Արմինֆո.Հայաստանը սերտ կապեր ունի Եվրոպական Միության հետ և մտադիր է ընդլայնել համապարփակ համագործակցությունը փոխադարձ հետաքրքրություն ներկայացնող բոլոր ոլորտներում: Այդ մասին այսօր Երևանում Եվրոպական հանձնաժողովի հարևանության և ընդլայնման հարցերով հանձնակատար Յոհանես Հանի հետ բանակցությունների արդյունքներով հայտարարել է ՀՀ արտգործնախարար Էդվարդ Նալբանդյանը:
«Մեր շփումները, հանդիպումներն ու երկխոսությունը պարբերական բնույթ են կրում։ Միայն այս տարվա ընթացքում պարոն Հանի հետ արդեն հինգ հանդիպում ենք ունեցել, վերջին անգամ հանդիպել էինք շաբաթներ առաջ՝ սեպտեմբերի 8-ին Տալլինում՝ Եվրոպական միության և Արևելյան գործընկերության մասնակից երկրների արտգործնախարարների հանդիպման շրջանակներում, և այսօրվա այցելությունը ևս մեկ հնարավորություն է ընձեռում շարունակել մեր քննարկումները Երևանում։
Եվրոպական Միությունն արժեքավոր աջակցություն է ցուցաբերում մեր երկրում ընթացող բարեփոխումներին՝ սատարում մարդու իրավունքների պաշտպանության և օրենքի գերակայության շարունակական խթանման, ժողովրդավարական հաստատությունների առավել ամրապնդման, դատական համակարգի ու արդյունավետ կառավարման բարելավման ուղղությամբ Հայաստանի կողմից իրականացվող ջանքերին: Ես կցանկանայի ընդգծել մեր համագործակցությունը նախորդ ապրիլին Հայաստանում կայացած խորհրդարանական ընտրությունների համատեքստում։
Ռիգայի Արևելյան գործընկերության գագաթաժողովի համատեղ հռչակագրի ոգուն համաձայն` վերջին երկու տարիների ընթացքում մեր համագործակցությունը կարևոր ձեռքբերումներ է գրանցել՝ Հայաստանը միացավ «Հորիզոն 2020ե, «COSMEե ծրագրերին։ Ավարտվեցին «Ստեղծագործ Եվրոպաե և Ընդհանուր ավիացիոն գոտու մասին պայմանագրերին միանալու մասին բանակցությունները:
Ավարտվել է նաև Հայաստանի և Եվրամիության միջև Գործընկերության առաջնահերթությունների փաստաթղթի համաձայնեցումը։
Հատուկ կցանկանայի ընդգծել, որ ավարտվել և նախաստրոգարվել է Հայաստան-ԵՄ Համապարփակ և ընդլայնված գործընկերության համաձայնագիրը։ Դրա ստորագրումը նոյեմբերին Բրյուսելում կայնալիք ԵՄ Արևելյան գործընկերության գագաթաժողովի հիմնական ձեռքբերումներից մեկը կարող է հանդիսանալ։
Բրյուսելյան գագաթաժողովի նախապատրաստական աշխատանքները կարևոր տեղ էին զբաղեցնում հանձնակատար Հանի հետ մեր քննարկումներում։ Մենք մտքեր փոխանակեցինք գագաթաժողովի Եզրափակիչ հռչակագրի շուրջ։
Հայաստան-Եվրամիություն օրակարգում կարևոր տեղ է զբաղեցնում մարդկանց միջև շփումների խրախուսումը։ Վիզային ռեժիմի ազատականացումը հանդիսանում է շարժունակության ու մարդկանց միջև շփումների խորացման կարևոր բաղադրիչներից մեկը, ինչն ամրագրված է Վիլնյուսի ու Ռիգայի գագաթաժողովների հռչակագրերում:
Մեր օրակարգը համալրվում է նոր բովանդակությամբ, մասնավորապես, Տրանս-եվրոպական տրանսպորտային ցանցի (TEN-T) ընդլայնումը, առաջարկներ կան ԵՄ և Արևելյան գործընկերության երկրներում ռոումինգի սակագների հարմոնիզացիայի և նվազեցման, ինչպես նաև գործընկեր երկրներում տեղական արժույթով փոքր և միջին ձեռնարկությունների զարգացման ֆինանսավորման վերաբերյալ: Համոզված եմ, որ մեր փոխգործակցութունը կհամալրվի նաև այլ փոխշահավետ ծրագրերով:
Մենք մտքեր փոխանակեցինք ոլորտային փոխգործակցության շուրջ, անդրադարձանք «20 արդյունք մինչև 2020ե փաստաթղթին, որը նախանշում է Արևելյան գործընկերության շրջանակներում գալիք երեք տարվա հիմնական ուղղությունները:
Հայաստանի և Եվրամիության միջև ընդգրկուն փոխգործակցություն է ծավալվում ամենատարբեր ոլորտներում: Բերեմ մի քանի օրինակներ. արդեն շուրջ երեք տարի է, ինչ Եվրոպական միությունը կարևոր աջակցություն է ցուցաբերում Հայաստանում գյուղատնտեսության զարգացմանը՝ «Եվրոպական հարևանության գյուղատնտեսության և գյուղական համայնքների զարգացման ծրագրիե՝ ENPARD-ի միջոցով։ ԵՄ-ն շարունակական աջակցություն է ցուցաբերում Հայաստան-Վրաստան սահմանային անցակետերի արդիականացման գործընթացին՝ Արևելյան գործընկերության Սահմանների համալիր կառավարման ծրագրի շրջանակներում։ Երեկ Բավրայում անցակետի բացումով ավարտվեց այս ծրագրի հերթական փուլը։
ԵՄ-ն` իր Հարևանության ներդրումային գործիքի միջոցով աջակցել է նաև Հայաստան-Վրաստան բարձրավոլտ փոխանակման գծի կառուցմանը:
Կարևորում ենք նաև «Էրազմուս պլյուսե ծրագրի շրջանակներում ակտիվ բազմակողմ համագործակցությունը, համալսարանների միջև փոխգործակցության, ուսանողական փոխանակումների և շարժունակության, լավագույն փորձի փոխանակման հարցերում:
Հանձնակատար Հանի հետ հանդիպման ընթացքում քննարկեցինք նաև հրատապ միջազգային խնդիրներ, մերձավորարևելյան զարգացումները, իրանական միջուկային ծրագրի շուրջ պայմանավորվածությունների կատարման ընթացքը, իրավիճակը կորեական թերակղզում։
Պարոն Հանին ներկայացրեցրի ղարաբաղյան հիմնախնդրի բացառապես խաղաղ կարագվորման ուղղությամբ Հայաստանի և ԵԱՀԿ Մինսկի խմբի համանախագահ երկրներ ջանքերը, Հայաստանի և Ադրբեջանի նախագահների առաջիկա հանդիպման նախապատրաստությունները։ Պարոն Հանը վերահաստատեց Եվրամիության անվերապահ ու ամբողջական աջակցությունը ԵԱՀԿ Մինսկի խմբի համանախագահ երկրների ջանքերին»,- ասել է Նալբանդյանը:
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Հայ թուրքագետը բացատրեց, թե ինչպես է Ադրբեջանը վերաշարադրում Երևանի պատմությունը
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
