Եթե Թուրքիայի արտգործնախարար Մևլութ Չավուշօղլուն հայտարարում է ղարաբաղյան հարցում Մոսկվայի և Անկարայի դիրորոշումների նմանության մասին, որեմն Թուրքիան վերանայել է իր դիրքրոշումը և ընդունել ԵԱՀԿ Մինսկի խմբի մոտեցումները ղարաբաղյան հակամարտության հարցում` Հելսինկյան երեք սկզբունքների հիման վրա (ժողովուրդների ազատ ինքնորոշում, ուժի չօգտագործում, տարածքային ամբողջականություն): ԱրմԻնֆո գործակալության հետ զրույցում նման կարծիք է հայտնել ՀՀ ԱԺ փոխխոսնակ, ՀՀԿ մամուլի քարտուղար Էդուարդ Շարմազանովը:
«Սակայն, համոզիչ լինելու համար Անկարան պետք է պաշտոնապես հայտարարի այդ մասին, բացի հայ-թուրքական սահմանը և վավերացնի հարաբերությունների նորմալացման վերաբերյալ արձանագրությունները: Բայց կարծում եմ, որ դա տեղի չի ունենա, քանի որ Չավուշողլուի հայտարարոթյունը ոչ այն ինչ է, եթե ոչ`թուրքական դինվանագիտության հերթական բլեֆը»,-նշել է Շարմազանովը:
Պատասխանելով հարցին`թե արդյոք Անկարայի և Ռուսաստանի դիրքորոշումների նմանությունը հնարավոր է, որ պայմանավորված լինի ոչ թե Թուրքիայի, այլ Ռուսաստանի դիրքորոշման փոփոխությւոնով, փոխխոսնակը տվել է բացասական պատասխան. «Ղարաբաղյան հակամարտության շուրջ Ռուսաստանի դիրորոշման մասին կարելի է դատել ՌԴ նախագահ Պուտինի վերջին հայտարարությամբ, որտեղ նա հաստակ հայտարարեց, որ ղարաբաղյան հակամարտությունը պետք է կարգավորվի փոխադարձ զիջումների հիման վրա, հաղթողներ և հաղթվողներ այստեղ չպետք է լինեն: Ի դեպ, նույն դիրքորոշումն ունի նաև ԵԱՀԿ Մինսկի խումբը»:
Նշենք, որ Թուրքիայի արտգործնախարար Մևլութ Չավուշօղլուն հայտարարել էր, որ ղարաբաղյան հակամարտության կարգավորման հարցում Մոսկվայի և Անկարայի դիրորոշումները համընկնում են, և որ ռուսական, ինչպես նաև ադրբեջանական եղբայրներն էլ են հանդես են գալիս, որպեսզի Անկարան նույնպես իր ավանդը ներդնի հակամարտության կարգավորմանը: