Ի.Տելեգին. Մինչև տարեվերջ ՎՏԲ-Հայաստան Բանկի մանրածախ վարկավորման պորտֆելը կհասնի 91 մլրդ.դրամի

Արմինֆո.Մինչև 2017 թվականի ավարտը ՎՏԲ-Հայաստան Բանկը մտադիր է ավելացնել իր մանրածախ վարկային պորտֆելը, մինչև 91 մլրդ դրամ: Այս մասին ԱրմԻնֆոյի թղթակցի հետ զրույցում հայտնել է ՎՏԲ-Հայաստան Բանկի մանրածախ բիզնեսի զարգացման դեպարտամենտի տնօրեն Իվան Տեգեգինը:

Այս առումով նա նշել է, որ ներկայումս Բանկը գերազանցում է զարգացման ռազմավարական պլանով նախատեսված ցուցանիշները: «Հետագայում նույնպես մտադիր ենք ընթանալ նույն ձևով», - ասել է նա:

Նրա խոսքով, նման բարձր ցուցանիշների ապահովումը հաջողվում է ճկունության շնորհիվ, ինչպես նաև այն բանի, որ Բանկը մշտապես զարգացնում է իր ծառայությունները հաճախորդներին առաջարկելով նոր պրոդուկտներ և լուծումներ, որոնք համապատասխանում են նրանց պահանջներին:

Մասնավորապես, Ի.Տելեգինը նշել է, որ մինչև տարեվերջ բանկը քաղաքում կտեղադրի 7/24 ռեժիմով ինքնասպասարկման մի քանի սարքեր: Միևնույն ժամանակ, մոտ ապագայում Բանկը նախատեսում է ընդլայնել «Bank at work» (Բանկը աշխատելիս) ծառայությունը, որով նախատեսվում է մենեջերի կանչը հաճախորդի աշխատատեղ: «Հայաստանում այդ ծառայությունը կա, բայց միշտ եղել է, այսպես ասած, քողարկված: Իսկ հիմա մեր հաճախորդներին հնարավորություն կտանք ունենալ անձնական մենեջեր: Բանկն այսօր դուրս է գալիս իր գրասենյակից և գնում հաճախորդի մոտ, որպեսզի ապահովի առավելագույն հարմարավետություն: Մենք պատրաստվում ենք դա անել, քանի որ մեր համար դա ծառայության նոր հեռանկար է», - ամփոփել է նա:

Բացի այդ, նա նշել է, որ «Բիզնեսի մարդիկ» համալիր ծրագրի շրջանակներում ՎՏԲ-Հայաստան Բանկը բյուջետային կազմակերպությունների համար պատրաստ է վերանայել հիփոթեքային վարկավորման պայմանները: Այս կապակցությամբ Ի.Տալեգինը նշել է, որ այսօր «Բիզնեսի մարդիկ» ծրագիրը փաթեթի սեփականատերերին հնարավորություն է տալիս ստանալ անվճար աշխատավարձային քարտեր, սպառողական վարկեր / օվերդրաֆտներ / վարկային քարտեր`Բանկի ստանդարտ տոկոսադրույքի մինչև 7% -ի չափով: արտոնյալ պայմաններով դժբախտ պատահարներից ապահովագրություն, անվճար միացում SMS-բանկինգին և ինտերնետ-բանկինգին; քարտի դրական մնացորդի նկատմամբ եկամտաբերության մինչև 3%:

Ըստ ԱրմԻնֆո գործակալության`Հայաստանի Բանկերի Ֆինանսական Վարկանիշի, 2017 թվականի հուլիսի 1-ի դրությամբ, մանրածախ վարկավորման ծավալով ՎՏԲ-Հայաստան Բանկը գտնվում է առաջատարների եռյակում, 80.1 մլրդ դրամ ծավալով: Բանկի ընդհանուր վարկային պորտֆելում մանրածախի մասնաբաժինը կազմել է ավելի քան 46%: Մանրածախ վարկավորման պորտֆելում Բանկի մասնաբաժինը շուկայում կազմել է 10.3%: Սպառողական վարկավորման պորտֆելով ՎՏԲ-Հայաստան Բանկը գտնվում է առաջատարների եռյակում, 65.5 մլրդ.դրամ ծավալով, որը կազմում է շուկայի ընդհանուր ծավալի ավելի քան 12%-ը:

Նշենք, որ «ՎՏԲ-Հայաստան Բանկը ՎՏԲ միջազգային ֆինանսական խմբի անդամ է դարձել 2004 թվականի ապրիլից: Ներկայումս Ռուսաստանում երկրորդ խոշորագույն ՎՏԲ Բանկը տնօրինում է «ՎՏԲ-Հայաստան Բանկ» ՓԲԸ 100% բաժնետոմսերին: Իր հիմնական ցուցանիշներով Բանկն ավանդաբար գտնվում է Հայաստանի բանկային համակարգի առաջատարների շարքում, ունի 67 մասնաճյուղ, որոնց միջոցով իր ներկայությունն է ապահովում ոչ միայն մայրաքաղաքում, այլև երկրի բոլոր մարզերում: