Արդշինբանկի զուտ շահույթը 2016 թվականին աճել է 2.3 անգամ, մինչև 9,4 մլն.դոլար, ամրապնդելով բանկին առաջատարների եռյակում

Արմինֆո.Արդշինբանկի զուտ շահույթը 2016 թվականին ավելացել է 2.3 անգամ, մինչև 4.6 մլրդ դրամ կամ $ 9.4 մլն, ամրապնդվելով առաջատարների եռյակում: Դրա շնորհիվ բանկի կուտակված շահույթն աճել է 16,8%, մինչև 29,9 մլրդ դրամ, դրանով իսկ ընդհանուր կապիտալը մեծացնելով 11.6%, մինչև 54 մլրդ դրամ: Ըստ ԱրմԻնֆո գործակալության` Հայաստանի Բանկերի Էքսպրես Ռենկինգի տվյալների, զուտ շահույթի նման աճ Արդշինբանկին հաջողվեց ապահովել վարկավորման զգալի աճի և պետական ​​պարտատոմսերում կատարած ներդրումների շնորհիվ: Մասնավորապես, վարկային պորտֆելը հաշվետու տարվա ընթացքում ավելացել է 23%, մինչև 337.7 մլրդ դրամ, իսկ ներդրումները պետական ​​պարտատոմսերում`37.7 մլրդ.դրամ: Բացի այդ, բանկը 71.4% ավելացրել է կանխիկ դրամական միջոցները, մինչև 106,8 մլրդ. դրամ, իսկ դրան զուգահեռ զգալիորեն` 3.6 անգամ կրճատել բանկերի և այլ ֆինանսական կազմակերպությունների վարկավորումը, մինչև 4.8 մլրդ դրամ: Արդյունքում, բանկի ակտիվները 2016-ին աճել են 26%, մինչև 504.7 մլրդ դրամ:

Արդշինբանկի ընդհանուր պարտավորությունները 2016 թ. աճել են 28%, մինչև 450.7 մլրդ դրամ, հիմնականում հաճախորդների ժամկետային և ցպահանջ ավանդների 22.9% աճի հաշվին, մինչև 250.8 մլրդ դրամ, ինչպես նաև բանկերից և այլ ֆինանսական կազմակերպություններից ներգրավված միջոցների 62.4% աճի հաշվին, մինչև 147.3 մլրդ դրամ: Դրան զուգահեռ, բանկի պարտավորությունների կառուցվածքում 10.5% նվազել են մուտքերը սեփական կորպորատիվ պարտատոմսերի թողարկումից, մինչև 49.5 մլրդ դրամ:

Բանկի ընդհանուր կապիտալի կառուցվածքում կուտակված շահույթի մասնաբաժինը 2016 թվականին ավելացել է` 52.8%-ից մինչև 55.4%, իսկ կանոնադրական կապիտալը նվազել է 39,3% -ից մինչև 36,3%: Կանոնադրական կապիտալը բանկն ավելացրել էր 2014 թվականին,  26,6%, մինչև 19.6 մլրդ դրամ (ներառյալ էմիսիան), պահպանելով այդ մակարդակում առաջիկա երկու տարիներին: Բանկի նորմատիվային ընդհանուր կապիտալը 2016 թվականին աճել է 13%, մինչև 45,1 մլրդ դրամ, ինչը 50.3% ավելի է, 2017-ին ուժի մեջ մտած նորմատիվային 30 մլրդ դրամից: Բանկի կապիտալի համարժեքության նորմատիվը 2017 թվականի հունվարի 1-ին կազմել է 13,06% (պահանջվող նվազագույն նորմատիվը`12%), ընդհանուր իրացվելիության նորմատիվը`26,28% (պահանջվող նվազագույնը`15%), իսկ  ընթացիկ իրացվելիության նորմատիվը կազմել է 176 44% (պահանջվող նորմատիվը`60%), 2016 թվականի հունվարի 1-ին արձանագրված, համապատասխանաբար`13.25%, 23.97% և 179.61% փոխարեն:

Ըստ Արմինֆո գործակալության` Հայաստանի Բանկերի Էքսպրես Ռենկինգի, «Արդշինբանկ» ՓԲԸ (մինչև 2014 թ. նոյեմբերը - Արդշինինվեստբանկ) հիմնադրվել է 2003 թվականին: Ներկայումս Արդշինբանկը, հաշվի առնելով 2016-ի դեկտեմբերին Առէքսիմբանկ-Գազպրոմբանկի խմբի հետ միավորվելը, ունի 72 մասնաճյուղ (16-ը Առէքսիմբանկից) և ներկայացուցչություն Փարիզում: Միավորման արդյունքում Արդշինբանկի մասնաճյուղերի թվով դարձավ շուկայի առաջատարը: Իր հաշվեկշռային հիմնական ցուցանիշներով Արդշինբանկը գտնվում է Հայաստանի առաջատար բանկերի եռյակում: Բանկի բաժնետերերն են`«Բիզնես ներդրումների կենտրոն» - 97,52%, Արամ Անդրեասյան - 1.57%, Կարեն Սաֆարյան (ՌԴ) - 0.37%, Ռուդիկ Մկրտումյան և Խաչիկ Զաքարյան - 0.27%, «Միջազգային Բիզնես կենտրոն» ՀՁ ՓԲԸ - 0.0005%:-