Արմինֆո. ՀՀԿ խորհրդի նիստում Հայաստանի նախագահ Սերժ Սարգսյանի կողմից խոստացված կադրային մեծ փոփոխությունները կուլուարներում արդեն մեկնարկել են, եւ այժմ բոլորն սպասում են պաշտոնական նշանակումներին:
Այսպես, ԶԼՄ-ների համաձայն, առաջիկա օրերին էական ու անակնկալ փոփոխություններ տեղի կունենան նախագահի աշխատակազմում: Ընդ որում, ուշագրավն այն է, որ այդ բարեփոխումներն սկսվել են PR ոլորտում: Այսպես, հայկական մի շարք թերթերի տեղեկատվության համաձայն, անցած գիշեր նախագահի աշխատակազմում տեղի է ունեցել խորհրդակցություն, որի արդյունքում որոշում է կայացվել նախագահի «սփիչրայթեր» Սեւակ Լալայանի պաշտոնանկության մասին: Քաղաքական շրջանակներում Լալայանը համարվում է «գորշ կարդինալ», նրա անմիջական պարտականությունները չեն սահմանափակվում նախագահի ելույթներ գրելով, նա համակարգում է Հայաստանի մեդիա-ոլորտի, գործնականում, 90 տոկոսը, ՀՀԿ բազմաթիվ գործիչների գործունեությունը, կուսակցության քարոզարշավները վերջին բոլոր ընտրությունների ժամանակ: Բազմաթիվ քաղաքական գործիչներ նախագահականին առնչվող իրենց քայլերը համակարգում են հենց Լալայանի միջոցով կամ անձամբ նրա հետ, ուստի նրա հնարավոր պաշտոնանկությունը շատերի համար անակնկալ էր: Թեեւ ԱրմԻնֆո-ի իշխանամետ աղբյուրները պնդում են, որ այդ որոշումը կայացվել է դեռ 10 օր առաջ:
Լալայանի փոխարեն կանխատեսվում է Արգենտինայում Հայաստանի դեսպան, Հանրային հեռուստաընկերության խորհրդի նախկին ղեկավար Ալեքսան Հարությունյանի նշանակումը, որն առավելապես համարվում է երկրորդ նախագահ Ռոբերտ Քոչարյանի «կադրը»: Այդ առումով Հարությունյանի նշանակումը թվում է փոքր-ինչ անսպասելի: Սակայն, եթե հաշվի առնենք, որ հենց նույն ԶԼՄ-ների տեղեկատվության համաձայն, նախագահի աշխատակազմի ղեկավարն է դռանալու ԱԱԽ ներկայիս քարտուղար Արմեն Գեւորգյանը, որն այդ պաշտոնն զբաղեցրել է նաեւ Քոչարյանի ժամանակներւոմ, ապա Հարությունյանի նշանակման տրամաբանությունը պարզ է դառնում:
Ըստ ԶԼՄ-ների, առաջիկայում իր պաշտոնին հրաժեշտ կտա նաեւ նախագահի աշխատակազմի տեղեկատվության եւ հասարակական կապերի կենտրոնի ղեկավար Արա Սաղաթելյանը:
Ինչ վերաբերում է առավել արմատական կադրային փոփոխություններին, ապա, հայկական եւ ռուսական աղբյուրների համաձայն, առաջիկայում պաշտոնից կհեռանա պաշտպանության նախարար Սեյրան Օհանյանը, որը հոկտեմբերի 14-ին Երեւանում կայանալիք ՀԱՊԿ խորհրդի նիստում փոխարինելու է Նիկոլայ Բորդյուժային՝ կազմակերպության գլխավոր քարտուղարի պաշտոնում:
Ինչպես ԱրմԻնֆոն հաղորդել էր ավելի վաղ, նախագահի աշխատակազմի ղեկավաի պաշտոնում Արմեն Գեւորգյանի նշանակումից հետո Վիգեն Սարգսյանը դառնալու է արտգործնախարար: Ամենայն հավանականությամբ, զբաղեցրած պաշտոնից զրկվելու է նաեւ ՀՀ հարկային ծառայության պետ Հովիկ Հովսեփյանը: Նախկին գլխավոր դատախազ Գեւորգ Կոստանյանը նշանակվելու է Վրաստանում Հայաստանի դեսպան՝ Յուրի Վարդանյանի փոխարեն: Իսկ գլխավոր դատախազի պաշտոնի համար ԱԺ քվեարկությանն է ներկայացվել նրա տեղակալ Արթուր Դավթյանի թեկնածությունը:
Ավելի վաղ ՀՀ նախագահը վարչապետի պաշտոնի համար ներկայացրել է «Գազպրոմ-Մեժռեգիոնգազի» փոխտնօրեն Կարեն Կարապետյանի թեկնածությունը: Շրջանառվող լուրերի համաձայն, կառավարությունում տեղի են ունենալու նաեւ այլ փոփոխություններ, նշվում են տարբեր անուններ, սակայն այդ մասին առայժմ պաշտոնական տեղեկատվություն չկա:
Ի դեպ, կադրային փոփոխությունները միակ անակնկալը չեն լինի 2017 թվականին կայանալիք խորհրդարանական ընտրությունեի նախաշեմին: ԱրմԻնֆո-ի աղբյուրների համաձայն, մինչեւ 2017 թվականի հունվար քաղաքականություն իր «հաղթական» վերադարձի մասին կհայտարարի նաեւ պատգամավոր-ձեռներեց Գագիկ Ծառուկյանը: Նա քաղաքականություն կվերադառնա իր հարազատ ԲՀԿ միջոցով: Հնարավոր է, նա կուսակցությունը գլխավորի որպես պատվավոր նախագահ, իսկ ընթացիկ կուսակցական պարտականությունները կմնան կուսակցության ներկայիս առաջնորդ Նաիրա Զոհրաբյանի վրա: Արդեն այսօր հող է նախապատրաստվում Գագիկ Ծառուկյանի վերադարձի համար: Տարբեր «բարգավաճ» անդամներ նրան վերադառնալու խնդրանքով նամակներ են գրում, այդ հրացը բարձրացվում է ԲՀԿ ղեկավարության հետ շարքային անդամների հանդիպումների ժամանակ:
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Ադրբեջանագետ. Մինչ Ադրբեջանն իր սերնդին պատրաստում է պատերազմի, Ալիևի օգնականը կոչ է անում Հայաստանին պատրաստել հայ հասարակությանը «խաղաղության»
Թուրքագետ. Ադրբեջանը երբեք, ոչ մի պարագայում չի դադարի հայ ժողովրդի վրա ճնշում գործադրելուց
Քաղաքագետ. Մենք պետք է հեռանանք «երբ» հարցից և այն փոխարինենք ավելի կարևոր հարցերով
Միջազգային իրավունքի մասնագետ. Ադրբեջանը մտադիր է դատական գործընթաց սկսել Հայաստանի դեմ՝ դատապարտելով հայ բանտարկյալներին
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
