Արմինֆո. Ամերիաբանկը 2017 թվականի արդյունքներով ճանաչվել է Հայաստանի լավագույն բանկը, Global Finance ամենամսյա լրագրի վարկածով:
Այդ մրցանակը Global Finance ամսագրի կողմից Ամերիաբանկին շնորհվում է ամեն տարի, սկսած 2012 թվականից: Ինչպես ԱրմԻնֆո գործակալությանը տեղեկացվել է «Global Finance»-ի խմբագրությունից, Ամերիաբանկը ճանաչվել է Ասիա-Խաղաղօվկիանոսյան տարածաշրջանի լավագույն բանկերից մեկը: Մրցանակաբաշխության արարողությունը տեղի կունենա այս տարվա հոկտեմբերի 14-ին, Վաշինգտոնում, ՀԲ և ԱՄՀ տարեկան ժողովի ընթացքում: Մինչ այդ, Global Finance-ի մայիսյան համարում կհրապարակի հաղթողների վերաբերյալ հաշվետվություններն ավելի քան 150 երկրներից`Աֆրիկայից, Ասիայի և Խաղաղօվկիանոսյան, Կենտրոնական և Արևելյան Եվրոպայի, Լատինական Ամերիկայի, Մերձավոր Արևելքի, Հյուսիսային Ամերիկայի և Արևմտյան Եվրոպայի երկրներից: Մայիսի հաշվետվությունը կպարունակի նաև ԱՄՆ լավագույն բանկերի, ինչպես նաև լավագույն բանկերի ցանկն ըստ տարածաշրջանների:
Ի Ասիա-Խաղաղօվկիանոսյան տարածաշրջանում Ամերիաբանկի հետ միասին ընդգրկված են`PASHA Bank (Ադրբեջան), JSC Halyk Bank (Ղազախստան), Kyrgyz Investment and Credit Bank (Ղրղզստան), ICBC (Չինաստան), Mizuho (Ճապոնիա): Իսկ Belarusbank (Բելառուս) և TBC Georgia (Վրաստան) գտնվում են Կենտրոնական և Արևելյան Եվրոպայի հաղթողների ցանկում:
Ըստ աղբյուրի, հաղթողներն ընտրվել են հետևյալ չափանիշների հիման վրա`ակտիվների աճ, բիզնեսի շահութաբերություն, աշխարհագրական ծածկույթ, ռազմավարական կապեր, բիզնեսի զարգացման հեռանկարներ, արտադրանքի նորարարություն: Դիտարկվող գործոնները տատանվում են քանակական ցուցանիշներից մինչև տեղեկատվական իրադարձություններ: Հաշվի է առնվել նաև վերլուծաբանների կարծիքը արժեթղթերի, վարկային վարկանիշի առումով, ինչպես նաև բանկային խորհրդատուների և բանկային ոլորտում ներկայացուցիչների կարծիքները:
«Global Bank Awards տարեկան մրցանակները Global Finance-ից ստանում են այն ֆինանսական հաստատությունները, որոնք հաջողության են հասել հաճախորդներին ապրանքներ և ծառայություններ մատուցելիս, ըստ նրանց պահանջների», - հայտարարել է Global Finance ամսագրի հրատարակիչ և խմբագիր Ջոզեֆ Դ Ջաարրապուտոն, նշելով, որ այդ բանկերը ոչ թե ամենախոշորն ու ամենահինն են, այլ ամենաակտիվն են և լավ հարմարեցված տնտեսական միջավայրում»:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, 2016 թվականին Ամերիաբանկի ակտիվներն աճել են 39.2%, մինչև 718.3 մլրդ դրամ կամ $ 1.5 մլրդ, շնորհիվ վարկային պորտֆելի 61.4% աճի և պետական պարտատոմսերում կատարած 44.2% ներդրումների: Արդյունքում, բանկի վարկավորման ծավալը կազմել է 511.6 մլրդ դրամ կամ $ 1.1 մլրդ, իսկ ներդրումները պետական պարտատոմսերում`47.5 մլրդ դրամ կամ $ 98.1 մլն, Բանկի ընդհանուր կապիտալը 2016-ին աճել է 8.6%, մինչև 64.4 մլրդ դրամ կամ $ 133,1 մլն, հիմնականում կուտակված շահույթի 23.4% աճի, մինչև 24.3 մլրդ դրամ կամ $50.1 մլն., շնորհիվ: Ամերիաբանկը 2016 թվականը եզրափակել է 6,2 մլրդ դրամ կամ $ 12.8 մլն զուտ շահույթով, տարեկան աճը`29.2%: Բանկի նորմատիվային ընդհանուր կապիտալը 2017 թվականի հունվարի 1-ին հասել է 81.9 մլրդ դրամի, ինչը գրեթե 3 անգամ ավելի բարձր է ԿԲ կողմից պահանջվող նորմատիվից: Կապիտալի համարժեքության նորմատիվը 2016-ին կազմել է 15.87% (պահանջվողը`12%), իսկ ընդհանուր իրացվելիության նորմատիվը`31,23% (պահանջվողը`15%), ընթացիկ իրացվելիության նորմատիվը`133,17% (պահանջվողը`60 %), նախորդ տարվա, համապատասխանաբար` 15.07%, 29.91% և 151.26% համեմատ:
Նշենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: Ամերիաբանկն առաջարկում է բանկային ներդրումային ծառայությունների ամբողջական փաթեթ, մասնավորապես, պարտքի և բաժնետիրական կապիտալի ներգրավում, արժեթղթերի անդարրայթերի և մարկետմեյքերի ծառայություններ շուկայի ընդհանուր վերլուծություն: Բանկը տրամադրում է նաև M & A ծառայություններ, ներառյալ գնահատում, բաժնետերերի խորհրդատվություն առքի / վաճառքի ընթացքում, ռազմավարական ներդրումների ներգրավում և այլ կորպորատիվ ֆինանսական ծառայություններ: 2017 թվականից Բանկի բաժնետերերն են` Ameria Group CY ՍՊԸ – 65.8%, ՎԶԵԲ - 20,7%, ESPS Holding Limited - 13,5%: Հատուկ մրցանակներն են`Euromoney-ից (2016 թ., 2014 թ., 2012 թ., 2011 թ.), Global Finance-ից (2016 թ., 2015 թ., 2013 թ., 2012 թ.), Tհe Banker / FT (2016 թ., 2015 թ., 2013 թ., 2010):
Հիշեցնենք, որ ամենամսյա «Global Finance» ամսագիրը, որը հրատարակվում է 1987 թվականից, այսօր ունի ավելի քան 50 հազ. Բաժանորդ`192 երկրներում: Պարբերականը վերլուծում է հիմնական ֆինանսական ցուցանիշներն ավելի քան 192 երկրներում: Ամսագրի թիրախ լսարանը խոշոր մասնավոր և հանրային ֆինանսական հաստատությունների ղեկավարներն ու ներկայացուցիչներն են: Արդեն 17 տարի է, որ Global Finance-ն ընտրում և առաջադրում է զարգացող երկրների հաղթող բանկերին: Ամսագրի զեկույցը վերաբերվում է Լատինական Ամերիկայի, Կենտրոնական և Արևելյան Եվրոպայի, Ասիայի, Խաղաղօվկիանոսյան, Մերձավոր Արևելքի և Աֆրիկայի լավագույն բանկերին: