Էրեբունի համայնքի ոստիկանության տարածքը գրաված ընդդիմադիրները քաղաքական պահանջներ են ներկայացրել

Երեւանի Էրեբունի համայնքի ոստիկանական ստորաբաժանման տարածքը գրաված ընդդիմադիրները, որոնք Արցախի հերոս Ժիրայր Սէֆիլյանի կողմնակիցներն են, Հայաստանի նախագահ Սերժ Սարգսյանի հրաժարականի եւ ժողովրդական վստահության կառավարություն ձեւավորելու քաղաքական պահանջներ են ներկայացրել:

Ինչպես իրադարձությունների վայրից հաղորդում է ԱրմԻնֆո-ի թղթակիցը, չճշտված տվյալների համաձայն, խմբի մոտ պատանդ են ՀՀ փոխոստիկանապետ, գեներալ Վարդան Եղիազարյանը եւ Ոստիկանության մի քանի այլ աշխատակիցներ: Որպես խմբի ղեկավար հանդես են գալիս Սէֆիլյանի զինակիցները, նաեւ՝ Արցախյան պատերազմի վետերաններ Վարուժան Ավետիսյանը եւ Պավլիկ Մանուկյանը: Որոշ ԶԼՄ-ներ հաղորդում են, որ նրանք հրաժարվում են բանակցվություններ վարել իշխանությունների հետ, քանի դեռ ազատ չի արձակվել Ժիրայր Սէֆիլյանը, ով էլ կստանձնի իշխանությունների հետ բանակցություններ վարելու առաքելությունը:

Միեւնունյ ժամանակ, Ոստիկանության Էրեբունի բաժանմունքը, որտեղ տեղակայված է ոստիկանական գունդը, լիովին շրջափակված է ոստիկանական զորքերով եւ ծանր բեռնատարներով, որոնք խոչընդոտում են տարածքի տեսանելիությունը: