Արմինֆո. ԵԱՀԿ Մինսկի խմբի նախկին համանախագահ, Ադրբեջանում ԱՄՆ նախկին դեսպան Մեթյու Բրայզան չի հասկանում, թե ինչպես Ռուսաստանը, լինելով ԵԱՀԿ ՄԽ համանախագահող երկիր, Հայաստանի հետ միացյալ զորախումբ է ստեղծում: Նրա խոսքով, եթե Պուտինը ցանկանում է ապացուցել, որ Ռուսաստանը հիմնական խաղացող է ղարաբաղյան հակամարտության կարգավորման հարցում, նա չպետք է նման քայլեր կատարի: «Թե Ադրբեջանը, թե Հայաստանը պետք է վերադառնան բանակցությունների սեղանի շուրջ և քննարկումներ սկսեն»,- նշել է Բրայզան, հայտնում է ԱՊԱ-ն:
Միաժամանակ նա դժվարացել է ասել, թե ինչպես կընթանա Լեռնային Ղարաբաղում հակամարտության կարգավորման գործընթացը: «Այդ մասին նույնիսկ Աստված չգիտի: Եթե ԱՄՆ ընտրված նախագահ Դոնալդ Թրամփը մտածի խաղաղության մասին, կարելի է առաջընթացի հասնել Լեռնային Ղարաբաղի հակամարտության լուծման հարցում: Բայց մենք չգիտենք, թե ինչ է նա մտածում: Ակնհայտ է մեկ բան. առանց նախագահների և արտգործնախարարների հանդիպման, հակամարտությունը խաղաղ ճանապարհով չի լուծվի»,- ասել է Բրայզան:
Նշենք, որ ՌԴ նախագահ Վլադիմիր Պուտինը կարգադրություն է ստորագրել, որով հավանություն է տվել Հայաստանի հետ միացյալ զորախմբի շուրջ համաձայնագրին: Համաձայնագրի նախագծում ասվում է, որ Հայաստանի և Ռուսաստանի զինված ուժերի միացյալ խմբավորումն ի զորու կլինի ապահովելու «համարժեք արձագանքում զինված հարձակումներին (ագրեսիային), ինչպես նաև այլ մարտահրավերներին և կողմերի անվտանգության համար սպառնալիքներին: Ըստ նախագծի, երկու պետությունների պաշտպանության նախարարությունները կմշակեն և իրենց գերագույն գլխավոր հրամանատարների հաստատմանը կներկայացնեն միացյալ խմբավորման կիրառման պլանավորման վերաբերյալ առաջարկություններ: Նրանք էլ կորոշեն խմբավորման կազմը: «Խաղաղ ժամանակ ՀՀ ԶՈՒ կառույցում կգործի ԶՈՒ ներկայացուցիչներից բաղկացած միացյալ զորախմբի հրամանատարություն` կրճատ կազմով», - ասվում է համաձայնագրի նախագծում: Փաստաթղթում նաև նշվում է, որ ագրեսիայի անմիջական սպառնալիքի շրջանում և պատերազմական ժամանակ Հայաստանի և Ռուսաստանի միջև փոխգործակցություն կազմակերպելու համար լիազոր մարմինները (պաշտպանության նախարարությունները - ՏԱՍՍ) նախատեսում են օպերատիվ խմբեր ուղարկել ՌԴ հարավային զինվորական օկրուգի շտաբ և Հայաստանի ԶՈՒ գլխավոր շտաբ:
Ըստ համաձայնագրի նախագծի, միացյալ զորախմբի հրամանատարին կնշանակի Հայաստանի գերագույն գլխավոր հրամանատարը` ՌԴ ԶՈՒ գերագույն գլխավոր հրամանատարի համաձայնությամբ: Խաղաղ ժամանակ զորախմբավորումը կենթարկվի Հայաստանի ԶՈՒ գլխավոր շտաբի պետին, իսկ պատերազմի ժամանակ նաև ՌԴ հարավային զինվորական օկրուգի զորքերի հրամանատարին` «կախված ստեղծվող իրադրությունից»: Փաստաթղթում նաև ասվում է, որ կողմերն ինքնուրույն են իրականացնելու միացյալ զորախմբի կազմին հատկացված իրենց զորքերի նյութատեխնիկական և ֆինանսական ապահովումը: Համաձայնագիրը, որն ուղղված չէ երրորդ պետություննմերի դեմ, նախատեսվում է կնքել հինգ տարով` հաջորդ հնգամյակներին ինքնըստինքյան երկարաձգման պայմանով, եթե կողմերից որևէ մեկը նման համագործակցությունը դադարեցնելու ցանկություն չի հայտնում:
Քաղաքագետ. Կառավարությունը երաշխավորում է տասնյակ միլիոնավոր դրամների աշխատավարձեր Սահմանադրական դատարանի ինը դատավորների համար, մինչդեռ միևնույն ժամանակ, Սյունիքում մոտ 869 ընտանիք կորցրել է իրենց ընտանեկան նպաստը
Հայ փորձագետներն ու Թուրքիայի առաջատար վերլուծական կենտրոնների ներկայացուցիչները քննարկել են երկրների միջև համագործակցության ընդլայնման հեռանկարները
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
