Լավրովի Բաքվի հայտարարությունները «տարածքներ կարգավիճակի դիմաց» բանաձևի իրագործմանը ձեռնամուխ լինելու փորձ են: ԱրմԻնֆո-ին այդպիսի կարծիք է հայտնել ԼՂՀ նախկին արտգործնախարար, անկախ վերլուծաբան Արման Մելիքյանը:
Ապրիլի 7-ին Բաքվում Ադրբեջանի և Իրանի իր պաշտոնակիցների հետ համատեղ ճեպազրույցի ժամանակ Ռուսաստանի արտգործնախարար Սերգեյ Լավրովը հայտարարել էր, թե ղարաբաղյան կարգավորման պայմանագրի բոլոր բաղադրիչները գտնվում են սեղանին:« Հարցը, նույնիսկ, այն չէ, թե ինչպես դասավորել այդ բաղադրիչները, հարցը` ձևակերպումներն են, մենք շատ մոտ ենք կարգավորմանը: Ռուսաստանը մյուս երկրներից ավելի շահագրգռված է հակամարտության լուծման հարցում», - հայտարարել էր դիվանագետը:
«Ռուսական կողմից պարբերաբար հնչեցվել է բանակցային գործընթացի հաջողության բանաձևը` «տարածքներ կարգավիճակի դիմաց», որը ենթադրում է այժմ Ստեփանակերտի վերահսկողության տակ գտնվող տարածքի մոտ երկու երրորդի հանձնում Ադրբեջանին` Բաքվի կողմից Արցախի ինչ-որ կարգավիճակի ճանաչման դիմաց: Դատելով ըստ ամենայնի` կարգավորման վերաբերյալ առաջարկությունների պատրաստի փաթեթի առկայության և հակամարտության վերջնական կարգավորմանը կողմերի շատ մոտ լինելու վերաբերյալ Լավրովի հայտարարությունները ենթադրում են, որ փորձ է արվում ձեռնամուխ լինել վերը նշված բանաձևի իրագործմանը», - հայտարարել է Մելիքյանը:
Վերլուծաբանն ընդգծել է, որ իրեն բնավ չի զարմացնի, եթե ռուսական կողմից առաջարկվող կարգավորման ծրագիրը առանձի տողով ներառի հակամարտության տարածաշրջան կոնկրետ ռուսական խաաղապահ զորակազմ մտցնելու պարտադիր պայման:
Ռուսական դիվանագիտությունը, նրա գնահատմամբ, առանց այդ էլ ջանք է գործադրել Արցախը որպես սուբյեկտ առավելագույնս չեզոքացնելու ուղղությամբ` հակամարտության խաղաղ կարգավորման գործըթնացի համատեքստում: Ռուսական դիվանագիտական պրակտիկայում նման մոտեցման նախաձեռնողն ու հիմնադիրը եղել է ոչ անհայտ Վլադիմիր Կազիմիրովը, իսկ նրա հետևորդները հաջողությամբ շարունակել են այդ գիծը` արդեն մեր օրերում:
«Օրինակ, Ադրբեջանի ապրիլյան քառօրյա պատերազմի արկածախնդրության շրջանում Ռուսաստանի առաջին հեռուստաալիքը նորությունների իր թողարկումներում մշտապես հակամարտությունը ներկայացնում էր որպես պատերազմ Հայաստանի և Ադրբեջանի միջև, դրանով իսկ նենգափոխելով հակամարտության էությունը և դիմակայության կողմերի իրական ձևաչափը: Շատ էր խոսվում այն մասին, որ դիմակայող կողմերը ոչ մի կերպ չեն կարող պայմանավրովել առանց Ռուսաստանի միջնորդության», - նշել է նա:
«Ռուսաստանը, որպես ԵԱՀՄ Մինսկի խմբի անդամ, առանց այդ էլ այս բոլոր տարիներին զբաղվել է միջնորդական գործուենությամբ, որը շոշափելի արդյուքն չի տվել: Եվ ահա այժմ հենց նրա առանձին միջնորդությունը կարող է վճռական ազդեցություն գործել բանակցությունների բարենպաստ ելքի համար: Ինչից կարելի է անել միակ հետևությունը. այս ողջ ընթացքում ՄԽ մյուս անդամները նրան խանգարում էին, և միայն հավաքական խաղաղապահ ջանքերի շրջանակներից դուրս Մոսկվան կարող է թևերը տարածել և հաշտեցնել անխոհեմ կռվարարներին», - ամփոփել է Մելիքյանը:
Քաղաքագետ. Թեհրանը ստեղծում է անվտանգության միջավայր, որտեղ Հորմուզի նեղուցում կայուն նավագնացությունը դժվար կլինի պատկերացնել առանց իր անմիջական մասնակցության
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
