Արմինֆո.Ղարաբաղյան հակամարտության և քրդական ու կատալոնյան գործընթացների միջև զուգահեռներ անցկացնելը ոչ միայն անտրամաբանական է, այլ նաև՝ անգրագետ: Այդ մասին ԱրմԻնֆո-ի թղթակցի հետ զրույցում հայտարարել է ՀՀ ԱԺ փոխնախագահ Էդուարդ Շարմազանովը՝ ի պատասխան ադրբեջանցի իր գործընկեր Բահար Մուրադովայի այն հայտարարությանը, որ միջազգային հանրությունը պետք է միևնույն մոտեցումները ցուցաբերի բոլոր այդ երեք գործընթացների նկատմամբ, այլ ոչ թե՝ ղեկավարվի երկակի չափանիշներով:
«Ինչպե՞ս կարելի է զուգահեռներ անցկացնել այդ գործընթացների միջև. դրանք երեք միանգամայն տարբեր խնդիրներ են: Լեռնային Ղարաբաղի ինքնորոշման գործընթացը բացառապես լեգալ և լեգիտիմ է, այն ամբողջովին համապատասխանում է ինչպես Խորհրդային Միության Սահմանադրության, այնպես էլ՝ միջազգային իրավունքի տառին և նորմերին: Ժամանակին Լեռնային Ղարաբաղն ինքնորոշվեց՝ ԽՍՀՄ Սահմանադրության նույն իրավական նորմերին համապատասխան, ինչ 15 հանրապետությունները: ԽՍՀՄ Սահմանադրությունն ինքնավար սուբյեկտներին իրավունք է տվել հանրաքվեի հիման վրա որոշելու իրենց ճակատագիրը, ինչը և արվել է: Եվ եթե այսօր Ադրբեջանը կասկածի տակ է դնում Արցախի ինքնորոշման լեգիտիմությունը, նշանակում է՝ կասկածի տակ է դնում նաև իր և այլ խորհրդային հանրապետությունների անկախության օրինականությունը»,- պարզաբանել է Շարմազանովը:
Ինչ վերաբերում է ԵԱՀԿ ՄԽ գործունեության առնչությամբ Մուրադովայի հայտնած դժգոհությանը և միջնորդական ձևաչափի փոփոխության անհրաժեշտության մասին կարծիքին՝ ՀՀ ԱԺ փոխնախագահն ընդգծել է, որ այդպիսով Ադրբեջանը ջուր է լցնում Թուրքիայի ջրաղացին, որն ամեն կերպ փորձում է միջնորդ հանդիսանալ ղարաբաղյան հակամարտության կարգավորման հարցում: «Բայց դա երբեք չի լինի: Թուրքիան տեղ չունի ԵԱՀԿ ՄԽ ձևաչափում, քանի որ այդ երկիրը բացահայտ աջակցում է հակամարտող կողմերից մեկին՝ Ադրբեջանին, ինչը կասկածի տակ է դնում վերջինիս օբյեկտիվությունը՝ որպես միջնորդ: Բացի այդ, Անկարան հայտնի է տարածաշրջանում իր ապակայունացնող քաղաքականությամբ: Եվ դա ես չեմ ասում, ղարաբաղյան հակամարտության գոտում ապրիլյան պատերազմից հետո այդ մասին հայտարարեց Ռուսաստանի արտգործնախարար Սերգեյ Լավրովը, ով ընդգծեց, որ Թուրքիան ոչ թե խաղաղության, այլ՝ պատերազմի կոչեր է անում»,- նշել է նա՝ ընդգծելով, որ Բաքուն ստեղծված իրավիճակում պետք է մեղադրի ոչ թե ԵԱՀԿ Մինսկի խմբին, այլ՝ ինքն իրեն, քանի որ հենց ինքը չի կատարում ստանձնած պարտավորությունները՝ այդպիսով տորպեդահարելով բանակցային գործընթացը: Նշենք, որ Ադրբեջանի խորհրդարանի փոխխոսնակ Բահար Մուրադովան հերթական անգամ դժգոհություն է հայտնել ԵԱՀԿ ՄԽ գործունեության առնչությամբ: Նա կրկին բարձրացրել է ԵԱՀԿ ՄԽ ձևաչափը փոխելու անհրաժեշտության հարցը:
Մուրադովան նաև զուգահեռներ է անցկացրել ղարաբաղյան հակամարտության և քրդական ու կատալոնյան գործընթացների միջև: «Կարծում եմ, որ Կատալոնիային և Իրաքի քրդական ինքնավարությանն առնչվող վերջին իրադարձությունները պետք է նպաստեն ղարաբաղյան հակամարտության կարգավորման շուրջ բանակցությունների բովանդակության փոփոխություններին: Անհրաժեշտ է վերջ դնել երկակի ստանդարտների դիրքից հակամարտությունները կարգավորելու մոտեցմանը, և վերաբերմունք պետք է դրսևորվի միջազգային իրավունքի շրջանակում, անկախ այն բանից, թե որ երկրում է գլուխ բարձրացրել անջատականությունը: Խոսելով փոփոխությունների մասին` Ադրբեջանն ի նկատի ունի փոփոխություններն այդ ուղղությամբ՚, - ասել է Մուրադովան:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
