Արմինֆո.«Եվրամիությունում սկսվել են քննարկումներ, որոնք նախանշում են նրա ապագա ձևը, դա կարևոր է նաև Հայաստանի համար՚, - այդ մասին սեպտեմբերի 22-ին հայտարարել է ՀՀ-ում ԵՄ պատվիրակության ղեկավար, դեսպան Պյոտր Սվիտալսկին` «Եվրամիության մոդել-2017՚ երիտասարդական խորհդրաժողովում:
Սվիտալսկին հայտարարել է, որ Հայաստանի և ԵՄ միջև հարաբերությունները երկկողմ են, ոչ թե բազմակողմանի: «Շրջանակային համաձայնագիրը, որը նախատեսվում է ստորագրել այս աշնանը, նաև վերաբերում է հարաբերությունների երկկողմ ձևաչափին: Կարևոր է, որպեսզի Հայաստանը հետագայում ԵՄ անդամ երկրների հետ համագործակցության ժամանակ ԵՄ-ն դիտարկել է որպես հարաբերությունների ամբողջական բաղադրիչ՚, - հայտարարել է դեսպանը:
Ինչ վերաբերում է Հայաստանի և ԵՄ միջև տնտեսական հարաբերություններին, ապա, նրա կարծիքով, դրա ներուժը գործարկվել է բնավ ոչ լիովին, թեև Եվրամիությունը Հայաստանի առաջին արտաքին առևտրային գործընկերն է: «Ինչպես նշել է Հայաստանի վարչապետ Կարեն Կարապետյանը, այս տարի ԵՄ արտահանման աճի տեմպերը գերազանցել են ԵԱՏՄ արտահանումը: Մասնավորապես, դեպի Եվրոպա արտահանումն աճել է 31 տոկոսով: Սակայն Կառավարության առաջիկա հնգամյակի ծրագրում տնտեսական գործընկերների շրջանում առաջին տեղում են Ռուսաստանն ու ԱՄՆ՚, - նշել է Պյոտր Սվիտալսկին:
Դեսպանը նշել է, որ ԵՄ նոր քաղաքականությունում անհամեմատ ավելի մեծ տեղ կտրվի հարևան երկրների հետ փոխհարաբերություններին: Սվիտալսկին նաև նշել է, որ ուկրաինական ճգնաժամի առնչությամբ Եվրամիությունը գիտակցում է, թե որքան մեծ նշանակություն ունեն իր համար ԵՄ սահմանակից երկրները: «Թեև Հայաստանը ԵՄ հետ սահման չունի, մենք այն համարում ենք ԵՄ անբաժան մաս և ցանկանում ենք ակտիվ քաղաքականություն վարել այդ տարածաշրջանում: Մեզ համար չափազանց կարևոր է, որպեսզի հարևան երկրները հաղթահարեն խնդիրները, դինամիկ զարգանան և բարգավաճեն՚, - նշել է դեսպանը:
Խոսելով Հայաստանում անցկացվող բարեփոխումների մասին` դիվանագետը ԵՄ անունից պատրաստակամություն է հայտնել շարունակելու աջակցությունը դրանց իրագործմանը, ընդգծելով, որ, իր կարծիքով, հանրապետության նոր կառավարությունը պատրաստ է փոփոխությունների: Սվիտալսկու ասելով, ԵՄ համար կաևոր են տնտեսական բարեփոխումները, կոռուպցիայի դեմ պայքարը, արդարադատության անկախ համակարգի ստեղծումը, մարդու իրավունքների պաշտպանությունը:
«Ես կարծում եմ, որ Հայաստանում բավականաչափ իրազեկված չեն ԵՄ մասին: Այստեղ այնքան էլ լավ չեն պատկերացնում, թե ինչպես է գործում Եվրամիությունը, և ինչ ազդեցություն ունի այն ԵՄ անդամ երկրների նկատմամբ: Հայաստանը ԵՄ անդամ չէ, և, նույնիսկ, ասոցացման ճանապարհին չէ, սակայն, միևնույն է, Հայաստանի քաղաքացիների համար կարևոր է հասկանալ և գիտակցել, թե ինչպես է աշխատում ԵՄ-ն: Հայաստանի նկատմամբ ԵՄ ազդեցությունը բավականին մեծ է` այդ արտահայտության դրական իմաստով՚, - ընդգծել է Հայաստանում ԵՄ պատվիրակության ղեկավարը:
Դեսպանը նաև նշել է, որ Հայաստանի համար կարևոր է, որպեսզի Եվրամիությունը լինի հզոր, նշելով, որ վերջին տարիները բավականին ծանր էին կառույցի համար, հաշվի առնելով միջազգային ֆինանսական ճգնաժամը, փախստականների խնդիրը և ուկրաինական հարցը: Ընդ որում, նա համոզմունք է հայտնել, որ ծանր ժամանակներն արդեն հետևում են, և ԵՄ ապագան անամպ է: