Լավրով․ Հայաստանին չեն վռնդի ՀԱՊԿ-ից  

Արմինֆո.Հավաքական անվտանգության պայմանագրի կազմակերպության (ՀԱՊԿ) դուռը Երևանի համար "չի փակվում", Հայաստանին չեն վռնդելու ՀԱՊԿ-ից։ Այս մասին լրագրողներին հայտարարել է Ռուսաստանի ԱԳ նախարար Սերգեյ Լավրովը՝ Հավաքական անվտանգության պայմանագրի կազմակերպության Արտգործնախարարների խորհրդի, Պաշտպանության նախարարների խորհրդի և Անվտանգության խորհուրդների քարտուղարների կոմիտեի համատեղ նիստից հետո։

"Մենք՝ որպես օրինապաշտ մարդիկ, որոնք հավատարիմ են իրենց պայմանագրային պարտավորություններին, այսօր պայմանավորվել ենք պետությունների ղեկավարների քննարկմանը ներկայացնել Հայաստանի քաղաքացիների՝ ՀԱՊԿ քարտուղարությունում աշխատանքի ընդունումը դադարեցնելու եւ ՀԱՊԿ - ում Հայաստանի ձայնի իրավունքը դադարեցնելու մասին որոշումը՝ մեր կազմակերպության կանոնադրության 25-րդ հոդվածի համաձայն, որն ասում է. եթե ՀԱՊԿ բյուջե պարտքը գերազանցում է 2 տարվա ժամկետը, ապա երկիրը պետք է զրկվի ձայնի իրավունքից, բայց մենք դուռը չենք փակում", - ըստ ՏԱՍՍ-ի՝ նշել է Լավրովը:

"Ինձ թվում է, [Հայաստանի վարչապետ] Նիկոլ Փաշինյանը, երբ ասում է. "Ես, իհարկե, գնում եմ Եվրամիություն, ինձնից հանրաքվե են պահանջում, որպեսզի հայ ժողովուրդն ընտրի, թե որտեղ է ավելի լավ ՝ Եվրասիական տնտեսական միությունում, թե ԵՄ-ում, ես այդ ընտրությունը կկատարեմ, երբ պաշտոնապես հայտ ներկայացնեմ, և ինձ պատասխանեն", - ասել է ՌԴ ԱԳ նախարարը: Նրա խոսքով, մոտավորապես նույն տրամաբանությունն է նկատվում ՀԱՊԿ-ի պարագայում, երբ Երեւանը հայտարարում է, որ կազմակերպությունն այլեւս չի համապատասխանում երկրի շահերին, քանի որ "չի ապահովում Հայաստանի կարիքները անվտանգության ոլորտում": "Բայց, եթե այդպես է, ուրեմն պետք է դուրս գալ ։ Բայց, եթե ուզում են, որ մենք վռնդենք Հայաստանին, մենք այդպես չենք անի", - եզրափակել Է Լավրովը։

Հիշեցնենք, որ  2022 թվականի վերջից Հայաստանը բոյկոտում է ՀԱՊԿ շրջանակներում անցկացվող միջոցառումները ։ 2024 թվականի փետրվարին ՀՀ վարչապետ Նիկոլ Փաշինյանը հայտարարել է, որ Հայաստանը, գործնականում, սառեցրել է իր մասնակցությունը ՀԱՊԿ-ին, քանի որ կազմակերպությունը չի կատարել իր պարտավորությունները ՀՀ հանդեպ, ինչը չէր կարող անհետևանք մնալ ։ Իսկ արդեն 2024 թվականի սեպտեմբերի 18-ին Հայկական երկրորդ համաշխարհային գագաթնաժողովում Փաշինյանը հայտարարել է, որ ՀԱՊԿ-ը սպառնալիքներ է ստեղծում Հայաստանի անվտանգության, նրա հետագա գոյության, ինքնիշխանության և պետականության համար։