Արմինֆո. Այն, որ Ռուսաստանն ու Վրաստանը, ըստ երևույթին, լրջորեն ձեռնամուխ են եղել առևտրատնտեսական հարաբերությունների հաստատման և զարգացման ուղիների որոնմանը, այդ ոլորտի որոշումները չշաղկապելով Աբխազիայի և Հարավային Օսիայի կարգավիճակի հարցի քաղաքական կարգավորման, ինչպես նաև նրանց տարածքներում ռուսական զորքերի առկայության հետ, չափազանց ուշագրավ է: ԱրմԻնֆո-ին այդպիսի կարծիք է հայտնել անկախ վերլուծաբան, ԼՂՀ նախկին արտգործնախարար Արման Մելիքյանը:
Փետրվարի 8-ին Ռուսաստանի փոխարտգործնախարար Գրիգորի Կարասինը հայտարարել է, թե Վրաստանով նոր տարանցիկ միջանցք բացելու համար մնացել է վերջին, ամենադժվար քայլը, ընդգծելով, որ 2011 թվականի համաձայնագրերի իրագործմամբ շահագրգռված են ոչ միայն Ռուսաստանն ու Վրաստանը, այլև` Հայաստանը:
«Այդ ուղղությամբ փոխըդնունելի լուծումներ գտնելն, անկասկած, ձեռնտու կլինի բոլոր շահագրգիռ կողմերի համար, քանզի կնվազեցնի մի կողմից` Ռուսաստանի, Աբխազիայի և Հարավային Օսիայի և, մյուս կողմից` Վրաստանի միջև հարաբերություններում առկա ընդհանուր ռազմաքաղաքական լարվածության մակարդակը», - նշել է նա:
Վերլուծաբանը նաև կարծում է, որ այդ սցենարի իրագործումը կխթանի ողջ Մեծ Կովկասի տարածաշրջանի տնտեսական կյանքի աշխուժացումը և, վաղ թե ուշ, կարող է խթան հաղորդել Ռուսաստանից դեպի Իրան բեռների միջանցիկ փոխադրմանը Վրաստանով և Հայաստանով տարանցմամբ` ՌԴ ԱԳՆ ներկայացուցչի նախանշած բոլոր երեք երթուղիներով:
Կարասինը հայտարարել է երեք միջանցքների գործարկման հնարավորությունը քննարկելու մասին: Դրանցից մեկն սկսվում է Սոչիի մոտից և, անցնելով Աբխազիայով, ավարտվում Զուգդիդում: Երկրորդն սկսվում է Հյուսիսային Օսիայի Նար գյուղի մոտ և, անցնելով Հարավային Օսիայով, ավարտվում է Գորիում, իսկ երրորդը` Կազբեգի հսկիչ անցակետից Վերին Լարս:
«Մեզ, իհարկե, առաջին հերթին, պետք է հետաքրքրի երկաթուղային տարանցման բացումն Աբխազիայով, քանի որ այդ դեպքում Հայաստանի ադրբեջանաթուրքական շրջափակման աքցանը, եթե լիովին չչեզոքացվի, ապա, գոնե, զգալիորեն կթուլանա», - ամփոփել է վերլուծաբանը:
ՌԴ ԱԳ փոխնախարար Գրիգորի Կարասինի և Վրաստանի վարչապետի Մոսկվայի հետ կապերի գծով հատուկ ներկայացուցիչ Զուրաբ Աբաշիձեի Պրահայում կայացած հանդիպումն ավարտվել է «Առևտրային միջանցքների մասին» 2011 թ. պայմանագիրը կյանքի կոչելու վերաբերյալ որոշմամբ: Կարասինը, մասնավորապես, հաղորդել է «գործնական բնագավառում լուրջ առաջընթացի» մասին:
Նրա հավաստմամբ, կողմերը որոշել են քննարկել միայն այն հարցերը, որոնք, սկզբունքորեն, կարելի է լուծել «առանց անցնելու կարմիր գծերը»՝ Աբխազիայի և Հարավային Օսիայի կարգավիճակը, ինչպես նաև դրանց տարածքում ռուսական զորքերի առկայությունը: Նման համակարգը կողմերին թույլ կտա շրջանցել սահմանին բեռների մաքսային ձևակերպման նրբանկատ հարցը, ինչպես նաև գործարկել Հարավային Օսիայով անցնող ավտոմայրուղին, ինչը հատկապես կարևոր է Հայաստանի համար, քանի որ երկիրը Ռուսաստանի հետ կապող Ռազմավիրական ճանապարհը հաճախ փակվում է եղանակային պայմանների պատճառով:
Կարծիք․ Ջերմուկի ծոցում Ամուլսարի բացումը էկոլոգիական աղետի մեկնարկ է Հայաստանում
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Ադրբեջանագետ. Մինչ Ադրբեջանն իր սերնդին պատրաստում է պատերազմի, Ալիևի օգնականը կոչ է անում Հայաստանին պատրաստել հայ հասարակությանը «խաղաղության»
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
