կյանքի փրկության գործում ունեցած անգնահատելի ազդեցության համար: