


Արմինֆո. Հայկական կողմը ցավակցություն է հայտնել Թբիլիսիի Փոնիճալա շրջանում բնակելի շենքում գազի պայթյունի հետևանքով զոհվածների ընտանիքներին:
ՀՀ արտաքին գործերի և միջազգային առևտրի նախարարության մամուլի ծառայությունից տուժածներին մաղթել են շուտափույթ ապաքինում: "Մեր խորին ցավակցությունն ենք հայտնում Թբիլիսի քաղաքի Փոնիճալա թաղամասում տեղի ունեցած ողբերգական պայթյունի կապակցությամբ, որը մարդկային կյանքեր է խլել: Այս դժվարին պահին մենք համերաշխ ենք եղբայրական Վրաստանի ժողովրդի հետ", - ասվում Հայաստանի ԱԳՄԱՆ հաղորդագրությունում։
Վրաստանում Հայաստանի դեսպանությունը ևս շուտափույթ ապաքինում է մաղթել տուժածներին: "Խորին վշտակցություն ենք հայտնում Թբիլիսիի Փոնիճալա թաղամասում տեղի ունեցած պայթյունի հետևանքով տեղի ունեցած ողբերգության կապակցությամբ, որը մարդկային զոհերի պատճառ է դարձել: Մեր անկեղծ ցավակցությունն ու զորակցության խոսքն ենք հայտնում զոհվածների ընտանիքներին և մերձավորներին: Տուժածներին մաղթում ենք շուտափույթ ապաքինում: Այս ծանր պահերին եղբայրական Վրաստանին հայտնում ենք մեր համերաշխությունն ու անկեղծ կարեկցանքը", - ասված է դեսպանատան Facebook-յան էջում հրապարակված հայտարարությում:
Նշենք, որ 2026 թվականի նոյեմբերի 19-ին Թբիլիսիի Փոնիճալա թաղամասի բնակելի շենքում տեղի է ունեցել կենցաղային գազի պայթյուն, ինչի հետևանքով, ըստ վերջին տվյալների, զոհվել է վեց մարդ՝ երեք կին, մեկ տղամարդ և երկու երեխա: Ողբերգության կապակցությամբ Վրաստանի կառավարությունը 2026 թվականի նոյեմբերի 22-ը հայտարարել է ազգային սգո օր։


