Արմինֆո. «Ելք» խմբակցության պատգամավոր Մանե Թանդիլյանը ՀՀ ՊՆ-ին մեղադրել է կոռումպացվածության մեջ, խորհրդարանի ամբիոնից հայտարարելով, որ պարտադիր զինծառայությունից ազատվելու համար այժմ կպահանջվի 15-20 հազար դոլար:
«Բոլոր նրանք, ովքեր պնդում են, որ զինծառայությունից անօրինական կերպով ազատելու գործընթացը բարդանում է, սխալվում են: Ընդամենը բարձրացել են գները`նախկին 7 հազար դոլարից մինչեւ 15020 հազար», - ասել է նա:
«Դուք միշտ ասում եք, որ սոցիալական արդարությունը վերականգնվում է, բայց որտեղ է ձեր սոցիալական արդարությունը: Այսօր երիտասարդները, ովքեր ունեն առողջապահական խնդիրներ, գտնվում են ծառայության մեջ, իսկ առողջ երիտասարդները փողով ազատվում են, կամ ծանոթությամբ», - ասել է Թանդիլյանը:
Իր հերթին, ՀՅԴ-ից ԱԺ պատգամավոր Ռոմիկ Մանուկյանը նշել է, որ ապրիլի պատերազմը ցույց տվեց, որ Հայաստանին անհրաժեշտ են կամավորների ջոկատներ: «Ապրիլյան պատերազմը ցույց տվեց, որ մենք չունենք փորձառու և պատրաստված կամավորների ջոկատներ: Այդ ջոկատներին առաջին հերթին պետք է օգնի բանակը: Մենք պետք է ունենանք կամավորների ջոկատներ, որոնք առաջին օգնությունը կապահովեն պատերազմի դեպքում: ՀՅԴ-ն կողմ քվեարկի այս օրինագծին, և մենք պատրաստ ենք համագործակցությանը», - ասել է Մանուկյանը:
Ռոմիկ Մանուկյանը նաև նշել է, որ երիտասարդ զինվորների անփորձությունը մեկն է այն հիմնական պատճառներից, որ ճակատային գծում կան զոհեր: «Շատ լավ կետ է նաև այն, որ առաջնագիծը կարելի է ազատել նորակոչիկներից և նրանց փոխարինել պայմանագրային զինծառայողներով: Մենք հիմնականում զոհեր ենք ունենում նորակոչիկների անփորձության պատճառով», - նշել է պատգամավորը:
Իր հերթին, «Ելք» դաշինքի պատգամավոր Էդմոն Մարուքյանը նշել է, որ այս օրինագիծը, որը վերաբերվում է զինծառայությունից տարկետման իրավունքի վերացմանը, բացարձակապես վստահություն չի ներշնչում, քանի որ այն ներկայացված է ՀՀ կառավարության կողմից, որը մշտապես խրախուսել է զինված ուժերում ծառայելուց ազատվելու հնարավորությունը: Մարուքյանը նշել է, որ տարիներ շարունակ պաշտպանության նախարարությունը շքանշաններով պարգևատրել է բարձրաստիճան պաշտոնյաների, ովքեր երբեք չեն ծառայել բանակում, բայց մեդալ են ստանում են ՀՀ պաշտպանության նախարարությունից: «Այլ խոսքերով, կառավարությունը խրախուսել է զինվորական ծառայությունից ազատվելու փորձերը, իսկ հիմա հայտարարում են, որ վերացնում են տարկետումը, և յուրաքանչյուր պարտավոր է ծառայել», - հայտարարել է պատգամավորը: Նա նաև համաձայն չէ այն կարծիքին, որ դրանով քաղաքացիների մեջ ձևավորվում է հավասարության սկզբունքը: «Այդ հավասարությունը բացառապես աղքատների համար է, դա վերաբերում է նրանց, ովքեր խոցելի են», - եզրակացրել է Մարուքյանը:
«Ելք» խմբակցության ղեկավարը Նիկոլ Փաշինյանը նույնպես իր դժգոհությունն է հայտնել օրինագծի շուրջ: Նա նշել է, որ կան մարդկանց մի քանի «արտոնյալ» խմբեր, որոնք իրենց երեխաներին բանակից ազատում են ծանոթների և կաշառքների միջոցով: Նա նաև ընդգծել է, որ Պաշտպանության նախարարությունն ունի գաղտնի ծրագրեր: «Ամեն տարի բանակից ազատվում են մեծ թվով մարդիկ, որից 90% -ը`առողջական խնդիրների, իսկ 10%-ը` ուսանողական տարկետման պատճառով», - ասել է Փաշինյանը, նշելով, որ եթե որոշակի տոկոսի մոտ կան առողջական խնդիրներ, ապա առնվազն 45 տոկոսն ունի կապեր և ներգրավված է կոռուպցիոն համակարգում: Պատգամավորը նաև նշել է, որ այժմ բանակ են տանում նույնիսկ այն երեխաներին, ովքեր, ամբողջ կյանքն ապրելով արտերկրում, գալիս եմ տուն, օրինակ`թաղման: Նա նաև դժգոհություն է հայտնել այն փաստի առթիվ, որ տարկետումը վերանում է բոլոր ուսանողների համար, բացառությամբ հոգևոր ճեմարանների ուսանողների: Պարզվում է, որ մեր հասարակությունում կա արտոնյալ կատեգորիա – հոգևորականները»,-նշել է պատգամավորը:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ