Արմինֆո.«Մենք պետք է իմանանք սեփական պատմությունը», - համոզմունք է հայտնել «Ավրորա» մարդասիրական նախաձեռնության հիմնադիր Ռուբեն Վարդանյանը` մայիսի 28-ին «Ավրորա-2017» մրցանակի հանձնման արարողության ժամանակ:
«Ես մի քիչ անհարմար եմ զգում: 49 տարեկան եմ, բավականին հաջողակ մարդ եմ, սակայն ընդամենը երեք տարի առաջ, սկսելով այս նախաձեռնությունը, սկսեցի ծանոթանալ սեփական ժողովրդի պատմությանը, և որքան շատ եմ խորանում, այնքան ավելի եմ իմանում, սա միանգամայն նոր աշխարհ է: Ուստի` կարծում եմ, որ մենք պետք է իմանանք սեփական պատմությունը, դեմքով ճանաչենք մեր հերոսներին: Այսօր արդեն ունենք 300-ից ավելի պատմություններ մեծ գործեր կատարող մարդկանց մասին, որոնց մասին մարդիկ ոչինչ չգիտեն: Օրինակ` Քըրք Քըրքորյանը որքան բան է արել Հայաստանի համար` թե կենդանության օրոք, թե մահից հետո: Իսկ ինչ գիտեն Հայաստանում նրա բարեգործության մասին: Դե` ինչ-որ բան է արել ու վերջ: Նրա պատվին, նույնիսկ, փողոց չեն անվանակոչել», - ասել է մեկենասը: Ընդ որում` հավելել է, որ նախաձեռնությունն սկսելիս իրենք երեքն էին, իսկ այժմ տարեցտարի իրենց շարքերը համալրվում են նոր մարդկանցով, որոնք ցանկանում են ավանդ ներդնել առանց բռնության աշխարհի կառուցման գործում: Նա նաև հույս է հայտնել, որ ինչ-որ ժամանակ «Ավրորա» մրցանակը կվերանա, քանի որ այլևս մարդասիրական պարգևի անհրաժեշտություն չի լինի:
Վարդանյանը նաև ասել է, որ երազում է ինչ-որ ժամանակ «Ավրորա» մրցանակաբաշխության արարությունն անցկացնել Հալեպում` խաղաղ ժամանակ: Նա նաև հաղորդել է, որ «Ավրորան» որոշել է ստեղծել Վարդան Գրիգորյանի անվան հատուկ հիմնադրամ, որն զբաղվի հայ ժողովրդի պատմության ուսումնասիրմամբ:
«Ավրորա» մրցանակի համահիմնադիր Նուբար Աֆեյանն, իր հերթին, նշել է, որ երբ նախաձեռնությունը հիմնադրվում էր, ոչ մեծ նախագիծ էր, սակայն սկսել է աճել` ներգրավելով ավելի շատ մարդկանց: Նրա ասելով, այսօր «Ավրորան» սկսել է իրագործել ավելի տարբեր նախագծեր` նոր մասնակիցների ներգրավման շնորհիվ: «Մենք իրականացնում ենք տարբեր նախաձեռնություններ, օրինակ, սկսել ենք Պոտսդամի եկեղեցու վերակառուցումը, ի նշան երախտագիտության գերմանացի զինվորների, որոնք շատ հայերի կյանքեր են փրկել Երկրորդ համաշխարհային պատերազմի ժամանակ: Իրագորիծվում են մի շարք այլ տարբեր նախագծեր: Եվ այսօր մենք անցկացնում ենք մայիսի 28-ի արարողւոթյունը` Հայաստանի առաջին հանրապետության օրը, որը Ցեղասպանութհյունից երեք տարի անց հռչակեց անկախություն` դրանով իսկ ցուցադրելով իր տոկունությունը», - եզրափակել է Աաֆեյանը:
«Ավրորայի» երրորդ հիմնադիր Վարդան Գրիգորյանը նշել է, թե հպարտանում է, որ Ռուբենն ու Նուբարը կարողացել են վառել կրակը, որն այսօր տարածվել է աշխարհով մեկ: «Հուսով եմ, որ դուք բոլորդ կօգնեք մեզ այս մարդասիրական ակցիայի իրագործման գործում: Մենք հիշում ենք Հայոց ցեղասպանությունը, սակայն մտածում ենք մարդկության ապագայի մասին: Մեն պետք է արմատախիլ անենք բռնությունն ու սովը: Այնտեղ, որտեղ ես ծնվել եմ, Թավրիզում, անընդունելի է կնոջ և երեխայի վրա ձեռք բարձրացնելը», - եզրափակել է Գրիգորյանը:
«Ավրորա» մրցանակը գլոբալ պարգև է, որը հիմնադրվել է «Ավրորա» մարդասիրաան նախաձեռնության կողմցի և հանձնվում է մարդկային կյանքերի պահպանման և մարդասիրության գաղափարների առաջ մղման բնագավառում բացառիկ ծառայությունների համար: «Ավրորա-2017» մրցանակի դափնեկիր Թոմ Կատենան` 100 հազար դոլարի դրամաշնորհ է ստացել իր աշխատանքը շարունակելու և բարու էստաֆետը շարունակելու հնարավորության համար: Թոմ Կատենան ընտրել է երեք կազմակերպություն` Աֆրիկյան բժշկական առաքելություն հիմնադրամը (AMHF, ԱՄՆ). Aktion Canchanabury (Գերմանիա), Կաթողիկ բժշկական առաքելութեան խորհուրդ (ԱՄՆ CMMB)` 1 մլն դոլարի մարդասիրական պարգև ստանալու համար:
«Ավրորա-2017» մրցանակաբաշխության եզրափակիչ փուլ էին հասել Ֆարտուն Ադանը, Իլվադ Էլմանը, Թոմ Կաթենան, Դենիս Մուկվեգեն Ջամիլա Աֆղանին, Մուհամմադ Դարվիշը:
Քաղաքագետ. Հայաստանում իրավիճակը փոխելու միակ հնարավորությունը վաղաժամկետ խորհրդարանական ընտրությունների անցկացումն է
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
