Եվրոպայի Խորհրդի Խորհրդարանական Վեհաժողովի նախագահ Պեդրո Ագրամունտի հերթական կողմնակալ հայտարարությունն այն մասին, որ ղարաբաղյան պրոբլեմին աջակցելու ուղղությամբ կանի իրենից կախված ամեն ինչ, կտրված է իրականությունից, քանի որ ԵԽԽՎ-ն չունի հակամարտության կարգավորմանը մասնակցելու մանդատ, ԱրմԻնֆո գործակալության թղթակցի հետ զրույցում նշել է ԵԽԽՎ-ում Հայկական պատվիրակության անդամ Սամվել Ֆարմանյանը:
Ըստ Ֆարմանյանի, նման անհեռտես հայտարարությունները ոչ մի կերպ չեն կարող նպաստել հակամարտության կարգավորմանը, այլ ճիշտ հակառակը. «Ագրամունտը հերթական անգամ ապացուցեց իր հասցեին հայկական պատվիրակության ուղղած մեղադրանքների օբյեկտիվությունը, ինչպես նաև կասկածի տակ դրեց ԵԽԽՎ հեղինակությունը: Ցավոք, սա առաջին դեպքը չէ, երբ, ի դեմս ԵԽԽՎ նախագահի, մենք գործ ենք ունենում մի մարդու հետ, որը, շահարկելով ղարաբաղյան հարցը, փորձում է լուծել իր անձնական պրոբլեմները, այլ ոչ թե կատարել զբաղեցրած պաշտոնից բխող իր պարտականությունները: Օրինակ, Ագրամունտը կարող էր քաղաքական շահարկումների փոխարեն, ելնելով իրեն պաշտոնապես ընձեռված հնարավորություններից, աջակցել կողմերի միջև վստահության բարձրացմանը, այլ ոչ թե անել հակառակը»,-հայտարարել է Ֆարմանյանը:
Նրա կարծիքով, Ագրամունտի գործողություններն ու հայտարարությունները, ավելի շուտ, հետապնդում են Բաքվին գոհացնելու նպատակ, այստեղից բխող բոլոր հետևանքներով, բայց նա, անկասկած, այն տրամաչափի քաղաքական գործիչը չէ, որպեսզի կարողանա ինչ-որ կերպ ազդել ղարաբաղյան կարգավորման վրա:
Այնուհետև պատգամավորն ընդգծել է, որ Ագրամունտի գործողություններն ու հայտարարությունները պետք է ազդանշան հանդիսանան ԵԽԽՎ և, մասնավորապես, Եվրոպական ժողովրդավարական կուսակցության քաղաքական խմբի անդամների համար, այդ կառույցի նախագահի պաշտոնում հունվարին նրա լիազորությունների հնարավոր երկարաձգման նպատակահարմարության առումով:
Նշենք, որ Ադրբեջանի Միլլի Մեջլիսի խոսնակ Օկտայ Ասադովի հետ Սանկտ-Պետերբուրգում, ԱՊՀ երկրների միջկառավարական խորհրդի գագաթնաժողովի շրջանակներում կայացած հանդիպման ընթացքում Ագրամունտը հայտարարել էր, որ բոլոր հակամարտոթյունները, այդ թվում նաև ղարաբաղյանը, պետք է կարգավորվեն պետությունների տարածքային ամբողջականության սկզբունքի շրջանակներում: «ԵԽԽՎ և անձամբ իմ դիրքորոշումը կայանում է նրանում, որ ԼՂ հակամարտոթյունը, ինչպես նաև բոլոր հակամարտոթյունները, պետք է կարգավորվեն երկրների տարածքային ամբողջականության շրջանակներում»,-մասնավորապես, հայտարարել է նա, միաժամանակ դժգոհելով ԼՂՀ պրոբլեմի նկատմամբ իր դիրքորոշման կապակցությամբ ԵԽԽՎ հայկական պատվիրակության կողմից իր հասցեին ուղղված մեղադրանքների առնչությամբ:
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
