Հայաստանում Ռուսաստանի դեսպանությունը պատասխանել է Հայաստանում ԱՄՆ դեսպան Ռիչարդ Միլզին

Արմինֆո. Հայաստանում Ռուսաստանի դեսպանությունն արձագանքել է Հայաստանում ԱՄՆ դեսպան Ռիչարդ Միլզի ելույթին Երևանի պետական համալսարանում, «ՆԱՏՕ-ի շաբաթ» շրջանակներում:

«Ընթացիկ տարվա նոյեմբերի 18-ին հայկական ԶԼՄ-ները հրապարակեցին Հայաստանում ԱՄՆ դեսպան Ռիչարդ Միլզի որոշ արտահայտությունները, որը նա թույլ էր տվել Երևանի պետական համալսարանում, «ՆԱՏՕ-ի շաբաթ» շրջանակներում: Ըստ տեղական լրատվական գործակալությունների, նա ՆԱՏՕ-ի գոյությա շարունակությունը կապում է Ռուսատսանի կողմից «Ղրիմի միակողմանի անեքսիայի հետ» («Երբ ալյանսը նշում էր իր 65-ամյակը, և թվույմ էր, որ արդեն եկել է այդ կառույցի «թոշակի անցնելու» ժամանակը, Ռուսաստանը միակողմանիորեն անեքսիայի ենաթարկեց Ղրիմը: ՆԱՏՕ-ի առջև առաջացան նոր մարտահրավերներ և սպառնալիքներ): ՌԴ Դեսպանությունը լիովին կողմ է Հյուսիսատլանտյան ալյանսի թոշակի անցնելու վերաբերյալ պրն Միլզի թեզին: Բայց այդ հարցը պետք է ակտուալ դառնալ ոչ թե ալյանսի 65-ամյակին, այլ ավելի վաղ – Վարշավայի պայմանագրի լիկվիդացման ժամանակ, որը, մեր արևմտյան գործընկերների պնդմամբ, նրանց համար վտանգ էր ներկայացնում և հանդիսանում էր ՆԱՏՕ-ի գոյության հիմնական դրդապատճառնը:

Ինչ վերաբերվում է Ռուսաստանի կողմից «Ղրիմի միակողման անեքսիային», անհրաժեշտ ենք համարում հիշեցնել, որ Ղրիմի միացումը Ռուսաստանին տեղի է ունեցել թերակղզու բնակչության կամքի ազատ արտահայտման, 2014 թվականի մարտի 16-ին կայացած հանրաքվեի միջոցով, այն բանից հետո, երբ 2014 թվականի փետրվարին Ուկրաինայում արտաքին ուժերի աջակցությամբ տեղի ունեցավ պետական հեղաշրջում: Մեզ զարմացնում է արևմտյան պետությունների, առաջին հերթին` ԱՄՆ և ԵՄ արձագանքը, կապված Ղրիմի բնակչության ինքնորոշման օրինական իրավունքի իրականացման հետ, ինչն ամրագրված է ՄԱԿ-ի Կանոնադրության մեջ: Ուշադրության են արժանի նաև պրն. Միլզի այն խոսքերը, որ «յուրաքանչյուր երկիր ինքը պետք է որոշի իր զարգացման և անվտանգության ապահովման ուղղությունները»: Հենց այս սկզբունքին էլ Ռուստաանը նպատակաուղղված հետևում է իր արտաքին քաղաքականությունում: Շատ հաճելի է, բայց բավականին տարօրինակ է նման պնդումներ լսել մի պետության ներկայացուցչից, որը պատրաստ է միջամտել ցանկացած երկրի ներքին քաղաքականութւյանը, այդ թվում նաև ռազմական ուժի կիրառմամբ:

Դրա օրինակներ են`Հարավսլավիան, Իրաքը, Լիբիան, ինչպես նաև Սիրիան, տարբեր  տեսակի «գունավոր հեղափոխությունները» և դրանց ավերիչ հետևանքները, որոնց ակունքներում ուղղակիորեն կանգնած են ԱՄՆ կողմից աջակցվող և ֆինանսավորվող հիմնադրամները, ՀԿ-ները և ԶԼՄ-ները, որոնք մեր աչքի առջև են», - ասված է Հայաստանում Ռուսաստանի դեսպանատան հաղորդագրության մեջ:

Հիշեցնենք, որ նոյեմբերի 18-ին, Երևանի պետական համալսարանում, «ՆԱՏՕ-ի շաբաթ» շրջանակներում, Հայստանում ԱՄՆ դեսպան Ռիչարդ Միլզը հայտարարել էր, որ Հայաստանն ակտիվորեն մասնակցում է ՆԱՏՕ-ի խաղաղապահ առաքելությանը, ինչը շատ կարևոր է խաղաղության և անվտանգության ապահովմանը Եվրասիական տարածաշրջանում:

«Հայաստանը միակ պետությունն է, որը միաժամանակ զբաղվում է ՆԱՏՕ-ի «Գործընկերություն հանուն խաղաղության» և համագործակում ՀԱՊԿ-ի հետ: Ես ուզում եմ շնորհակալություն հայտնել հայկական կողմին ՆԱՏՕ-ի հետ ամուր գործընկերություն զարգացնելու համար»,- նշել է ամերիկացի դիվանագետը: Միևնույն ժամանակ, նա հիշեցրել է, որ 2014 թ-ին, երբ դաշինքը տոնեց իր իր հիմնադրման 65-ամյակը, և թվում էր, թե ժամանակն է, որ կառույցն «անցի թոշակի», Ռուսաստանը միակողմանիորեն անեքսիայի ենթարկեց Ղրիմը: «ՆԱՏՕ-ի առջև բարձրացան նոր մարտահրավերներ և սպառնալիքներ: Դեռ ԱՄՆ նախագահ Բարաք Օբաման ընդգծել էր տարածքները հարկադիր անեքսիայի ենթարկելու անընդունելիության մասին ժամանակակից աշխարհում: Յուրաքանչյուր երկիր ինքը պետք է որոշի իր զարգացման և անվտանգության հարցերը», - եզրափակել էր Միլզը: