Հայաստանը զբոսաշրջիկների համար առավել հետաքրքիր երկրների առատաջատար 10-յակում է` National Geographic-ի վարկածով

Հայաստանը զբոսաշրջիկների համար առավել հետաքրքիր երկրների առատաջատար 10-յակում է: Այդ են վկայում National Geographic-ի անցկացրած հետազոտությունները:

Զբոսաշրջիկների համար առավել զարմանալի և նախընտրելի երկրների ցանկում, որը կազմել է լրագրող Տարա Իզաբելա Բարտոնը, Հայաստանն առաջին տեղում է։ Հեղինակի ասելով, ԽՍՀՄ փլուզումից հետո Կովկասի փոքրիկ երկիր Հայաստանն ասոցացվում է ղարաբաղյան հակամարտության հետ:

Հեղինակի ասելով, «չնայած Ղարաբաղի սահմանի երկայնքով առանձին բախումներին` Հայաստանն այսօր անվտանգ երկիր է, բուռն զարգացում ունեցող զբոսաշրջային ենթակառուցվածքով», որը, հիմնականում, կենտրոնացած է Bed & Breakfast տիպի ընտանեկան փոքրիկ տների շուրջ։ Զարգացած է նաև ագրոտուրիզմը, որով զբաղվող ընտանիքների նպատակը զբոսաշրջիկիներ նրեգրավելն է, որոնց հրապուրում է բնության և ճարտարապետության գեղեցկությունը:

Տարա Իզաբելա Բարտոնը հիշեցրել է. «Քչերը գիտեն, որ Հայաստանը 301 թվականին քրիստոնեությունը որպես պետական կրոն ընդունած առաջին երկիրն է աշխարհում։ Հին Հայաստանի եկեղեցիները տեղակայված են երկրի ողջ տարածքում, թաքնված են կանաչ ձորերում ու լեռների լանջերին։ Դրանք համարվում են աշխարհում ամենալավ պահպանված հին տաճարներից», — նշված  է  հրապարակման մեջ։

«Այն դեպքում, երբ քրիստոնեական եկեղեցիները զարդարող որմնանկարները մեծ մասամբ անհետացել են կամ ոչնչացվել, Գեղարդի քարակերտ առյուծներն ու Սիսիանի վանքի խաչքարերի միահյուսված զարդանախշերը պահպանվել են ու հնագույն քաղաքակրթություններից մեկի ճարտարապետության լավագույն նմուշներն են ներկայացնում։ Հայաստանի եղկեղեցիները ուշագրավ են նաև իրենց գտնվելու վայրերի առումով: Ծաղիկներով զարդարված ձորերում և գույնզգույն բլուրների վրա բազմաթիվ եկեղեցիներ են տեղակայված (Գառնիի հեթանոսական տաճարը), որոնք ավելի մատչելի են, քան Վրաստանի գլխապտույտ առաջացնող լեռնային արահետներում կառուցված եկեղեցիները», - հայտարարել  է հեղինակը: National Geographic-ի հրպարակման հեղինակը հատուկ ուշադրություն է հրավիրել Հայաստանի այնպիսի «առողջարանային քաղաքների» վրա, ինչպես` Դիլիջանը, որը վաղուց անվանում են «հայկական Շվեյցարիա»։ Նրա ասելով, զբոսաշրջիկների մեծ մասը սահմանափակվում է Հայաստանի մայրաքաղաք Երևանով, սակայն Երևանից դուրս, հինգ ժամ ճանապարհ անցնելուց հետո կարելի է հասնել Գորիս, որը գտնվում է Հայաստանի հարավում, քարանձավների ու ժայռերի արանքում։ Հոդվածագիրը հավաստիացնում է, որ երկրի կանաչապատ հարավ այցելելուց հետո զգացողություններն ավելի քան տպավորիչ են։

«Պատմական տեղանքով անցնող ոլորապտույտ գյուղամիջյան ճանապարհները   տանում են դեպի Խնձորեսկ, իսկ ավտոբուսով ևս մի քանի րոպե երթևեկելուց հետո  կհայտնվեք IX դարում կառուցված Տաթևի վանքում, որը ժամանակին հայկական մշակույթի և կրթության միջնադարյան կենտրոն է եղել։ Վանական համալիր կարելի է հասնել նաև աշխարհում ամենաերկար ճոպանուղու` «Տաթևերի» շնորհիվ։ Իսկ գիշերել կարելի է Գարիսում` Խաչիկի իջևանատանը, որտեղ գիշերելու համար 20 դոլարի դիմաց կարելի է համտեսել ազգային խոհանոցի ճաշատեսակներ և հիանալ Գորիսի հին թաղամասով: National Geogpraphic-ի կազմած ցանկում են ընդգրկվել նաև Նիկարագուան, Նեպալը, Իրանը, Կոսովոն, Ուզբեկստանը, Ալբանիան, Արևելյան Թիմորը, Վրաստանն ու Թունիսը։

Հիշեցնենք, որ ՀՀ էկոնոմիկայի նախարարության զբոսաշրջության վարչության պետ Մեխակ Ապրեսյանի ասելով, 2016 թվականի արդյունքներվով միջազգային զբոսաշրջությունը Հայաստանում կավելանա 5%-ով: Նրա ասելով, I եռամսյակում միջազգային զբոսաշրջությունը երկրում աճել է 8,8%-ով: «Զբոսաշրջիկների ներհոսի դրական միտումը, մեծ հաշվով, պայմանավրոված կլինի զբոսաշրջության դիվերսիֆիկացմամբ և վերջին երկու տարիներին նախարարության կատարած աշխատանքի արդյունք է», - պարզաբանել է նա: ՀՀ ազգային վիճակագրական ծառայության տվյալներով, 2015 թվականին հանրապետույթուն է ժամանել 1 256 572 զբոսաշրջիկ (2015թ. հունվար-դեկտեմբերին` 1 192 120 զբոսաշրջիկ, տարեկան կտրվածքով կրճատվելով 3,2%-ով (2015թ. տարեկան ցուցանիծը 2014թ. նույն ժամանակահատվածի համեմատ նվազել է 1%-ով): 2015թ.  IV եռամսյակում զբոսաշրջության նպատակով հանրապետություն է ժամանել 1 310 164 մարդ (2015թ. հունվար-դեկտեմբերին` 1 187 369 մարդ), 2014թ. նույն ժամանակահատվածի համեմատ ցուցանիշը նվազել է 1,3%-ով (2015թ. տարեկան ցուցանիշը 2014թ. նույն ժամանակահատվածի համեմատ նվազել է 0,9%-ով): 2016 թ. I եռամսյակում Հայաստան է ժամանել 1 252 506 զբոսաշրջիկ (տարեկան 8,6% աճ), իսկ զբոսաշրջության նպատակով հանրապետությունից մեկնել է 1 227 499 մարդ (տարեկան 5,9% աճ):