Արմինֆո. Հայաստանի իշխանությունները կշարունակեն կոռուպցիայի դեմ հետևողական պայքարը. արդեն հստակ քայլեր են ձեռնարկվել տարբեր ոլորտներում, որոնց արդյունքն ակնհայտ կդառնա մոտ ապագայում: Այդ մասին ԱրմԻնֆո-ի թղթակցի հետ զրույցում հայտարարել է ԱԺ պետաիրավական հարցերի հանձնաժողովի ղեկավար Հովհաննես Սահակյանը՝ անդրադառնալով մարդու իրավունքների պաշտպանության և կոռուպցիայի դեմ պայքարի հարցերում Հայաստանում ԱՄՆ դեսպան Ռիչարդ Միլսի քննադատությանը:
«Կոռուպցիայի դեմ պայքարի գործընթացը նոր խթան ստացավ արմատական փոփոխությունների անհրաժեշտության վերաբերյալ նախագահ Սերժ Սարգսյանի և վարչապետ Կարեն Կարապետանի ելույթներից հետո: Նախաձեռնվել են մի շարք օրենսդրական փոփոխություններ: Բացի այդ, փոխվել է մթնոլորտը. ինչպես կառավարությունը, այնպես էլ հասարակությունն ավելի անհանդուրժող են դարձել կոռուպցիայի և բացասական այլ երևույթների հանդեպ»,- ընդգծել է նա: Ըստ որում, Սահակյանը նշել է, որ նախօրեին Հայաստանում ԵՄ պատվիրակության ղեկավար Պյոտր Սվիտալսկին նույնպես նշել է կոռուպցիայի և բացասական այլ երևույթների դեմ պայքարում իշխանությունների մտադրությունների լրջությունը: «Արդեն մի շարք բարեփոխումներ են իրականացվել մաքսային և հարկային ոլորտներում, որտեղ մեծ են կոռուպցիոն ռիսկերը: Մենք հետևողական ենք այդ հարցում, և եթե բողոքներ լինեն, որոնք անպատասխան կմնան, լիազոր կառույցները պատասխանատվություն կկրեն»,-ընդգծել է քաղաքական գործիչը:
Սահակյանը նշել է նաև, որ բարեփոխումներ են իրականացվում դատաիրավական ոլորտում: Նա ընդգծել է, որ տեղի են ունեցել կադրային փոփոխություններ, իրականացվել են ոստիկանության, ԱԱԾ, դատախազության գործունեության արդյունավետության բարձրացմանն ուղղված ծրագրեր:
Անդրադառնալով Երևանում հուլիսյան իրադարձությունների ժամանակ ցուցարարների նկատմամբ անհամաչափ ուժ կիրառելու վերաբերյալ դեսպանի քննադատությանը՝ պատգամավորն ընդգծել է, որ հարուցվել են գործեր, քննություն է ընթանում, և եթե ոստիկաններն անհամաչափ ուժ են կիրառել կամ նրանց գործողություններն անհիմն են եղել, նրանք պատասխանատվության կենթարկվեն: «Այդպիսին է գործընթացների ընթացքը ժողովրդավարական երկրներում, իսկ դեսպաններն իրենց մտահոգությամբ և օբյեկտիվ գնահատականներով միայն կարող են օգնել»,- ընդգծել է նա:
Խոսելով «սահմանադրական հանրաքվեի ժամանակ մտահոգություն հարուցող պահերի» առնչությամբ դեսպանի դիտարկմանը՝ Սահակյանը հայտարարել է, որ բարեփոխումների գործընթացը մանրամասն քննարկվել է: «Քննարկումներ են անցկացվել քաղաքացիական հասարակության ներկայացուցիչների և մասնագետների հետ, որոնց արդյունքների համաձայն՝ համապատասխան փոփոխություններ են կատարվել տեքստում: Մենք քարոզարշավ անցկացնելու հնարավորություն ենք ընձեռել «Ոչ»-ի ճակատին, այսինքն՝ արվել է ամեն բան, որպեսզի գործընթացն արտացոլի հասարակությունում առկա իրական պատկերը»,- ընդգծել է նա:
Սահակյանն անդրադարձել է նաև դեսպանի հայտարարությանը, թե ահազանգեր կան խորհրդարանական ընտրությունների նախաշեմին ԶԼՄ-ների ներկայացուցիչների նկատմամբ ճնշում գործադրելու մասին: «Նախընտրական շրջանում հարկավոր է զգույշ լինել նման հայտարարություններ անելիս. պետք է բերել կոնկրետ օրինակներ կամ զերծ մնալ մեղադրանքներից»,- եզրափակել է հանրապետականը:
Նշենք, որ նախօրեին մամուլի ասուլիսի ժամանակ Հայաստանում ԱՄՆ դեսպան Ռիչարդ Միլսը, մասնավորապես, հայտարարել էր, որ վեջին 15 ամիսների ընթացքում Հայաստանում ԱՄՆ դեսպանությունն անհանգստության տեղիք տվող միտումների է ականատես եղել ժողովրդավարական հաստատությունների, մարդու իրավունքների ու քաղաքացիական հասարակության ամրապնդման ոլորտում: «Վերջերս մենք լսում ենք լրատվամիջոցների ու քաղաքացիական հասարակության վրա ճնշումները մեծացնելու մասին ակնարկներ, որոնք, կարծես թե, միտված են ազատ արտահայտվելու իրավունքի սահմանափակմանը և գարնանը կայանալիք խորհրդարանական ընտրություններին ընդառաջ լրատվամիջոցներում քննադատական դիրքորոշումները մեղմելուն»,- ասել է դեսպանը: Նա կրկին բարձրացրել է «Հայաստանի ազգային անվտանգության ապահովման հարցերում կոռուպցիայի քայքայիչ ազդեցության» հարցը: Բացի այդ, դեսպանը մտահոգութուն է հայտնել հուլիսի 29-30-ը անզեն ցուցարարների ու լրագրողների նկատմամբ ոստիկանության կողմից ուժի անհամաչափ կիրառման մասին հաղորդումների առնչությամբ: «Մեզ մտագոհում է նախնական կալանքի կիրառումը ցույցերին մասնակցություն ունեցած և զինված խմբին ոչ-ուժային աջակցություն ցույց տալու մեջ կասկածվող մի շարք մեղադրյալների նկատմամբ, ովքեր առնչություն չեն ունեցել գնդի տարածքի գրավման կամ ոստիկանների մահվան հետ: Ուզում եմ հստակեցնել, որ այս գործերին ես անդրադարձ կատարելով նպատակ չունեմ որևէ դատողություն անել նրանց մեղավոր կամ անմեղ լինելու վերաբերյալ, այլ ուզում եմ սոսկ շեշտադրել, որ նախնական կալանքը պետք է ամուր ու լիովին թափանցիկ իրավական հիմնավորում ունենա»,- հայտարարել է դիվանագետը: ԱՄՆ դեսպանը նշել է նաև, որ մտահոգության առիթ է հանդիսացել նաև անցած տարվա դեկտեմբերին կայացած սահմանադրական հանրաքվեն:
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
