ՎՏԲ-Հայաստան Բանկը վերսկսել է քարտից քարտ փոխանցումներ իրականացնելու հնարավորությունը

 Սկսած 21.07.2016 թ.-ից  ՎՏԲ-Հայաստան Բանկի Visa քարտապանները կկարողանան իրականացնել փոխանցումներ Visa Direct համակարգի միջոցով Visa քարտերին, որոնք  թողարկված են ոչ միայն ՎՏԲ-Հայաստան Բանկի, այլև տեղական և միջազգային բանկերի կողմից թողարկված քարտերին: Փոխանցումները հնարավոր է կատարել շուրջօրյա՝ ՎՏԲ-Հայաստան Բանկի  157 բանկոմատների միջոցով:

Ինչպես ԱրմԻնֆո-ին հաղորդեցին բանկի մամուլի ծառայությունից, ՎՏԲ-Հայաստան Բանկի և միջազգային բանկերի կողմից թողարկված Visa քարտերին փոխանցումներ կարելի է կատարել 4 արժույթներով՝ ՀՀ դրամով, ՌԴ ռուբլիով, ԱՄՆ դոլարով և Եվրոյով, իսկ տեղական այլ  բանկերի կողմից թողարկված քարտերին՝ ՀՀ դրամով:

ՎՏԲ-Հայաստան Բանկի քարտերին դրամային փոխանցում կատարելու համար անհրաժեշտ է իմանալ միայն փոխանցումը ստացողի քարտի համարը:

Այլ բանկերի (տեղական և միջազգային) կողմից թողարկված քարտերին փոխանցում կատարելու համար անհրաժեշտ է  նախապես տրամադրել է Բանկին փոխանցում ստացողի անունը, ազգանունը և քարտի 16-նիշանոց համարը հետևյալ տարբերակներից մեկով.

• Ուղարկել հաղորդագրություն 2700 հեռախոսահամարին` նշելով ստացողի տվյալները հետևյալ ձևաչափով. C2C 5450570001075245 AVAG AVAGYAN (որպես օրինակ);
• Տրամադրել նույն տվյալները՝ զանգահարելով Call Center 8787-հեռախոսահամարով  օպերացիոն ժամերին կամ զանգահարելով  Պրոցեսինգի բաժին (+374 10) 56 07 08 հեռախոսահամարով՝ օպերացիոն ժամերից դուրս;
• Նույն տվյալները տրամադրել մասնաճյուղի աշխատակցին բանավոր` այցելելով Բանկի ցանկացած մասնաճյուղ:

Դրամային փոխանցումը հասանելի կլինի ստացողին՝   մի քանի րոպեից մինչև 2 բանկային օրվա ընթացքում, կախված ստացողի քարտը սպասարկող բանկի տեխնիկական հնարավորություններից: Ծառայությունը հասանելի է 24/7 ռեժիմում, իսկ  յուրաքանչյուր փոխանցման միջնորդավճարը կազմում է 0.9% -2% փոխանցվող գումարից:

Ըստ ԱրմԻնֆո գործակալության «Հայաստանի բանկերը քարտային բիզնեսում» վերլուծական տեղակագրի, ՎՏԲ-Հայաստան Բանկը շարունակում է գլխավորել Հայաստանի պլաստիկ քարտերի շուկան, ընդ որում, ինչպես քարտերի քանակով, այնպես էլ  գործարքների ծավալով: Այնպես, 2016 թվականի ապրիլի 1-ին բանկի ակտիվ քարտերի թիվը հասել է 496,6 հազարի, իսկ գործարքների ընդհանուր ծավալը գերազանցել է 210.3 մլրդ դրամը: Բանկն առաջատարն է նաև Visa քարտերի թվով, որոնք 2016-ի ապրիլի 1-ին կազմել են ավելի քան 418.2 հազար քարտ: Ի դեպ, Բանկն առաջատարների եռյակում է նաև MasterCard-ի թվով - ավելի քան 78,3 մլն.քարտ: ՎՏԲ-Հայաստան Բանկը 2016 թվականի առաջին եռամսյակում MasterCard քարտերի թվի մոտ 5 անգամ տարեկան կտրուկ աճի, ինչպես նաև Visa ակտիվ քարտերի 8.7% աճ հետևանքով իր քարտերի ընդհանուր թիվն ավելացրեց 23.8%: Արդյունքում, քարտերով գործարքների ծավալը տարեկան կտրվածքով աճեց 12.8%, հիմնականում` բանկոմատներով կատարված գործարքների 21.3% աճի հաշվին: Ըստ ՎՏԲ Հայաստան Բանկի տվյալների, քարտերի ընդհանուր թվում VISA քարտերը կազմել են ավելի քան 84%, իսկ մնացած 16% կազմել են MasterCard քարտերը, նախորդ տարվա 96% և 4% հարաբերակցության համեմատ: Բանկն առաջատարն է նաև աշխատավարձի քարտերով, իրենից ետ թողնելով շուկայի մյուս մասնաիցներին: 2016 թվականի ապրիլի 1-ին ՎՏԲ-Հայաստան Բանկն ուներ 157 բանկոմատ, որից 78-ը մայրաքաղաքում, իսկ 79-ը`մարզերում: Տարեկան կտրվածքով չփոխելով բանկոմատների թիվը, Բանկն էապես ընդլայնել է POS- թերմինալների իր սեփական ցանցը`298 – ից մինչև 345: Բացի այդ, ՎՏԲ-Հայաստան Բանկը և ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿՆ ստեղծել են բանկոմատների համատեղ ցանց, ՎՏԲ-Հայաստան բանկի կողմից թողարկված Visa և MasterCard քարտերի քարտապաներին առաջարկելով օգտվել ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ բանկոմատներից, ընդ որում, նույն սակագնով, ինչ ՎՏԲ-Հայաստան բանկի բանկոմատներից, և հակառակը: Միավորված ցանցը ներառում է 345 բանկոմատների, Հայաստանի ողջ տարածքում: Բանկոմատների թվով Բանկը երկրորդն է շուկայում, իսկ սեփական POS- թերմինալների թվով գտնվում է առաջատար տասնյակում:

Նշենք, որ ՎՏԲ-Հայաստան Բանկը մինչև 2013 թթվականը թողարկում և սպասարկում էր միայն միջազգային VISA քարտեր, որից հետո, նույն թվականի սեպտեմբերից, դառնալով MasterCard Worldwide միջազգային վճարային համակարգի լիիրավ անդամ, ձեռնամուխ եղավ Cirrus/Maestro, MasterCard Standard և MasterCard Gold քարտերի թողարկմանը և սպասարկմանը: Բացի այդ, բանկը սպասարկում է նաև տեղական ArCa քարտերը: Բանկն ունի իր սեփական պրոցեսինգը:  ՎՏԲ-Հայաստան Բանկը ՎՏԲ միջազգային ֆինանսական խմբի անդամ է դարձել 2004 թվականի ապրիլից: Ներկայումս Ռուսաստանում երկրորդ խոշորագույն ՎՏԲ Բանկը տիրապետում է «ՎՏԲ-Հայաստան Բանկ» ՓԲԸ 100% բաժնետոմսերին: Իր հիմնական ցուցանիշներով Բանկն ավանդաբար գտնվում է Հայաստանի բանկային համակարգի առաջատարների շարքում, ունի 67 մասնաճյուղ, որոնց միջոցով իր ներկայությունն է ապահովում երկրի բոլոր մարզերում: