Հինգշաբթի, 31 Օգոստոսի 2017 17:36

Արմինֆո.«Լիդիանը Ինթերնեյշնլը» հրապարակել է ընկերության Կայուն զարգացման առաջին զեկույցը։ Այն վերաբերում է Ամուլսարի ծրագրին առնչվող բնապահպանական, սոցիալական, կառավարման և այլ կարևոր հարցերին։
 
Օգոստոսի 31-ին կայացել է Զեկույցի շնորհադեսը, ընկերության ղեկավարության, ՀՀ կառավարության, Հայաստանում հավատարմագրված դիվանագետների, միջազգային կազմակերպությունների և հասարակական կազմակերպությունների ներկայացուցիչների մասնակցությամբ:

 

Ողջույնի խոսքում «Լիդիան Արմենիայի» գլխավոր տնօրեն Հայկ Ալոյանը նշել է. «Այսօր հանքարդյունաբերության ոլորտը զուրկ է բարձր վստահությունից, և մենք մտադիր ենք այն նվաճել բաց ու թափանցիկ երկխոսության, դրսևորված պատասխանատվության և արդիանականացման անցկացման միջոցով»:

 

Իսկ զեկույցը ներկայացրել է «Լիդիան Արմենիայի» տնօրեն Արմեն Ստեփանյանը: Նրա ասելով, 2016 թվականին ընկերությանը հաջողվել է արձանագրել աննախադեպ ցուցանիշներ հողամասերի ձեռք բերման գործընթացում: «150 գրանցված հողատերերից գնվել է 278 մասնավոր հողակտոր` 296 հազար դոլար ընդհանուր գումարով», - հաղորդել է Ա.Ստեփանյանը: Խոսելով ընկերության ձեռքբերումների մասին` նա նշել է, որ անցյալ տարի արձանագրվել է չափազանց կարևոր ցուցանիշ` նախագծում հանքավայրի հարակից  համայնքներից աշխատուժի ներգրավում: Նրա ասելով, ընկերության ձեռք բերած 49% մակարդակը 20%-ով գերազանցել է ակնկալվող նշագիծը: Ներկայացված զեկույցի համաձայն, 306 մարդուց 150-ը  Ջերմուկի, Գնդեվազ, Սարավան և Գորայք գյուղական համայնքների բնակիչներ են: Պատասխանելով ԱրմԻնֆո-ի թղթակցի հարցին` նա նշել է, որ  մինչև 2018 թվականի վերջը ընկերությունը մտադիր է մինչև 1300 ավելացնել աշխատատեղերը:

 

Այդ առնչությամբ նա հավելել է, որ 2016 թվականի արդյունքներով «Լիդիան Արմենիան» շուրջ 1.1 մլն դոլար է վճարել իր աշխատակիցներին  որպես աշխատավարձ: Ա.Ստեփանյանն ուշադրություն է հրավիրել նաև այլ ֆինանսական ցուցանիշների: Մասնավորապես, նա հաղորդել է, որ նախորդ տարի ընկերությունը 1.5 մլն դոլար է վճարել հարկերի գծով: Հանքավայրում աշխատանքների նպատակով տրամադրված ծառայությունների և ապրանքների դիմաց վճարման ծախսերը կազմել են 395 հազար դոլար, իսկ 870 հազար դոլար ներդրումների տեսքով ուղղորդվել են հարակից համայնքներ:

 

«Հանքավայրի 10 տարի շահագործման ընթացքում երկրի ՀՆԱ-ում տարեկան «ներարկումները» կկազմեն շուրջ 120 մլն դոլար, ինչը համարժեք է Հայաստանի ՀՆԱ 1%-ինմ, ի լրումն ինչի 65 մլն դոլար անուղղակի ներդրումների տեսքով կմտնի տնտեսության այլ ոլորտներ», - ասել է նա:

 

Նախատեսված հետագա քայլերի թվում Ա.Ստեփանյանը նշել է արտադրական տրավմատիզմի հաճախության գործակցի 50% նվազեցմանը նպատակաուղղված աշխատանքները, որի մակարդակը տվյալ պահին 1,96% է: Միևնույն ժամանակ, նա կարևորել է նախագծի ներդրողներ EBRD և IFC պահանջներին հետևելը, որոնք վերաբերում են աշխատանքների կատարմանը, ընկերության գործունեության ակտիվացմանը Արդյունահանող ճյուղերի թափանցիկության նախաձեռնությանը միանալու և Ցիանիդների օգտագործման միջազգային օրենսդրության ինստիտուտի անդամության շրջանակում:

 

Ջերմուկ ազգային պարկի ստեղծման առնչությամբ Ա.Ստեփանյանը նշել է, որ նախնական հաշվարկների համաձայն, բնապահպանական նախագիծը կավարտվի մինչև 2021 թիվը, իսկ ներդրումները կկազմեն շուրջ 5.7 մլն դոլար:

 

Հիշեցնենք, որ Lydian Armenia-ն բրիտանական Lydian International-ի դուստր ընկերությունն է, որի բաժնետերերն են նաև ԱՄՆ, Մեծ Բրիտանիայի, մի շարք եվրոպական երկրների միջազգային ինստիտուցիենալ ներրդողներ, այդ թվում` IFC և EBRD: Ամուլսարի ոսկու հանքավայրի շահագործման նախագիծն այսօր Հայաստանում արդյունաբերական ամենախոշոր նախագիծն է, որի ընդհանուր արժեքը կազմում է 370 մլն դոլար: 2016 թվականի օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Ընկերության բաժնետոմսերը ցուցակված են Տորոնտոյի ֆոնդային բորսայում: Ամուլսարի հանքավայրն իր պաշարնորով երկրորդն է Հայաստանում: