Ոստիկանությունը զինված խմբի հետ բանակցություններ կվարի այնքան ժամանակ, քանի դեռ չի կորցրել Էրեբունիի ոստիկանական ստորաբաժանման զինված գրավման միջադեպի խաղաղ կարգավորման հույսը: Ինչպես հաղորդում է ԱրմԻնֆո-ի թղթակիցը, հուլիսի 17-ին այդ մասին լրագրողներին հայտարարել է ՀՀ ոստիկանության պետի տեղակալ Հունան Պողոսյանը:
Նրա ասելով, այս պահին պատանդ է 7 մարդ, սպանվել է գնդապետ Արթուր Վանոյանը, վիրավոր են փոխգնդապետներ Արամ Հովհաննիսյանը եւ Հրաչ Խոստեղյանը, ինչպես նաեւ սպա Գագիկ Մկրտչյանը: Նա հաստատել է, որ զավթիչների մոտ պատանդ է նաեւ մայրքաղաքի փոխոստիկանապետ Վալերի Օսիպյանը: Հունանյանի ասելով, զինված խմբի միակ պահանջը Սէֆիլյանի ազատ արձակումն է: «Սակայն այդ պահանջն անկատարելի է: Մենք զինված անձանց կոչ ենք անում հանձնել զենքը եւ ենթարկվել իշխանությունների պահանջներին: Մենք բավականաչափ ուժեր ունենք նրանց վնասազերծելու եւ ձերբակալելու համար», - ամփոփել է Պողոսյանը: Փոխոստիկանապետի մամուլի ասուլիսից անմիջապես հետո երկու քաղաքացի բերման է ենթարկվել, այդ գործողությունների պատճառը ոստիկանությունը չի նշել:
Հիշեցնենք, որ այսօր առավոտյան Ղարաբաղյան պատերազմի հերոս Ժիրայր Սէֆիլյանի զինված կողմնակիցները գրավել են ոստիկանության Երեւանի Էրեբունի համայնքի բաժանմունքի տարածքը, որտեղ ոստիկանական գունդ է տեղակայված: Նրանք պահանջում են Հայաստանի նախագահ Սերժ Սարգսյանի հրաժարական եւ ժողովրդական վստահության կառավարության ձեւավորում: Փաստորեն, այն տեղեկությունները, թե խմբի մոտ պատանդ է ՀՀ փոխոստիկանապետ, գեներալ Վարդան Եղիազարյանը, չհաստատվեցին, զավթիչների մոտ պատանդ է մայրաքաղաքի փոխոստիկանապետ Վալերի Օսիպյանը: Որպես խմբի ղեկավար հանդես են գալիս Սէֆիլյանի զինակիցները, նաեւ՝ Արցախյան պատերազմի վետերաններ Վարուժան Ավետիսյանը եւ Պավլիկ Մանուկյանը: Որոշ ԶԼՄ-ներ հաղորդում են, որ նրանք հրաժարվում են բանակցվություններ վարել իշխանությունների հետ, քանի դեռ ազատ չի արձակվել Ժիրայր Սէֆիլյանը, ով էլ կստանձնի իշխանությունների հետ բանակցություններ վարելու առաքելությունը: Միեւնունյ ժամանակ, Ոստիկանության Էրեբունի բաժանմունքը, որտեղ տեղակայված է ոստիկանական գունդը, լիովին շրջափակված է ոստիկանական զորքերով եւ ծանր բեռնատարներով, որոնք խոչընդոտում են տարածքի տեսանելիությունը:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հունգարիան դադարեցնում է աշխատանքային վիզաների տրամադրումը Ֆիլիպինների, Վրաստանի և Հայաստանի քաղաքացիներին
Ռուսաստանում ակնկալում են "3+3" հաջորդ հանդիպումն անցկացնել Բաքվում կամ Երևանում
Ռոբերտ Քոչարյան. Ադրբեջանի հետ խաղաղության պայմանագիրը կստորագրվի լրացումներով, որոնցով երաշխավորված կլինի խաղաղությունը
Էդմոն Մարուքյան. 1,7 միլիոն մարդ պետք է գնա ընտրատեղամասեր, այդ դեպքում այս իշխանությունը կջախջախվի
Սամվել Կարապետյան. երկրի իշխանությունները Հայաստանը վերածել են աշխարհաքաղաքական պայքարի կենտրոնի
Փորձագետ. Փաշինյանի վերջը կգա, եթե ընտրողների մեծամասնությունը գնա ընտրատեղամասեր
Օվերչուկը Հայաստանին կոչ է արել կողմնորոշվել, թե «ինչ մուրաբա է եփելու»
Ռուսաստանում կրկին զգուշացրել են Հայաստանին ուկրաինական ուղով գնալուց
Քոչարյան. «Մենք ընտրություններին գնում ենք ոչ միայն մեր ձեռքբերումների փորձով, այլև թույլ տրված սխալների գիտակցմամբ»
Եվրոպան համերաշխություն է հայտնում Հայաստանին Ռուսաստանի կողմից սահմանված տնտեսական պատժամիջոցների կապակցությամբ. եվրահանձնակատար