


Արմինֆո. Հայաստանի նկատմամբ ՀԱՊԿ կողմից ճնշում չի եղել Վրաստանում ՆԱՏՕ զորավարժություններին մասնակցության հարցում: Լրագրողների հետ զրույցում այդ մասին հայտարարել է Հայաստանի ԶՈՒ գլխավոր շտաբի ղեկավար Մովսես Հակոբյանը: Մեկնաբանելով իր առաջիկա պաշտոնանկության վերաբերյալ ԶԼՄ հրապարակումները` Հակոբյանը հայտարարել է, որ դրանք ընդհանուր ոչինչ չունեն իրականության հետ:
Հիշեցնենք, որ Վրաստանի ՊՆ ներկայացուցիչները հայտարարել էին, թե Հայաստանը ՆԱՏՕ զորավարժություններին մասնակցելուց հրաժարվելու որոշում է կայացրել վերջին պահին` մյուս մասնակիցների համար անսպասելի, իսկ մինչ այդ հանրապետությունը հաստատել էր դրանց իր մասնակցությունը: Մինչդեռ Հայաստանի պաշտպանության նախարար Վիգեն Սարգսյանը հավաստրացրել է, որ հանրապետությունը զորավարժություններից մի քանի օր առաջ հաղորդել է մասնակցությունից հրաժարվելու մասին, և մինչ այդ, ընդհանրապես, չի հաստատել իր ներկայությունը զորավարժություններին:


