Հարցազրույց ՀՀԿ վարկանիշային ցուցակով պատգամավորության թեկնածու Տիգրան Արզաքանցյանի հետ
- Պ-ն Արզաքանցյան, երկար ժամանակ է ինչ Դուք դուրս եք մնացել քաղաքական պրոցեսներից, ու առանձնակի ակտիվություն չէիք ցուցաբերում, ո'չ քաղաքական, ո'չ տնտեսական ոլորտներում: Ի՞նչը ստիպեց բացել փակած էջը
Ես գործող ՀՀ Ազգային ժողովի պատգամավոր չեմ առաջադրվել, սակայն քաղաքականությունից չեմ հեռացել: Մնացել եմ Հանրապետական կուսակցության խորհրդի կազմում եւ ներգրավված եմ եղել կուսակցական աշխատանքներում: Այն բոլոր խոստումները, որ տվել էր ՀՀ կառավարությունը, իմ տարածաշրջանում իրականացվել են: Կառուցապատվել է քաղաքի հրապարակը, վերանորոգվել է արվեստի դպրոցը եւ հիմնովին կառուցվել է Գավառի թատրոնի շենքը:
Տարբեր սոցիալական ծրագրեր են իրականացվել գյուղական համայնքներում: Սակայն անելիքներ դեռ շատ կան: Պատգամավորական մանդատը, որին ձգտում եմ, ինքնանպատակ չէ, ունեմ բազմաթիվ ծրագրեր, որոնք պատրաստվում եմ կյանքի կոչել: Ինը տարվա պատգամավորական փորձը եւ իմ հնարավորությունները կօգնեն ինձ հասնել իմ նպատակին: Մտահոգված իմ հայրենիքի ապագայով եւ իմ տարածաշրջանի խնդիրներով՝ ուզում եմ դառնալ պատգամավոր եւ իմ հզոր կուսակցության հետ միասին ավարտել կիսատ թողած գործերը»,- մեզ հետ զրույցում ասաց թիվ ութ ընտրական տարածքում (Գեղարքունիքի մարզ) ՀՀԿ վարկանիշային ցուցակով պատգամավորության թեկնածու Տիգրան Արզաքանցյանը
-Ո՞րն է ամենամեծ խնդիրը, որ պիտի լուծվի օր առաջ:
– Ամենամեծ խնդիրն աշխատատեղերի բացակայությունն է: 1997 թվականից ու մինչ օրս Հայաստանի տարբեր շրջաններում ստեղծել եմ 500-ից ավելի աշխատատեղեր: Իմ առաջ խնդիր եմ դրել աշխատատեղեր ստեղծել նաեւ իմ հայրենի օրրանում՝ Գեղարքունիքի մարզում: Արտաշատում գործող սպիրտի վերամշակման գործարանը մտադիր եմ տեղափոխել Գավառ, օգտագործել տեղական հումքը՝ ցորենը վերամշակել եւ արտադրել օղի, որը կսպառվի եւ մեր երկրում, եւ արտերկրում: Գավառի, Մարտունու, Վարդենիսի քաղաքապետերի հետ պայմանավորվածություն կա հողեր տրամադրել գյուղացիներին, զարգացնել ցորենի արտադրությունը: Այդ նպատակով պատրաստ եմ նաեւ 25-30 տոկոս կանխավճար տրամադրել սերմացու ձեռք բերելու համար: Հետագայում մտադիր եմ ընդլայնել արտադրությունը, օգտագործելով տեղական հումքը՝ չիչխան, մասուր, ուրց, արտադրել բարձրորակ հյութեր: Այս նպատակով մանկավարժների հետ հանդիպման ժամանակ առաջարկել եմ օգտագործել աշակերտների ուժերը, ամառային արձակուրդների ժամանակ նրանք նույնպես կարող են հավաքել բնության այդ պարգեւները եւ վարձատրվել դրա դիմաց: Իսկ սպառման շուկան ես կարող եմ ապահովել մոտ 22 երկրներում: Ես համոզված եմ, որ մեզ այս գործում կաջակցի ՀՀ կառավարությունը՝ ի դեմս վարչապետի, որը հովանավորում եւ զարկ է տալիս արդյունավետ բիզնես-ծրագրերին:
– Ասացիք, որ ՀՀԿ-ն շատ գործեր է արել, բայց մարդիկ հասցրել են հիասթափվել, քանի որ ՀՀԿ-ն ավելի շատ խոստումներ է տվել, քան գործ արել: Ինչպե՞ս կբացատրեք դա:
– Ամբողջ աշխարհում բռնկված տնտեսական ճգնաժամը չէր կարող իր բացասական ազդեցությունը չունենալ մեր երկրի զարգացման վրա: Լինելով պատերազմող երկիր, գտնվելով շրջափակման մեջ՝ մենք ստիպված ենք մեր բոլոր ուժերը կենտրոնացնել երկրի պաշտպանության համար: Հեշտ չէ այս պայմաններում զարգացնել տնտեսությունը, զրկված երկաթուղիներից, ծովային ճանապարհներից՝ տասնապատիկ ավելանում են տրանսպորտային ծախսերը: Եթե մեր մուսուլման հարեւանները չփակեին մեր սահմանը, նույնիսկ Եվրոպայից էժան գնով կարող էինք ապրանքներ ներկրել Հայաստան: Այս տեսակետից շատ խորիմաստ է ՀՀԿ-ի նախընտրական կարգախոսը՝ «Անվտանգություն եւ առաջընթաց»:
– Արդյոք տեսնո՞ւմ եք պատերազմի վտանգ:
– Քանի դեռ կա զինադադար եւ չկա պայմանագիր, այդ վտանգը միշտ առկա է: Հզորացնելով բանակը, վերազինելով այն՝ մենք կանխում ենք պատերազմի վտանգը:
– Դուք դրվատանքով խոսեցիք ՀՀԿ-ի կատարած աշխատանքների մասին, բայց իրականում ժողովրդի վիճակը ծանր է:
– Ես բացատրեցի դրա հիմնական պատճառը: Այսօր ճգնաժամից ցնցված են աշխարհի գերտերությունները՝ իրենց հսկայական ռեսուրսներով: Եվ վերջապես՝ ոչ մի երկրում ժողովուրդը գոհ չէ կառավարող իշխանություններից: Նամանավանդ ճգնաժամի պայմաններում: Նույնիսկ ՌԴ-ի նման հզոր երկրի ծայրամասերում մեծ դժվարությամբ են մարդիկ իրենց հացը վաստակում:
– Կարծիք կա, որ Հայաստանի տնտեսությունն անկում ապրեց, որովհետեւ ԵԱՏՄ-ին անդամակցեցինք, մինչդեռ ԵՄ-ի հետ մեր ապագան կապելով` ավելի արագ կզարգանայինք:
– Մի՞թե պատմության դասերը բավարար չեն մեզ՝ հասկանալու, որ Եվրոպան մեզ համար ամենաճակատագրական պահերին թիկունք է դարձրել: Ես գտնում եմ, որ ընդհակառակը՝ պետք է ավելի ամրապնդել կապերը մեր հյուսիսային հարեւան Ռուսաստանի հետ: Հասնել այն բանին, որ ավելի մեծանան Ռուսաստանից կատարվող ներդրումների ծավալները: Մենք էլ մեր հերթին մեր արտադրանքը պետք է արտահանենք ռուսական շուկա:
-Մամուլում հրապարակումներ եղան, որ նախագահն անձամբ է համոզել, որ վերադառնաք քաղաքականություն, այդ ընտրատարածքում ՀՀԿ-ի դիրքերը ամուր չէին: Նաեւ ասվում է, որ նախագահը խոստացել է կարգավորել սնանկացման եզրին գտնվող «Պռոշյանի կոնյակի գործարանի» հարցերը:
– Ես այդ մասին մամուլում եմ կարդացել: Հավաստիացնում եմ, որ նախագահն ինձ համոզելով չի բերել: Իմ հարազատ կուսակցությունն է առաջարկել, եւ ես ուրախությամբ ընդունել եմ առաջարկը՝ հպարտ այդ վստահության համար: Խնդրանքս ձեզ, հարգելի լրագրողներ, տպագրել միայն ճշտված տեղեկություններ: Ես ձեզ շատ եմ հարգում, բայց չեմ կարող հաշտվել սուտ լրատվության հետ:
– Այն ընտրատարածքում, որտեղ Դուք եք առաջադրվել, լարված պայքար է սպասվում ՀՀԿ-ականների միջեւ: Ձեր մրցակիցները Ձեր կուսակիցնե՞րն են:
– Մեր մարզում նախընտրական աշխատանքները շատ ճկուն ձեւով համակարգում է մարզպետը: Շատ հաճախ մենք հանդիպում ենք, ոչ մի լարվածություն չկա, եւ հույս ունեմ, որ չի էլ լինելու, իսկ ով փորձի լարվածություն ստեղծել, կստանա իր համարժեք պատիժը:
– Հայաստանում բիզնես ունեք, դրսում՝ եւս. Տիգրան Արզաքանցյանը շատ զբաղված մարդ է, ինչպե՞ս եք հասցնելու օրենսդիր աշխատանքով զբաղվել:
– Ես ունեմ հզոր թիմ եւ որակյալ մասնագետներ: Այն ղեկավարում է իմ որդին, որը վերջերս է գերազանցությամբ ավարտել Օքսֆորդի համալսարանը: Իմ բիզնեսները կղեկավարի Նոյ Արզաքանցյանը, ես էլ իմ խորհուրդներով կօգնեմ նրան:
– Դուք նաեւ բարեգործական ծրագրեր եք իրականացնում:
– Շուրջ 15 տարի գործում է իմ բարեգործական «Տիգրան Արզաքանցյան» հիմնադրամը: Այն գործել է իմ պատգամավորության տարիներին եւ նույնիսկ այն ժամանակ, երբ ես պատգամավոր չէի: Եվ իր գործունեության ընթացքում բազմաթիվ ծրագրեր է իրականացրել: Դա ապաքաղաքական գործունեություն է, իմ անձնական նախաձեռնությունն ու ցանկությունը: Ես բարեգործություն անելուց մեծ հաճույք եմ ստանում: Հիմնադրամը ղեկավարում է մայրս՝ մշտապես խորհրդակցելով ինձ հետ: Օգնում ենք ուսումնական հաստատություններին, բազմազավակ ընտանիքներին, պատերազմի մասնակիցներին, իրականացնում մշակութային միջոցառումներ: Շուտով կգործի «Տիգրան Արզաքանցյան» բարեգործական հիմնադրամի պաշտոնական կայքը, որտեղ հնարավոր կլինի ծանոթանալ մեր կողմից 15 տարվա ընթացքում կատարված եւ կատարվելիք աշխատանքներին:
– Ո՞րն է ամենակարեւոր ծրագիրը, որն իրականացրել է հիմնադրամը:
– Բոլորն էլ ինձ համար շատ կարեւոր են, սակայն ես առանձնապես հաճույք եմ ստանում Գիտելիքի օրվան ընդառաջ` յուրաքանչյուր սեպտեմբերի 1-ին Գավառի եւ հարակից 17 համայնքների առաջին դասարանցիներին «Տիգրան Արզաքանցյան» բարեգործական հիմնադրամի կողմից տրամադրել պայուսակներ եւ գրենական պիտույքներ: Ակցիան իրականացնում է մայրս, շատ հաճախ ես մեծ հաճույքով ուղեկցում եմ նրան: Ինձ շատ ուրախացրեց այն փաստը, որ 2014 թվականին որդիս` Նոյը, սեփական միջոցներով վերանորոգեց եւ կահավորեց Գավառի հատուկ դպրոցի դասասենյակներից մեկը` երեխաների առօրյան ավելի պայծառ ու արդյունավետ դարձնելով: Ես շատ կարեւորում եմ նաեւ հիմնադրամի կողմից 2008 թվականին հայոց բանակին ուղղված ծրագիրը, որի շրջանակներում 15 միլիոն դոլար փոխանցվեց բանակի կարիքները հոգալու համար: Բանակն է մեր պետության եւ պետականության երաշխավորը: Դա եւս մեկ անգամ ապացուցվեց ապրիլյան քառօրյա պատերազմի օրերին: Ունենալով հզոր բանակ եւ զարգացած տնտեսություն՝ մենք կստիպենք ամբողջ աշխարհին հաշվի նստել մեզ հետ:
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
