Բաքուն փորձում է հայկական կողմի վրա բարդել ապրիլյան իրադարձությունների համար պատասխանատվությունը

 Այսօր բոլորն են հասկանում, որ Լեռնային Ղարաբաղի հակամարտությունը վաղ թե ուշ պետք է կարգավորվի խաղաղ և բանակցությունների ճանապարհով: Ըստ «Թրենդի», այդ մասին հայտարարել է Ադրբեջանի նախագահի աշխատակազմի ղեկավարի տեղակալ, արտաքին կապերի բաժնի պետ Նովրուզ Մամեդովը:

«Ապրիլյան վերջին իրադարձությունները, որոնք հայկական կողմի մտածված կամ չմտածված գործողություններ էին զորքերի շփման գծում, հերթական անգամ հակամարտության վրա սևեռեցին համաշխարհային հանրության, ԵԱՀԿ ՄԽ համանախագահող երկրների, ինչպես նաև տարբեր միջազգային և տարածաշրջանային կազմակերպությկունների ուշադրությունը, ցույց տալով, որ դա սառեցված հակամարտություն չէ: Միևնույն ժամանակ, Եվրոպայում, ԱՄՆ-ում, ինչպես նաև Ռուսաստանում ձևավորվել է կարծիք, որ հարկավոր է ուշադիր լինել այդ հակամարտության նկատմամբ, եկել է դրա կարգավորման հասնելու ժամանակը», - ասել է Մամեդովը:

Անդրադառնալով Հայաստանի և Ադրբեջանի նախագահների Վիեննայի հանդիպմանը` Ադրբեջանի նախագահի աշխատակազմի ներկայացուցչը նշել է, որ Ադրբեջանի ցանկությունը հակամարտության արդար կարգավորումն է միջազգային իրավունքի նրոմերի շրջանակում: Նրա ասելով, այդ հարցում Բաքվուն նախընտրում է բանակցություններն ու խաղաղ ճանապարհը:

Մամեդովը նաև անդրադարձել է Վիեննայի հանդիպումից հետո ԵԱՀԿ գործող նախագահի անձնական ներկայացւոցչի լիազորությունների ընդլայնման շուրջ պայմանավորվածությանը և ընդգծել, որ Ադրբեջանն արտահայտել է իր պաշտոնական դիրքորոշումն այդ առնչությամբ:

«Այստեղ հիմնական գաղափարը հրադադարի ռեժիմի ամրապնդումն էր: Այսինքն, ինչպես և ապրիլի սկզբին, Հայաստանը մշտապես զբաղվում է սադրանքներով: Այդ առնչությամբ ներկայացվել է մի քանի առաջարիություն, և դրանցից մեկը ԵԱՀԿ ներկայացուցչի մանդատի ընդլայնումն է` մշտադիտարկում անցկացնելու համար: Մենք  ասել ենք, որ ընդունում ենք այդ առաջարկությունները` որպես համանախագահող երկրների առաջարկություններ, և չենք առարկում այդ առաջարկության դեմ: ԵԱՀԿ գործող նախագահի անձնական ներկայացուցիչը մինչ այդ էլ մշտադիրտարկում անցկացնելու հնարավորություն ուներ: Եթե պետք է դիտարկում լինի, թող լինի, մենք չենք առարկում, եթե կա որոշակի ընդլայնման հնարավորություն, թող ընդլայնվեն: Այդ հարցում Ադրբեջանը ցանկանում է, որպեսզի կատարվող իրադարձություններին տրվի արդար և ճիշտ գնահատական», - հավելել է Մամեդովը:

Նրա կարծիքով, հստակ, անաչառ, իրականությունն արտահայտող դիրքորոշման արտահայտումը մեծ խնդիր է: «Հայաստանը կիրառում է ֆոսֆորային ռումբ, ոչ համանախագահները, ոչ ԵԱՀԿ ներկայացուցիչներն այդ առնչությամբ դիրքրոոշում չեն արտահայտում, միթե՟ դա նորմալ է», - ասել է նա:

Մեկնաբանելով Հայաստանի նախկին վարչապետ Հրանտ Բագրատյանի այն հայտարարությունը, թե Հայաստանը միջուկային զենք ունի, Ադրբեջանի նախագահի աշխատակազմի ներկայացուցիչն ասել է. «Չէ որ հարկավոր է դիրքորոշում հայտնել այդ առնչությամբ: Եթե դա այդպես է, ապա այն (միջուկային զենքը – խմբ.) վտանգ է ներկայացնում ոչ միայն Ադրբեջանի, այլև ողջ տարածաշրջանի համար: Ուստի, մեր ցանկությունն այն է, որպեսզի այնտեղ գտնվղ առաքելությունն արդար դիրքորոշում դրսևորի, գնահատական տա իրական գործընթցններին»:

Մայիսի 16-ին Հայաստանի նախագահ Սերժ Սարգսյանը և Ադրբեջանի նախագահ Իլհամ Ալիևը մասնակցել են ԵԱՀԿ Մինսկի խմբի համանախագահող երկրների արտաքին գործերի նախարարների նախաձեռնությամբ և ԱՄՆ պետքարտուղար Ջոն Քերիի, ՌԴ արտգործնախարար Սերգեյ Լավրովի, Ֆրանսիայի եվրոպական հարցերով պետքարտուղար Արլեմ Դեզիրի մասնակցությամբ տեղի ունեցած քննարկմանը:

Քննարկվել են ԼՂ հակամարտության գոտում ս.թ. ապրիլի սկզբին զինադադարի կոպիտ խախտման հետևանքով ստեղծված լարված իրավիճակը և դրանից դուրս գալու ուղիները: Համանախագահող երկրների ներկայացուցիչները պնդել են 1994թ. զինադադարի և 1995թ. զինադադարի ամրապնդման մասին համաձայնագրերի անշեղ իրագործման անհրաժեշտությունը: Համաձայնություն է ձեռք բերվել քայլեր ձեռնարկելու դրանց իրականացման մշտադիտարկման և միջադեպերի հետաքննության մեխանիզմի ներդրման, ԵԱՀԿ գործող նախագահի անձնական ներկայացուցչի թիմի կարողությունների ավելացման, հակամարտության կարգավորման բանակցային գործընթացի հնարավոր վերսկսման ուղղությամբ: