ՀՀ Գյուղատնտեսության նախարարությունն ուսումնասիրում է հայկական շուկայում «Մոնսանտո» ԳՄՕ հսկայի գործունեության հնարավորությունները

Արմինֆո. ՀՀ Գյուղատնտեսության նախարարությունը շահագրգռված է հանրապետությունում օրգնական, «կանաչ» գյուղատնտեսական արտադրանքի աճեցմամբ: Այդ մասին ԱրմԻնֆո-ի թղթակցի հետ զրույցում հայտարարել է ՀՀ Գյուղատնտեսության նախարարության մամուլի քարտուղար Անի Սմբատյանը՝ ի պատասխան ԱՄՆ դեսպանատան հաղորդագրությանը, որ Հայաստանում են գտնվում ամերիկյան ԳՄՕ հսկա «Մոնսանտո» ընկերության ներկայացուցիչները:

Անի Սմբատյանն ընդգծել է, որ «Մոնսանտո» ընկերությունը համագործակցության վերաբերյալ պայմանագրեր չունի ՀՀ Գյուղատնտեսության նախարարության հետ, և հազիվ թե այդ դեպքում կարողանար գործունեություն ծավալել հայաստանյան շուկայում: Սակայն, Սմբատյանն, այնուամենայնիվ, նման հնարավորությունը լիովին չի բացառել: Նրա խոսքով, միանգամայն հնարավոր է, որ «Մոնսանտոն»  հանրապետությունում գրանցվել է ինչ-որ այլ ապրանքանիշով: «Ամեն դեպքում ԶԼՄ-ների հրապարակումից հետո գյուղատնտեսության նախարար Իգնատի Առաքելյանը հանձնարարել է մանրամասն ուսումնասիրել այդ ընկերության գործունեությունը և հայաստանյան շուկա վերջինիս ներթափանցման հնարավորություննները, արդյունքների մասին կտեղեկացվի ավելի ուշ: Ուզում եմ, սակայն, հավաստիացնել, որ Հայաստանում «Valmont» և Monsanto ընկերությունների գործունեությունը ներկայացնելիս, որը կազմակերպվել էր ԱՄՆ դեսպանատան կողմից, ներկա է գտնվել նաև գյուղատնտեսության փոխնախարար Արմեն Հարությունյանը, ով նույնպես ընդգծել է Հայաստանը շահագրգռվածությունը «կանաչ», օրգնական գյուղմթերքի աճեցման հարցում»,- հայտնել է Սմբատյանը:

Նշենք, որ այսօր Facebook-ի իր էջում այդ թեմային անդրադարձել է աշխարհահռչակ հայազգի ռոքեր, System Of a Down ռոք խմբի մեներգիչ Սերժ Թանկյան: Նա Հայաստանին կոչ է արել հեռու մնալ ամերիկյան Monsanto ընկերությունից, որը զբաղվում է տրանսգենային սերմերի, թունաքիմիկատների արտադրությամբ: Թանկյանը, մասնավորապես, գրում է, որ Monsanto-ն թունավորել է ԱՄՆ շրջակա միջավայրը, և վերջինիս գենամոդիֆիկացված մթերքները կարող են վերջ դնել օրգանական սննդին: «Իր քաղաքականության պատճառով Monsanto-ն ԱՄՆ-ում և Եվրոպայում հայտնի է՝ որպես «չարիքի կորպորացիա»: Ի տարբերություն ԱՄՆ-ի՝ Հայաստանում հնարավորություն ունեմ վայելելու էկոլոգիապես մաքուր, խրթխրթան խնձորների համը»:

Նշենք, որ նոյեմբերի 1-ին ՀՀ-ում ԱՄՆ դեսպանատունը, գործակցելով ՀՀ գյուղատնտեսության նախարարության և Էյչ-Էս-Բի-Սի Բանկ Հայաստանի հետ, կազմակերպել էր գործարար համաժողով՝ նվիրված գյուղատնտեսությանը: Նպատակը ոլորտի հայկական ընկերություններին ամերիկյան հայտնի «Վալմոնտե և «Մոնսանտոե ընկերությունների փորձի, ապրանքների ու տեխնոլոգիաների ներկայացումն էր ու կապերի ձևավորումը: Երկու ընկերություններն էլ լավ հայտնի հետ համաշխարհային շուկայում: Valmont Irrigation-ը զբաղվում է մեխանիզացված ոռոգման սարքավորումների արտադրությամբ և սպասարկմամբ, և վերջինիս նկատմամբ, որպես այդպիսին, պահանջներ չկան: Նույնը չի կարելի ասել անդրազգային Monsanto ընկերության մասին, որը զբաղվում է տրանսգենային սերմեր ու թունաքիմիկատների արտադրությամբ: ԱՄՆ գործերի հավատարմատար Ռաֆիկ Մանսուրը ներկայացրել է դրանց մուտքը հայաստանյան շուկա, մինչդեռ երկու տարի առաջ Հայաստանն արգելել է ԳՄՕ արտադրությունը, սակայն գենամոդիֆիկացված բաղադրիչներ պարունակող սննդամթերքի ներմուծումը թույլատրված է՝ հատուկ մակնշման դեպքում: Այսինքն՝ շուկան, որպես այդպիսին, պաշտպանված չէ նման արտադրանքից: Իհարկե, ԱՊՀ-ում Monsanto-ի վաճառքի գծով մենեջեր Ալեքսանդր Զվյագինցևը լրագրողների հետ զրույցում հավաստիացրել է, որ ընկերությունը հայ գործընկերներին չի առաջարկի աշխատել գենամոդիֆիկացված արտադրանքով, քանի որ իրենք «դա չեն անում երկրներում, որտեղ դա արգելված է»: Բայց ահա արդեն շուրջ 20 տարի է, ինչ ընկերությունը Հայաստանում սերմեր է իրացնում և խորհրդակցություններ անցկացնում գյուղացիների հետ: