Պաշտոնական Ստեփանակերտը պահանջում է բանակցային գործընթացին ԼՂՀ լիարժեք մասնակցության ձևաչափի վերականգնում, ինչին համաձայն չէ Ադրբեջանը: Այդ մասին հայտարարել է Արցախի Հանրապետության վարչապետ Արայիկ Հարությունյանը` ռուսական «Վզգլյադ»-ով հեռարձակված հարցազրույցում:
«Եվ նրա այդ ոչ կառուցողական դիրքորոշումն այդ հարցում մշտապես ձգձգում է ղարաբաղյան հակամարտության վերջնական կարգավորումը: Առանց ղարաբաղյան կողմի անմիջական և լիարժեք մասնակցության ոչ մի հաջողություն չի կարող ձեռք բերվել, քանի որ որոշվում է Ղարաբաղի անմիջական հարցը, և Ղարաբաղի բնակչությունը պետք է համաձայնություն տա հակամարտության կարգավորման վերջնական տարբերակին», - նշել է Արայիկ Հարությունյնաը:
Նա նաև ընդգծել է, որ Ղարաբաղի բնակչության անվտանգության իրական եւ միակ երաշխավորը Ղարաբաղի պաշտպանության բանակն է: Պատասխանելով խաղաղապահ ուժեր տեղակայելու հանարավորությանն առնչվող հարցին` վարչապետը նշել է. ««Քանի դեռ ղարաբաղյան կողմը չի մասնակցում բանակցային գործընթացին՝ որպես լիարժեք կողմ, ցանկացած պլան կամ առաջարկ, ինչպես արդեն նշեցի, դատապարտված է ձախողման: Մեզ հետ որեւէ պլան չի քննարկվել եւ, դրանից ելնելով, սխալ կլինի որեւէ ենթադրություն կամ եզրակացություն անել: Այդ առնչությաբ ոչ պաշտոնական վարկածների տարածումը կարող է դառնալ շահարկումների առիթ: Խոսքը հավասարապես վերաբերում է նաեւ տարածաշրջանում խաղաղապահ ուժերի տեղակայմանը: Այսօր Ղարաբաղի բնակչության անվտանգության իրական եւ միակ երաշխավորը Ղարաբաղի պաշտպանության բանակն է, որն ապահովում է նրա խաղաղ կենսագործունեությունը և զսպում Ադրբեջանի ագրեսիան», - ասել է Արցախի վարչապետը:
Ինչպես ընդգծել է Հարությունյանը, ի տարբերություն Ադրբեջանի, Արցախի պաշտպանության բանակը ոչ մի անգամ նպատակաուղղված չի գնդակոծել խաղաղ բնակավայրերը: «Ընդհակառակը, մենք բազմիցս հայտարարել ենք, ավելին, հրապարակել ենք լուսանկարներ, որոնք վկայում են այն մաիսն, որ ադրբեջանական կողմն իր հրետանին տեղակայել է խաղաղ բնակավայրերւոմ` ղարաբաղյան բնակավայրերն ու դիրքերը գնդակոծելու նպատակով: Բնականաբար, պատասխան գործողությունների արդյունքում այդ բնակավայրերը հայտնվել են ռիսկի գոտում: Համոզված եմ, որ նրանք նման քայլի են դիմել մեր հարվածների հավանականությունը նվազեցնելու, իսկ հարվածների դեպքում, տուժած բնակավայրերը որպես քարոչզկան «ֆիշկա» օգտագործելու նպատակով: Դա միջազգային հումանիտար իրավունքի կոպիտ խախտում է, ինչպես նաև հանցագործոություն և անբարոյականություն սեփական հասարակության նկատմամբ», - հայտարարել է Արայիկ Հարությունյանը :
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
