Արմինֆո. «Ջերմուկ ազգային պարկի» ստեղծման նպատակով ՀՀ Բնապահպանության նախարարությունը և «Լիդիան Արմենիա» ընկերությունը դեկտեմբերի 12-ին Երևանում ստորագրել են փոխըմբռնման հուշագիր, որը նախատեսված է 5 տարիների համար և նախատեսում է 5.7 մլն.դոլարրի ներդրումներ։ Ծրագիրը բազմակողմ է և միտված է կենսաբազմազանության պահպանմանը ինչպես նաև էկոտուրիզմի և էկոգյուղատնտեսական ծրագրեր ներդնելու միջոցով՝ «Ջերմուկ ազգային պարկի» կայուն զարգացման ապահովմանը:
«Լիդիան Արմենիա» ընկերության գործադիր տնօրեն Հայկ Ալոյանը նշել է, որ Հայաստանում իր գործունեության առաջին օրից ընկերությունը որդեգրել է դառնալ լեռնահումքային ոլորտի օրինակելի ընկերություն: «Հերթական քայլով մենք բարցրացրինք Ամուլսարի հանքավայրի շահագործման ընթացքում մեր ընկերության գործունեությանը ներկայացվող պահանջների սանդղակը: Հուսով ենք, որ դա կլինի հաջող նախադեպ, որին կհետևեն նաև մեր գործընկերները»,-հայտարարել է Ալոյանը:
Ալոյանը նշել է, որ համաշխարհային առաջադեմ փորձը ցույց է տալիս, որ հնարավոր է բնական պաշարների անվտանգ արդյունահանումն իրականացնել, կիրառելով կառավարման արդյունավետ և ժամանակակից մեթոդներ: Նրա խոսքով, այս առումով ընկերության բաժնետերերը նույնպես չափազանց պահանջկոտ են, որպեսզի Ամուլսարի նախագծի իրականացումը լիովին համապատասխանի միջազգային չափանիշներին: «Մենք ուզում ենք ոչ միայն խոսքով, այլ նաև գործով ցույց տալ, որ պետության և մասնավոր հատվածի համագործակցության հիքի վրա կարել է լավագույն արդյունքների հասնել բնապահպանական ռիսկերի կառավարման գծով, ապահովելով կենսաբազմազանության կայունությունը: «Ջերմուկ» ազգային պարկի ստեղծման նախաձեռնության իրականացումը խոստանում է բնապահպանական օրենսդրության պահանջների պատշաճ կատարում»,-նշել է ընկերության ղեկավարը: Ինչպես գտնում են Լիդիանում, «Ջերմուկ» ազգային պարկը, որն ստեղծվել է համաշխարհային հայտնի մասնագետների և տեղական գիտնականների ջանքերով, կարող է օրինակելի ծրագիր դառնալ կենսաբազմազանության կայնության պահպանման համար, ընդ որում, ոչ միայն տարածաշրջանում, այլ նաև գլոբալ լեռնահումքային արդյունաբերությունում:
Բացի այդ, ըստ Ալոյանի, «Ջերմուկ» ազգային պարկի ստեղծումը խոստանում է կարևոր քայլ դառնալ ոչ միայն էկոհամակարգերի պահպանության ապահովման, այլ նաև տուրիզմի և գյուղատնտեսության զարգացման առումով: Վերջին տարիներին ընկերությունն աջակցում է ՓՄՁ զարգացմանն Ամուլսարին հարակից համայնքներում: «Հուսով եմ, որ նոր ծրագիրը հաջողված կլինի նաև բնապահպանական առումով, և 5 տարի անց ազգային պարկը կդառնա տնտեսապես շահութաբեր և ամբողջովին ինքնաֆինանսավորվող նախագիծ»,-հայտարարել է Ալոյանը:
Ըստ բրիտանական Treweek Environmental Consultants բնապահպանական խորհրդատվական ընկերության կենսաբազմազանության կառավարման փորձագետ, «Ջերմուկ ազգային պարկի» ծրագրի համակարգող Ռամազ Գոխելաշվիլու, նախագծի հեղինակները հանդիսանում են «պիոներներ», քանի որ ինքն առաջին անգամ է տեսնում նման նախագիծ, որն իրականացվում է այսպիսի ձևաչափով: Փորձագետը վստահ է, որ նախագծի իրականացման հաջողված արդյունքներն ապագայում ուսանելի կլինեն ապագա սերունդների համար:
ՀՀ բնապահպանության նախարար Արծվիկ Մինասյանը խոսելով նախատեսվող ծրագրի իրականացման մասին, նշել է , որ նոր, պատասխանատու վերաբերմունք է ձևավորվում հանքարդյունաբերության ու տնտեսության ոլորտում: «Թյուր կարծիք թող չձևավորվի, որ «Լիդիան Արմենիան» կամ նախարարությունը պարտավորություններ են ստանձնում, որոնք կկաշկանդեն իրենց գործողություններն իրականացնելիս: Չկա այդպիսի բան,հուշագրում հատուկ է շեշտվում այդ մասին , որ այս հուշագիրը որևէ ձևով չի կաշկանդում ոչ ընկերությանը, ոչ էլ նախարարությանը՝ իրենց լիազորություններն ու իրավասությունները հավուր պատշաճի իրականացնելու»-նշել է Արծվիկ Մինասյանը: Անդրադառնալով ծրագրին՝ նախարարը կարևորել է դրա առավելագույնս մասնակցային լինելը, նշելով , որ գործընթացներում պետք է ներգրավվեն նաև համայնքները, հասարակական կազմակերպությունները: «Այն լինելու է բաց, հրապարակային, թափանցիկ և , մեր նպատակն է իբրև բնապահպանության նախարարություն լավ մշակույթ ձևավորել, որ կարելի է հասնել դրական արդյունքների` ներգրավելով բոլոր շահագրգիռ կողմերին: Վստահ եմ , որ եթե մենք հետևողականորեն մեր նպատակներից չշեղվելով, հանրության լայն շրջանակների ներգրավմամբ շարժվենք առաջ, անպայման կունենանք օրինակելի արդյունք, որը նաև տարածաշրջանում և միջազգային հարաբերություններում կարող է ապահովել էական և լուրջ վերանայում Հայաստանի համար»-մասնավորապես ասել է Արծվիկ Մինասյանը:
Նշենք, որ բրիտանական Lydian International Ltd ընկերությունն այսօր Հայաստանում իրականացնում է արդյունաբերական ամենախոշոր՝ Ամուլսարի ոսկու հանքավայրի շահագործման նախագիծը՝ 370 մլն դոլար ընդհանուր արժեքով: Ընթացիկ տարվա օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Մեկ ունցիայի ծախսը միջին հաշվով կազմում են 585 դոլար, իսկ ոսկու կորզման ընդհանուր ցուցանիշը – 87%: Ամուլսարի 370 մլն.դոլար արժեքով ծրագրի շրջանակներում կատարվող շինարարության ընթացքում կստեղծվի 1300 աշխատատեղ (շինարարական աշխատանքները կընթանան մոտ 2 տարի), իսկ հանքավայրի շահագործման ամբողջ ընթացքում կստեղծվի 650-700 աշխատատեղ:
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
