Արմինֆո.2016 թվականին Հայաստանի հասարակական-քաղաքական կյանքում տեղի է ունեցել երկու շրջադարձային իրադարձություն` ապրիլյան պատերազմն ու նոր կառավարրության ձևավորումը: Այդ մասին դեկտեմբերի 20-ին մամուլի ասուլիսում հայտարարել է ԱԺ արտաքին կապերի մշտական հանձնաժողովի նախագահ Արտակ Զաքարյանը` ամփոփելով տարվա արդյունքները:
«Առաջին դեպքում մենք հարկադրված էինք դիմակայել արտաքին ագրեսիային, որը մեզ ստիպեց արմատապես վերանայել մեր դիրքորոշումներն ու մոտեցումները մի շարք հարցերի նկատմամբ, այդ թվում` Լեռնային Ղարաբաղի հակամարտության կարգավորման նկատմամբ», - նշել է խորհրդարանականը: Միևնույն ժամանակ, նա համոզմունք է հայտնել, որ արտաքին ագրեսիան դարձավ համահայկական համերաշխության և համախմբման ինդիկատոր: Պատգամավորն ընդգծել է, թե Արցախի նկատմամբ ռազմական ագրեսիան հերթական անգամ ցույց տվեց, որ Լեռնային Ղարաբաղի անվտանգությունը պետք է իրականացվի տարածաշրջանում ռազմական հաշվեկշռի ապահովման միջոցով: «Վիեննայի և Սանկտ Պետերբուրգի պայմանավորվածությունները հերթական անգամ ապացուցեցին, որ ղարաբաղյան հակամարտության համապարփակ կարգավորման մասին չի կարելի խոսել, քանի դեռ չկա կողմերի միջև վստահության մթնոլորտ, չեն կատարվում հրադադարի և հրադադարի ռեժիմի ամրապնդման շուրջ 1994 թվականի համձայնագրերը», - նշել է Զաքարյանը:
Քաղաքական գործիչը նաև համոզված է, որ Լեռնային Ղարաբաղի ճանաչումը` որպես անկախ պետություն, հակամարտության կարգավորման բանալին է: Նրա ասելով, քանի դեռ Լեռնային Ղարաբաղը ճանաչված չէ, ապահովված չեն ինչպես ԼՂՀ, այնպես էլ, Ղարաբաղի ժողովրդի անվտանգության երաշխիքները, ոչ մի զիջման մասին խոսք լինել չի կարող, այդ թվում` տարածքային: «Մենք ունենք հարևան, որը մինչ օրս կարծում է, թե ղարաբաղյան հակամարտությունը կարելի է կարգավորել ուժային եղանակով` տնտեսական ներուժի շնորհիվ: Միևնույն ժամանակ, իրականում, հակամարտության խաղաղ կարգավորման նկատմամբ այլընտրանք չկա: Իսկ նման փորձերը, որոնց մենք ականատես եղանք ընթացիկ տարվա ապրիլին, կարող են միայն ձգձգել հիմնախնդրի կարգավորումը», - ասել է պատգամավորը:
Զաքարյանը նաև համոզված է, որ այսօր ղարաբաղյան հակամարտության բոլոր կողմերի ջանքերը նպատաակուղղվասծ են ապրիլյան ագրեսիայի հետքերի վերացմանը, իսկ բանակցային գործընթացը, որպես այդպիսին, բացակայում է: Նրա կարծիքով, բանակցային գործընթացը կարող է վերսկսվել միայն այն ժամանակ, երբ ստեղծվեն սահմանին անդորրի ապահովման անհրաժեշտ երաշխիքներ ու մեխանիզմներ: Զաքարյանի ասելով, հաշվի առնելով Ադրբեջանի անկանխատեսելիությունը, Հայաստանը պետք է պատրաստ լինի ցանկացած զարգացման:
Պատգամավորը չի համաձայնել նաև այն պնդումներին, որ Հայաստանին «սպառազինությունների մրցավազք» են պարտադրել: Նրա ասելով, հայ-ռուսական ռազմական և ռազմատեխնիկական համագործակցությունը 2016 թվականին նոր լիցք է ստացել, Հայաստանի և Ռուսաստանի միջև ստորագրվել են պաշտպանական ոլորտի մի շարք համաձայնագրեր, այդ թվում` միավորված զորախմբի ստեղծման շուրջ: «Դրան զուգընթաց, Հայաստանը զարգացնում է փոխգործակցությունը ՆԱՏՕ հետ: Հայաստանն ընդամենը փորձում է ապահովել իր անվտանգությունն արտաքին սպառնալիքների հանդեպ` նաև սեփական պաշտպանական արդյունաբերությունը զարգացնելու միջոցով», - ասել է Զաքարյանը:
Միևնույն ժամանակ, պատգամավորը համոզված է, որ արտաքին մարտահրավերների ֆոնին Հայաստանը կարողացել պատշաճ մակարդակով կատարել իր առջև դրված խնդիրները:
Կարծիք. Երևանի և Բաքվի միջև հակամարտության լուծումը թույլ է տալիս Վաշինգտոնին զրկել Ռուսաստանին Հարավային Կովկասում ազդեցության ամենակարևոր լծակներից
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
